Frelsi - ekkert miðjumoð! Kári Allansson og Ívar Orri Ómarsson skrifa 24. október 2024 16:00 Lýðræðisflokkurinn er eini íslenski stjórnmálaflokkurinn sem tekur einstaklingsfrelsi alvarlega. Í einstaklingsfrelsi felst að mönnum er frjálst að gera það sem þeir kjósa, nema skaða aðra og hvetja til ofbeldis. Vandi stjórnmálanna í dag er í hnotskurn sá að ríkið sinnir of mörgum verkefnum sem ekki eru á verksviði þess. Íslenskir stjórnmálamenn hafa ekki getað staðist freistinguna að kaupa sér vinsældir á kostnað skattgreiðenda. Stjórnmálamenn ráðstafa ekki eigin peningum, heldur peningunum þínum lesandi góður! Lýðræðisflokkurinn treystir sjálfráða einstaklingnum til að skipuleggja eigið líf án forsjárhyggju ríkisins. Ríkið á ekki að gera það fyrir menn sem þeir geta gert sjálfir. Hið borgaralega samfélag er yfirleitt betur til þess fallið en ríkið að leysa úr samfélagslegum vandamálum. Við alla lagasetningu skal spyrja lykilspurningarinnar: Er einstaklingsfrelsi aukið eða minnkað með þessum lögum? Neðangreind forgangsatriði Lýðræðisflokksins einkennast af áherslu á vaxtamál, aukið einstaklingsfrelsi á öllum sviðum og að hagsmunir Íslendinga séu loksins settir í fyrsta sæti. Agi í ríkisfjármálum mun stuðla að stöðugleika og eðlilegu vaxtastigi og draga úr verðbólgu. Þetta, ásamt öðrum tillögum Lýðræðisflokksins mum aflétta núverandi neyðarástandi á húsnæðismarkaði. Komugjöld verði lögð á erlenda ferðamenn til að vega upp á móti neikvæðum áhrifum á innviði, einkum húsnæðismarkaðinn. Nægilegt lóðaframboð verði tryggt og fólki þannig auðveldað að eignast húsnæði. Lýðræðisflokkurinn vill taka peningana og valdið frá stjórnmálamönnum og skila þeim aftur til fólksins, m.a. með beinu lýðræði. Útgjöld ríkisins verði skorin niður um a.m.k. 200 milljarða, fjárlög verði hallalaus og skuldir ríkisins greiddar niður. Þrepaskipting í skattkerfi verði afnumin. Erfðafjárskattur verði afnuminn. Tollar og gjöld heyri sögunni til. Ríkið innheimti aðeins skatta til að sinna kjarnahlutverki sínu, sem er að vernda líf, frelsi og eignir borgaranna. Niðurskurðartillögur verða birtar á vefsíðu Lýðræðisflokksins innan skamms. Ríkisjarðir verði seldar til íslenskra ríkisborgara og lögaðila sem greiða skatta og skyldur á Íslandi. Bankar í eigu ríkisins verði seldir. Hlutir úr ríkisfyrirtækjum verði seldir til innviðasjóða. Horft verði m.a. til tillagna Viðskiptaráðs Íslands. Efla þarf lögreglu og réttarvörslukerfið í heild til að uppræta alþjóðlega glæpastarfsemi á Íslandi. Þyngja ber refsingar við ofbeldisbrotum. Um óákveðinn tíma komi enginn útlendingur til Íslands nema með vegabréfsáritun, til að tryggja almannaöryggi og allsherjarreglu. Hæliskerfið verði lagt niður með öllu og eingöngu tekið á móti kvótaflóttamönnum. Ásættanleg færni í íslensku, auk þekkingar á íslenskri sögu, íslenskri menningu, vestrænum gildum og siðum, verði að meginreglu skilyrði fyrir veitingu ríkisborgararéttar og endurnýjun dvalarleyfa sem þegar hafa verið gefin út og dvalarleyfa sem gefin verða út eftirleiðis. Málefnum þeirra sem ekki geta séð um sig sjálfir verði loksins komið í rétt horf með nægilegum fjárveitingum. Reist verði fleiri viðeigandi úrræði svo ekki þurfi að blanda saman fólki með ólíkar þarfir. Börn hafi forgang að þessu leyti, í ljósi nýlegra atburða. Öll opinber kerfi verða einfölduð og skerðingar vegna tekna lífeyrisþega afnumdar. Tekið verði á bótasvikum. Aldraðir eigi kost á heimahjúkrun. Almannatryggingar verði eingöngu fyrir íslenska ríkisborgara. Einkarekstur