Ótrúverðugar skýringar í nauðgunarmáli Kolbeinn Tumi Daðason skrifar 3. október 2024 15:29 Dómur var kveðinn upp í Landsrétti í dag. Vísir/Vilhelm Arnar Björn Gíslason, 26 ára karlmaður, hefur verið dæmdur í tveggja og hálfs árs fangelsi fyrir nauðgun. Arnar Björn var sakfelldur í Héraðsdómi Reykjavíkur í nóvember í fyrra og var refsingin staðfest í Landsrétti í dag. Arnar Björn var dæmdur fyrir að hafa að morgni sunnudagsins 20. febrúar árið 2022 brotið á konu á heimili hennar í Reykjavík. Í ákæru kom fram að hann hefði án samþykkis konunnar og með ólögmætri nauðung haft samræði og önnur kynferðismök við konuna með því að stinga fingrum ítrekað í leggöng hennar, leggjast ofan á hana, halda henni niðri og hafa við hana samræði. Þá hefði hann klipið hana víðs vegar um líkamann og skeytt engu þó konan hefði ítrekað sagt honum að hætta, ýtt hönd hans í burtu og öskrað af sársauka. Konan hlaut roða og marbletti á brjóstum, bringu, ofanverðum upphandleggjum, hægra utanverðu læri og sentimetra langan skurð við leggangaop. Kynntust á samfélagsmiðlum viku fyrr Málsatvikum er lýst í dómi héraðsdóms frá í fyrra. Þar kemur fram að fólkið hafi kynnst á samskiptaforriti 10. febrúar 2022, náð vel saman og spjallað reglulega þar til þau hittust fyrst föstudaginn 18. febrúar. Þá nótt gistu þau saman án þess að nokkuð kynferðislegt hefði gerst á milli þeirra. Kvöldið eftir hittust þau aftur. Konan lýsti því að hafa sótt Arnar Björn eftir miðnætti en hann hefði verið drukkinn og ekki getað náð sér í leigubíl. Í rúminu hafi Arnar Björn reynt að fara inn á hana en hún ýtt honum frá. Hún hefði verið í samfestingi með stutt- og nærbuxum innan undir. Hann hefði þó komið vinstri hendi inn undir buxnaskálm og stungið fingrum í leggöng hennar. Það hefði verið mjög sárt. Hún hefði ítrekað reynt að ýta honum í burtu. Hann hefði klætt sig úr nærbuxunum og hún ítrekað að þau væru ekki að fara að sofa saman. Hann hefði engu skeytt um það og haft samræði við hana, hratt og harkalega, og klórað hana svo hún öskraði. Beiðnir hennar um að hætta hefðu verið hundsaðar þar til hann hætti loks, lagðist við hliðina á henni og lét eins og ekkert hefði í skorist. Hafi gert lítið úr henni Líklega hefðu tvær til þrjár klukkustundir liðið frá því þau komu heim til hennar þar til þau fóru að sofa. Hann hefði klipið hana og slegið í eyrað þar sem hún var með tvö göt svo blæddi úr öðru þeirra. Hefði það gerst í einu af mörgum tilvikum þegar hann hefði verið að gera lítið úr henni. Kvaðst hún hafa beðið hann að biðjast afsökunar en hann þá gert lítið úr henni með því að apa allt eftir henni með breyttri rödd. Hann hefði síðan farið í símann og hún farið að sofa þegar klukkan var að verða fimm. Hafi hún vonað að hann yrði farinn þegar hún vaknaði daginn eftir og svo reyndist vera. Í framhaldinu hefði hún reynt að ná í Arnar Björn og leitast eftir afsökunarbeiðni en enga fengið. Loks hefði hún sagt honum að hún væri á leið á Landspítalann til að leita sér aðstoðar. Hún hefði verið með yfir tuttugu marbletti á líkamanum eftir hann. Hún upplifði líkamlegan sársauka í leggöngum og væri enn þegar hún pissaði. Arnar Björn neitaði því að samræðið hefði verið gegn vilja konunnar. Þau hefðu haft samræði líka kvöldið á undan. Þá hefðu tilraunir hans mánuðum síðar til að biðjast afsökunar aðeins snúið að því að afsaka hve seint hann svaraði henni. Aðspurður hvort konan hefði veitt samþykki svaraði hann því til að hún hefði aldrei sagt nei eða að hún vildi þetta ekki. Þá lýsti hann kynferðislegu orðalagi konunnar sem hefði þannig sýnt kynferðismökum