Leik lokið: HK - Fram 2-1 | Flautumark heldur vonum HK á lífi

HK tók á móti Fram í Bestu deild karla í kvöld en HK er að róa sannkallaðan lífróður í fallsæti og varð að vinna í kvöld, sem tókst með ótrúlegri dramatík.

Allt virtist stefna í 1-1 jafntefli þegar uppbótartíminn var liðinn og Cristoffer Petersen, markvörður HK, tók langt útspark. 97 mínútur komnar á klukkuna og það var bara leið 1 alla leið fyrir markið þar sem Þorsteinn Aron Antonsson kláraði færið glæsilega og heldur vonum HK um að halda sér í deildinni á lífi.

Nánari umfjöllun og viðtöl á Vísi síðar í kvöld.