„Við getum ekki treyst Hagkaup í Skeifunni fyrir unglingunum“ Lovísa Arnardóttir skrifar 24. september 2024 21:07 Foreldrar voru sammála um að það þurfi að grípa til aðgerða. Aðsend Foreldrar barna í hverfum 104, 105 og 108 kalla eftir því að opnunartími félagsmiðstöðva og sundlauga verði rýmkaður. Þá vilja þau að starf félagsmiðstöðva sé eflt. Fjölmennur foreldrafundur fór fram í kvöld í Safamýri. Þar kom einnig fram vilji til að efla foreldrarölt og foreldrasamstarf. Þetta, og meira, kemur fram í ályktun sem lesin var upp á málþingi Foreldraþorpsins í kvöld og samþykkt. Þar var fjallað um velferð og öryggi ungmenna í borginni. Ályktunin verður send á ráðamanna þjóðarinnar og til skóla- og frístundasviðs Reykjavíkurborgar. Undir hana rita foreldrar í Álftamýrarskóla, Breiðagerðisskóla, Fossvogsskóla, Hvassaleitisskóla, Langholtsskóla, Laugalækjarskóla, Laugarnesskóla, Réttarholtsskóla og Vogaskóla. „Krakkar og unglingar þurfa að vera einhvers staðar, þau þurfa staði til að hanga á og þau þurfa að gera eitthvað. Samvera með fjölskyldu er mikilvæg en þú þarft líka að vera með jafnöldrum þar sem uppbyggileg samskipti eiga sér stað. Vinsæll staður til að hanga á er Hagkaup í Skeifunni. Þar er opið allan sólarhringinn og nú er þar selt áfengi. En þar eru líka hópar sem lögregla, skólarnir og félagsmiðstöðvarnar þekkja vel og vara foreldra við á fundum þar sem rætt er um forvarnir. Við getum ekki treyst Hagkaup í Skeifunni fyrir unglingunum, það er ekki þeirra hlutverk að vera félagsmiðstöð. Þá skýtur það skökku við að níkótínbúðir hverfanna séu opnar lengur en félagsmiðstöðvarnar,“ segir í ályktun foreldranna. Sjá einnig: Hagkaup hefur áfengissölu í dag Þar er þess líka krafist að aðstaða félagsmiðstöðvanna í hverfunum verði bætt og það tryggt að þær séu sem næst unglingadeildum skólanna. Mikið fjölmenni var á fundinum sem var haldinn var í Safamýri í kvöld.Aðsend Óskiljanlegt að opnunartími sundlauga sé skertur Foreldrarnir segja sömuleiðis mikilvægt að rýmka opnunartíma sundlauga um kvöldin og um helgar. „Það er í raun óskiljanlegt að á þeim tíma sem unglingar vilja oft hittast sé ekki í boði að fara í sund sem er frábær og heilbrigð skemmtun. Við þurfum að tryggja að þjónustan við unglinga sé aukin í samræmi við fjölgun barna. Í stað þess að skera niður í þjónustu við börnin og unglingana okkar þurfum við að bæta í,“ segir að lokum. Sjá einnig: Foreldrar undra sig á skerðingu opnunartíma sundlauga Foreldraþorpið var stofnað í janúar árið 2018 af foreldrum í hverfi Háaleitis, Bústaða og Laugardals. Félagar eru stjórnir, varastjórnir foreldrafélaga grunnskóla ásamt fulltrúum foreldra í skólaráðum. Í tilkynningu frá hópnum segir að markmið félagsins sé að vera samráðsvettvangur foreldrafélaganna og efla samstöðu foreldra í hverfinu. Forvarnir og löggæsla Yfirskrift málþingsins sem var haldið í kvöld var „Hvernig styðjum við velferð og öryggi ungmenna í borginni?