áhuga. Væri ljóst að hann væri að þvinga til kynmaka Héraðsdómur Reykjavíkur var nokkuð afdráttarlaus í niðurstöðu sinni og sagði framburð Arnars Björns hafa verið á reiki um atvik og sumar skýringar mjög ótrúverðugar. Af lýsingum hans á atvikum í kjölfar brotsins og skýringum megi ráða að honum hafi strax í upphafi verið ljóst að konan væri að saka hann um alvarlegea háttsemi. Framburður konunnar hefði verið stöðugur í gegnum allt málið og trúverðugur um það sem máli skipti. Þá fái hann stoð í skýrslu á Neyðarmóttöku og vottorði og vætti læknis og hjúkrunarfræðings. Telur dómurinn að Arnari Birni hafi ekki getað verið annað ljóst en að með háttsemi sinni væri hann að þvinga konuna til kynmaka og beita hana ofbeldi. Var hann dæmdur í tveggja og hálfs árs fangelsi í héraði og var sá dómur staðfestur í Landsrétti í dag. Þá var hann dæmdur til að greiða konunni 1,8 milljónir króna í miskabætur. Kynferðisofbeldi Dómsmál Mest lesið Risaþota flaug í lágflugi yfir Reykjavík Innlent Leita tveggja vegna banaslyssins á Sæbraut Innlent Stóra sánumálið: „Örugglega ýmislegt viðgengist sem myndi ekki viðgangast í öðrum klefum“ Innlent Starfsfólk farið að þjást af „laxaastma“ Erlent Ótrúverðugar skýringar í nauðgunarmáli Innlent Herbergi fylltist af vatni upp að hurðarhúni Innlent Tekur einarða afstöðu með þungunarrofi og sjálfræði kvenna Erlent Heilsugæslan lokar fyrir aðgengi Samgöngustofu að sjúkraskrám Innlent Alelda bíll á Reykjanesbraut Innlent Lét sér fátt um finnast að Pence væri í hættu Erlent Fleiri fréttir Minnast Bryndísar Klöru með tónleikum: „Fallegt hvað allir stóðu saman“ Kynferðisleg svefnröskun hélt ekki vatni Féll af steini við Seljalandsfoss Heilsugæslan til rannsóknar og síðasta farþegaflug júmbóþotu Kaldasti september frá árinu 2005 Hefja frumkvæðisathugun á Heilsugæslunni Segir nákvæmlega ekkert að óttast við atkvæðagreiðsluna Ótrúverðugar skýringar í nauðgunarmáli Alelda bíll á Reykjanesbraut Leita tveggja vegna banaslyssins á Sæbraut Risaþota flaug í lágflugi yfir Reykjavík Áfram á bak við lás og slá vegna andláts hjónanna Umferðarljósin rafmagnslaus vegna rafmagnstruflana Þóra Jóhanna nýr yfirdýralæknir Stóra sánumálið: „Örugglega ýmislegt viðgengist sem myndi ekki viðgangast í öðrum klefum“ Sögðu upp fleiri samningum í kjölfar úrskurðarins Ánægð með að stjórnvöld viðurkenni mönnunarvandann Vaxtalækkun, nýr kjarasamningur og lokað á sjúkraskrár Rafmagnsleysi sums staðar fram á kvöld Herbergi fylltist af vatni upp að hurðarhúni Veikindi flugstjóra settu óvænt strik í flugáætlun Atlanta-þotu Kona tveggja flokka í Samtalinu Ekið á ungan dreng á hlaupahjóli Meiri stuðningur við Borgarlínu í Reykjavík en annars staðar Heilsugæslan lokar fyrir aðgengi Samgöngustofu að sjúkraskrám Minna Íslendinga búsetta erlendis og vilja kjósa á að skrá sig Í hendur Willums að fjármagna frjóvgun í stað ófrjósemisaðgerða Afar ólíklegt að byrlunar- og símastuldarmálinu sé lokið Bíll fullur af börnum, líkamsárás og umferðaróhöpp Samið í nótt: Stjórnvöld heita lausnum á mönnunarvandanum Sjá meira
