Ekki „blússandi gangur“ á rafvörumarkaði eins og gögn RSV gefi til kynna
![Kjartan Örn Sigurðsson, forstjóri Ormsson, segir að gögn Rannsóknarsetursins nái ekki til allra kortagreiðslufyrirtækja sem starfi hérlendis. Að auki séu smit á milli flokka, til að mynda hafi rafmagnsbílar verið flokkaðir með raftækjum.](https://www.visir.is/i/DC6828F3FFDAD3038F28A51F8EFA276A8BE6730615A890A2B85D4C70C9466EA1_713x0.jpg)
Forstjóri Ormsson segir að gögn Rannsóknarseturs verslunarinnar, sem peningastefnunefnd Seðlabankans horfi meðal annars til við mat á umfangi einkaneyslu þegar stýrivextir eru ákveðnir, séu röng. Þau gögn leiði í ljós að það sé „blússandi gangur“ í hagkerfinu en því sé hins vegar ekki fyrir að fara á rafvörumarkaði. Horfur séu á að tekjur Ormsson verði á pari milli ára, mögulega einhver aukning, en forstjóri félagsins segist óttast að Seðlabankinn sé að taka ákvarðanir út frá röngum gögnum.