“. Fundarstjóri var Karl Óskar Þráinsson foreldri í hverfinu, Kári Sigurðsson verkefnastjóri forvarna hjá skóla- og frístundasviði Reykjavíkurborgar fjallaði um unglingamenningu og verndandi þætti í uppeldi barna. Karl Óskar Þráinsson var fundarstjóri.Aðsend Unnar Þór Bjarnason varðstjóri lögreglunnar á höfuðborgarsvæðinu fjallaði um samfélagslögregluna, ungmennaráð Kringlumýrar kom með kraftmikið innlegg um stöðu samfélagsins gagnvart ungu fólki. Margrét Lilja Guðmundsdóttir sérfræðingur hjá Planet Youth fjallaði af einlægni um hvernig við sem samfélag virkum best saman og erum sterkari sem ein heild. Stjórnendur, Árni Jónsson og Þórhildur Rafn Jónsdóttir kynntu starfsemi félagsmiðstöðva Kringlumýrar sem er þekkingarmiðstöð í málefnum fatlaðra barna og unglinga á frístundahluta Skóla- og frístundasviðs en staðsett á Norðurmiðstöð. Fyrirlesarar og ungmennaráð Kringlumýrar svöruðu spurningunni með því að koma með ráð til foreldra og í lokin svöruðu foreldrar tveimur spurningum hvernig þau sem foreldrar geta stutt við öryggi og velferð ungmenna og hvert væri hlutverk sveitarfélagsins gagnvart ungmennum borgarinnar. Börn og uppeldi Reykjavík Ofbeldi gegn börnum Ofbeldi barna Barnavernd Sundlaugar Mest lesið Brynjar ákærður fyrir að brjóta á fleiri stúlkum Innlent Hefur þrisvar komið að 13 ára syni sínum meðvitundarlausum Innlent Segir Vinstri græn ekki styðja frekari breytingar á útlendingalögum Innlent Vísar á bug tillögum um frið í skiptum fyrir úkraínskt land Erlent Hvers vegna er skiltið í Kúrlandi svo hátt uppi? Innlent Samherjaskipstjórinn segir málinu ekki lokið Innlent Líklega verði flett ofan af fleirum í rannsókn á brotum Diddy Innlent „Þetta má aldrei gerast aftur“ Innlent Sextán ára dómur fyrir manndráp í Drangahrauni stendur Innlent Um 100 þúsund fjár slátrað á Selfossi Innlent Fleiri fréttir Segir Vinstri græn ekki styðja frekari breytingar á útlendingalögum Brynjar ákærður fyrir að brjóta á fleiri stúlkum Samherjaskipstjórinn segir málinu ekki lokið Líklega verði flett ofan af fleirum í rannsókn á brotum Diddy Hvers vegna er skiltið í Kúrlandi svo hátt uppi? Rannsókn lögreglu haft kælingaráhrif á alla blaðamannastéttina Um 100 þúsund fjár slátrað á Selfossi Hefur þrisvar komið að 13 ára syni sínum meðvitundarlausum Hamra járnið meðan það er heitt í mansalsmálum Bein útsending: Upplýsingafundur með íbúum Voga vegna jarðhræringa Nemandinn sem stakk Ingunni áfrýjar dómi Ráðþrota móðir, umtöluð rannsókn og skiltaþjófnaður Fagnar niðurstöðunni en lýsir yfir þungum áhyggjum „Þetta má aldrei gerast aftur“ Hissa ef tillaga um stjórnarslit hefði ekki komið fram Sextán ára dómur fyrir manndráp í Drangahrauni stendur Áfrýjaði engu nema ákvörðun um launin og málið fellt niður Þrjú vilja stýra Minjastofnun Varla komist í kast við lögin fyrr en hann flutti kókaín til landsins Bein útsending: Framtíð menntunar á tímum gervigreindar Bein útsending: Sátt um betra menntakerfi Rannsókn á byrlunar- og símamáli Páls skipstjóra úr sögunni Nýr umboðsmaður og SI svara seðlabankastjóra Sjö Rúmenar gefa ekkert uppi um tugmilljóna króna þýfi Vilja að takmarkanir á starfsmannaleigur verði skoðaðar Kristín Benediktsdóttir nýr umboðsmaður Alþingis Tuttugu lyklar í Árbæjarlaug horfnir Inga segir landið að sökkva í sæ vargaldar Jón Gnarr skráður í Viðreisn og ætlar á Alþingi Svandís Svavarsdóttir mætir í Samtalið Sjá meira