Arnar Björn var dæmdur fyrir að hafa að morgni sunnudagsins 20. febrúar árið 2022 brotið á konu á heimili hennar í Reykjavík. Í ákæru kom fram að hann hefði án samþykkis konunnar og með ólögmætri nauðung haft samræði og önnur kynferðismök við konuna með því að stinga fingrum ítrekað í leggöng hennar, leggjast ofan á hana, halda henni niðri og hafa við hana samræði. Þá hefði hann klipið hana víðs vegar um líkamann og skeytt engu þó konan hefði ítrekað sagt honum að hætta, ýtt hönd hans í burtu og öskrað af sársauka. Konan hlaut roða og marbletti á brjóstum, bringu, ofanverðum upphandleggjum, hægra utanverðu læri og sentimetra langan skurð við leggangaop. Kynntust á samfélagsmiðlum viku fyrr Málsatvikum er lýst í dómi héraðsdóms frá í fyrra. Þar kemur fram að fólkið hafi kynnst á samskiptaforriti 10. febrúar 2022, náð vel saman og spjallað reglulega þar til þau hittust fyrst föstudaginn 18. febrúar. Þá nótt gistu þau saman án þess að nokkuð kynferðislegt hefði gerst á milli þeirra. Kvöldið eftir hittust þau aftur. Konan lýsti því að hafa sótt Arnar Björn eftir miðnætti en hann hefði verið drukkinn og ekki getað náð sér í leigubíl. Í rúminu hafi Arnar Björn reynt að fara inn á hana en hún ýtt honum frá. Hún hefði verið í samfestingi með stutt- og nærbuxum innan undir. Hann hefði þó komið vinstri hendi inn undir buxnaskálm og stungið fingrum í leggöng hennar. Það hefði verið mjög sárt. Hún hefði ítrekað reynt að ýta honum í burtu. Hann hefði klætt sig úr nærbuxunum og hún ítrekað að þau væru ekki að fara að sofa saman. Hann hefði engu skeytt um það og haft samræði við hana, hratt og harkalega, og klórað hana svo hún öskraði. Beiðnir hennar um að hætta hefðu verið hundsaðar þar til hann hætti loks, lagðist við hliðina á henni og lét eins og ekkert hefði í skorist. Hafi gert lítið úr henni Líklega hefðu tvær til þrjár klukkustundir liðið frá því þau komu heim til hennar þar til þau fóru að sofa. Hann hefði klipið hana og slegið í eyrað þar sem hún var með tvö göt svo blæddi úr öðru þeirra. Hefði það gerst í einu af mörgum tilvikum þegar hann hefði verið að gera lítið úr henni. Kvaðst hún hafa beðið hann að biðjast afsökunar en hann þá gert lítið úr henni með því að apa allt eftir henni með breyttri rödd. Hann hefði síðan farið í símann og hún farið að sofa þegar klukkan var að verða fimm. Hafi hún vonað að hann yrði farinn þegar hún vaknaði daginn eftir og svo reyndist vera. Í framhaldinu hefði hún reynt að ná í Arnar Björn og leitast eftir afsökunarbeiðni en enga fengið. Loks hefði hún sagt honum að hún væri á leið á Landspítalann til að leita sér aðstoðar. Hún hefði verið með yfir tuttugu marbletti á líkamanum eftir hann. Hún upplifði líkamlegan sársauka í leggöngum og væri enn þegar hún pissaði. Arnar Björn neitaði því að samræðið hefði verið gegn vilja konunnar. Þau hefðu haft samræði líka kvöldið á undan. Þá hefðu tilraunir hans mánuðum síðar til að biðjast afsökunar aðeins snúið að því að afsaka hve seint hann svaraði henni. Aðspurður hvort konan hefði veitt samþykki svaraði hann því til að hún hefði aldrei sagt nei eða að hún vildi þetta ekki. Þá lýsti hann kynferðislegu orðalagi konunnar sem hefði þannig sýnt kynferðismökum áhuga. Væri ljóst að hann væri að þvinga til kynmaka Héraðsdómur Reykjavíkur var nokkuð afdráttarlaus í niðurstöðu sinni og sagði framburð Arnars Björns hafa verið á reiki um atvik og sumar skýringar mjög ótrúverðugar. Af lýsingum hans á atvikum í kjölfar brotsins og skýringum megi ráða að honum hafi strax í upphafi verið ljóst að konan væri að saka hann um alvarlegea háttsemi. Framburður konunnar hefði verið stöðugur í gegnum allt málið og trúverðugur um það sem máli skipti. Þá fái hann stoð í skýrslu á Neyðarmóttöku og vottorði og vætti læknis og hjúkrunarfræðings. Telur dómurinn að Arnari Birni hafi ekki getað verið annað ljóst en að með háttsemi sinni væri hann að þvinga konuna til kynmaka og beita hana ofbeldi. Var hann dæmdur í tveggja og hálfs árs fangelsi í héraði og var sá dómur staðfestur í Landsrétti í dag. Þá var hann dæmdur til að greiða konunni 1,8 milljónir króna í miskabætur.
Kynferðisofbeldi Dómsmál Mest lesið Risaþota flaug í lágflugi yfir Reykjavík Innlent Leita tveggja vegna banaslyssins á Sæbraut Innlent Stóra sánumálið: „Örugglega ýmislegt viðgengist sem myndi ekki viðgangast í öðrum klefum“ Innlent Starfsfólk farið að þjást af „laxaastma“ Erlent Ótrúverðugar skýringar í nauðgunarmáli Innlent Herbergi fylltist af vatni upp að hurðarhúni Innlent Tekur einarða afstöðu með þungunarrofi og sjálfræði kvenna Erlent Heilsugæslan lokar fyrir aðgengi Samgöngustofu að sjúkraskrám Innlent Alelda bíll á Reykjanesbraut Innlent Lét sér fátt um finnast að Pence væri í hættu Erlent Fleiri fréttir Minnast Bryndísar Klöru með tónleikum: „Fallegt hvað allir stóðu saman“ Kynferðisleg svefnröskun hélt ekki vatni Féll af steini við Seljalandsfoss Heilsugæslan til rannsóknar og síðasta farþegaflug júmbóþotu Kaldasti september frá árinu 2005 Hefja frumkvæðisathugun á Heilsugæslunni Segir nákvæmlega ekkert að óttast við atkvæðagreiðsluna Ótrúverðugar skýringar í nauðgunarmáli Alelda bíll á Reykjanesbraut Leita tveggja vegna banaslyssins á Sæbraut Risaþota flaug í lágflugi yfir Reykjavík Áfram á bak við lás og slá vegna andláts hjónanna Umferðarljósin rafmagnslaus vegna rafmagnstruflana Þóra Jóhanna nýr yfirdýralæknir Stóra sánumálið: „Örugglega ýmislegt viðgengist sem myndi ekki viðgangast í öðrum klefum“ Sögðu upp fleiri samningum í kjölfar úrskurðarins Ánægð með að stjórnvöld viðurkenni mönnunarvandann Vaxtalækkun, nýr kjarasamningur og lokað á sjúkraskrár Rafmagnsleysi sums staðar fram á kvöld Herbergi fylltist af vatni upp að hurðarhúni Veikindi flugstjóra settu óvænt strik í flugáætlun Atlanta-þotu Kona tveggja flokka í Samtalinu Ekið á ungan dreng á hlaupahjóli Meiri stuðningur við Borgarlínu í Reykjavík en annars staðar Heilsugæslan lokar fyrir aðgengi Samgöngustofu að sjúkraskrám Minna Íslendinga búsetta erlendis og vilja kjósa á að skrá sig Í hendur Willums að fjármagna frjóvgun í stað ófrjósemisaðgerða Afar ólíklegt að byrlunar- og símastuldarmálinu sé lokið Bíll fullur af börnum, líkamsárás og umferðaróhöpp Samið í nótt: Stjórnvöld heita lausnum á mönnunarvandanum Sjá meira
Stóra sánumálið: „Örugglega ýmislegt viðgengist sem myndi ekki viðgangast í öðrum klefum“ Innlent
Stóra sánumálið: „Örugglega ýmislegt viðgengist sem myndi ekki viðgangast í öðrum klefum“ Innlent