Þetta, og meira, kemur fram í ályktun sem lesin var upp á málþingi Foreldraþorpsins í kvöld og samþykkt. Þar var fjallað um velferð og öryggi ungmenna í borginni. Ályktunin verður send á ráðamanna þjóðarinnar og til skóla- og frístundasviðs Reykjavíkurborgar. Undir hana rita foreldrar í Álftamýrarskóla, Breiðagerðisskóla, Fossvogsskóla, Hvassaleitisskóla, Langholtsskóla, Laugalækjarskóla, Laugarnesskóla, Réttarholtsskóla og Vogaskóla. „Krakkar og unglingar þurfa að vera einhvers staðar, þau þurfa staði til að hanga á og þau þurfa að gera eitthvað. Samvera með fjölskyldu er mikilvæg en þú þarft líka að vera með jafnöldrum þar sem uppbyggileg samskipti eiga sér stað. Vinsæll staður til að hanga á er Hagkaup í Skeifunni. Þar er opið allan sólarhringinn og nú er þar selt áfengi. En þar eru líka hópar sem lögregla, skólarnir og félagsmiðstöðvarnar þekkja vel og vara foreldra við á fundum þar sem rætt er um forvarnir. Við getum ekki treyst Hagkaup í Skeifunni fyrir unglingunum, það er ekki þeirra hlutverk að vera félagsmiðstöð. Þá skýtur það skökku við að níkótínbúðir hverfanna séu opnar lengur en félagsmiðstöðvarnar,“ segir í ályktun foreldranna. Sjá einnig: Hagkaup hefur áfengissölu í dag Þar er þess líka krafist að aðstaða félagsmiðstöðvanna í hverfunum verði bætt og það tryggt að þær séu sem næst unglingadeildum skólanna. Mikið fjölmenni var á fundinum sem var haldinn var í Safamýri í kvöld.Aðsend Óskiljanlegt að opnunartími sundlauga sé skertur Foreldrarnir segja sömuleiðis mikilvægt að rýmka opnunartíma sundlauga um kvöldin og um helgar. „Það er í raun óskiljanlegt að á þeim tíma sem unglingar vilja oft hittast sé ekki í boði að fara í sund sem er frábær og heilbrigð skemmtun. Við þurfum að tryggja að þjónustan við unglinga sé aukin í samræmi við fjölgun barna. Í stað þess að skera niður í þjónustu við börnin og unglingana okkar þurfum við að bæta í,“ segir að lokum. Sjá einnig: Foreldrar undra sig á skerðingu opnunartíma sundlauga Foreldraþorpið var stofnað í janúar árið 2018 af foreldrum í hverfi Háaleitis, Bústaða og Laugardals. Félagar eru stjórnir, varastjórnir foreldrafélaga grunnskóla ásamt fulltrúum foreldra í skólaráðum. Í tilkynningu frá hópnum segir að markmið félagsins sé að vera samráðsvettvangur foreldrafélaganna og efla samstöðu foreldra í hverfinu. Forvarnir og löggæsla Yfirskrift málþingsins sem var haldið í kvöld var „Hvernig styðjum við velferð og öryggi ungmenna í borginni?“. Fundarstjóri var Karl Óskar Þráinsson foreldri í hverfinu, Kári Sigurðsson verkefnastjóri forvarna hjá skóla- og frístundasviði Reykjavíkurborgar fjallaði um unglingamenningu og verndandi þætti í uppeldi barna. Karl Óskar Þráinsson var fundarstjóri.Aðsend Unnar Þór Bjarnason varðstjóri lögreglunnar á höfuðborgarsvæðinu fjallaði um samfélagslögregluna, ungmennaráð Kringlumýrar kom með kraftmikið innlegg um stöðu samfélagsins gagnvart ungu fólki. Margrét Lilja Guðmundsdóttir sérfræðingur hjá Planet Youth fjallaði af einlægni um hvernig við sem samfélag virkum best saman og erum sterkari sem ein heild. Stjórnendur, Árni Jónsson og Þórhildur Rafn Jónsdóttir kynntu starfsemi félagsmiðstöðva Kringlumýrar sem er þekkingarmiðstöð í málefnum fatlaðra barna og unglinga á frístundahluta Skóla- og frístundasviðs en staðsett á Norðurmiðstöð. Fyrirlesarar og ungmennaráð Kringlumýrar svöruðu spurningunni með því að koma með ráð til foreldra og í lokin svöruðu foreldrar tveimur spurningum hvernig þau sem foreldrar geta stutt við öryggi og velferð ungmenna og hvert væri hlutverk sveitarfélagsins gagnvart ungmennum borgarinnar.
Börn og uppeldi Reykjavík Ofbeldi gegn börnum Ofbeldi barna Barnavernd Sundlaugar Mest lesið Brynjar ákærður fyrir að brjóta á fleiri stúlkum Innlent Hefur þrisvar komið að 13 ára syni sínum meðvitundarlausum Innlent Segir Vinstri græn ekki styðja frekari breytingar á útlendingalögum Innlent Vísar á bug tillögum um frið í skiptum fyrir úkraínskt land Erlent Hvers vegna er skiltið í Kúrlandi svo hátt uppi? Innlent Samherjaskipstjórinn segir málinu ekki lokið Innlent Líklega verði flett ofan af fleirum í rannsókn á brotum Diddy Innlent „Þetta má aldrei gerast aftur“ Innlent Sextán ára dómur fyrir manndráp í Drangahrauni stendur Innlent Um 100 þúsund fjár slátrað á Selfossi Innlent Fleiri fréttir Segir Vinstri græn ekki styðja frekari breytingar á útlendingalögum Brynjar ákærður fyrir að brjóta á fleiri stúlkum Samherjaskipstjórinn segir málinu ekki lokið Líklega verði flett ofan af fleirum í rannsókn á brotum Diddy Hvers vegna er skiltið í Kúrlandi svo hátt uppi? Rannsókn lögreglu haft kælingaráhrif á alla blaðamannastéttina Um 100 þúsund fjár slátrað á Selfossi Hefur þrisvar komið að 13 ára syni sínum meðvitundarlausum Hamra járnið meðan það er heitt í mansalsmálum Bein útsending: Upplýsingafundur með íbúum Voga vegna jarðhræringa Nemandinn sem stakk Ingunni áfrýjar dómi Ráðþrota móðir, umtöluð rannsókn og skiltaþjófnaður Fagnar niðurstöðunni en lýsir yfir þungum áhyggjum „Þetta má aldrei gerast aftur“ Hissa ef tillaga um stjórnarslit hefði ekki komið fram Sextán ára dómur fyrir manndráp í Drangahrauni stendur Áfrýjaði engu nema ákvörðun um launin og málið fellt niður Þrjú vilja stýra Minjastofnun Varla komist í kast við lögin fyrr en hann flutti kókaín til landsins Bein útsending: Framtíð menntunar á tímum gervigreindar Bein útsending: Sátt um betra menntakerfi Rannsókn á byrlunar- og símamáli Páls skipstjóra úr sögunni Nýr umboðsmaður og SI svara seðlabankastjóra Sjö Rúmenar gefa ekkert uppi um tugmilljóna króna þýfi Vilja að takmarkanir á starfsmannaleigur verði skoðaðar Kristín Benediktsdóttir nýr umboðsmaður Alþingis Tuttugu lyklar í Árbæjarlaug horfnir Inga segir landið að sökkva í sæ vargaldar Jón Gnarr skráður í Viðreisn og ætlar á Alþingi Svandís Svavarsdóttir mætir í Samtalið Sjá meira