verði stóraukinn á öllum sviðum í stað miðstýringar og forsjárhyggju, þ.m.t í heilbrigðiskerfinu og menntakerfinu. Kennarar ráði sjálfir hvernig menntun er útfærð, skólar geti innheimt skólagjöld og góðir kennarar fái góð laun. Háskólar verði einkavæddir. Lýðræðisflokkurinn er hlynntur hvers kyns sjálfbærri og arðbærri auðlindanýtingu að gættum meginreglum umhverfisréttar sem brýnt er að lögfesta. Lög verða sett um að nýtanlegar náttúruauðlindir sem ekki eru í einkaeigu teljist eign íslenska ríkisins. Ríkið fái eðlilegt gjald fyrir nýtingu auðlinda í eigu þess. Landsvirkjun og Landsnet verði í meirihlutaeigu ríkisins. Lýðræðisflokkurinn hafnar áhrifum alþjóðlegra stofnana á Íslandi. Alþjóðlegar skuldbindingar ríkisins verði teknar til endurskoðunar, einkum EES-samningurinn. Árétta verður tvíeðli íslensks réttar og sjálfsákvörðunarrétt íslensku þjóðarinnar. Ekki kemur til greina að gefa erlendu valdi yfirráð á Íslandi. Stunda ber fríverslun við önnur ríki sem er auk þess eina raunhæfa þróunaraðstoðin. Ísland segi sig frá Parísarsamkomulaginu um loftslagsmál og lofslagspakka Evrópusambandsins, enda hefur Ísland þegar skilað sínu framlagi. Ísland tali fyrir friði á alþjóðavettvangi og gegn íhlutun í innanríkismál annarra ríkja. Skattgreiðendur fái skattaafslátt vegna styrkja til óhagnaðardrifinnar starfsemi, s.s. til lista, menningar, íþrótta o.fl. Þannig ráði skattgreiðendur sjálfir með beinum hætti hvernig fé þeirra er varið. Í frjálsu samfélagi geta borgararnir sjálfir stofnað t.d. óhagnaðardrifnar lánastofnanir (samfélagsbanka), búið saman í kommúnu eða hvaðeina annað - á eigin kostnað. Samgöngubætur, þ.m.t. Sundabraut, verði færðar í hendur einkaaðila. Ríkið hætti að niðurgreiða almenningssamgöngur. Hætt verði við Borgarlínu. Áfengiskaupaaldur verði færður til samræmis við sjálfræðisaldur og sala áfengis gefin frjáls. Jafnlaunavottun verði afnumin sem og kynjakvótar í stjórnum. Mismunun er aldrei jákvæð. Í umræðu um svokallað menningarstríð leggur Lýðræðisflokkurinn áherslu á skoðanafrelsi allra. Ákvæði reglugerðar um hollustuhætti sem mælir fyrir um kynhlutlaus salerni verði afnumið. Finnst þér ríkinu annars hafa tekist vel til, lesandi góður? Það finnst Lýðræðisflokknum ekki. Íslendingar þurfa meira frelsi - ekkert miðjumoð! Höfundar skipa fyrsta og annað sæti á lista Lýðræðisflokksins í Reykjavíkurkjördæmi suður. Viltu birta grein á Vísi? Sendu okkur póst. Senda grein Lýðræðisflokkurinn Skoðun: Alþingiskosningar 2024 Mest lesið Óhæfur leiðtogi? Franklín Ernir Kristjánsson Skoðun Loksins, Gunnar Bragi! Einar G. Harðarson Skoðun Skynsemi Sigmundar Davíðs rýnd – Er ESB aðild/Evra tóm tjara? Ole Anton Bieltvedt Skoðun Hvorki útlendingahatur né gestrisni Hildur Þórðardóttir Skoðun Ísland þarf ríkisstjórn um almannahagsmuni – ekki sérhagsmuni Þorbjörg S. Gunnlaugsdóttir Skoðun Kílómetragjald: Gjöf fyrir marga, refsiskattur fyrir aðra Ágústa Ágústsdóttir Skoðun Menntakerfið í öfuga átt við atvinnulífið: Hvers vegna eykst álag á nemendur á meðan vinnuvikan styttist? Karl Liljendal Hólmgeirsson Skoðun Þau eru við, við erum þau Arnar Eggert Thoroddsen Skoðun Sömu rök og styðja rétt kvenna til þungunarrofs eiga við um dánaraðstoð Ingrid Kuhlman,Steinar Harðarson Skoðun Vaxandi stríðsátök, en með íslenskum vopnum? Eldur Smári Kristinsson Skoðun Skoðun Skoðun Óljós viðurkenning þrátt fyrir stefnu stjórnvalda Sandra B. Franks skrifar Skoðun Sömu rök og styðja rétt kvenna til þungunarrofs eiga við um dánaraðstoð Ingrid Kuhlman,Steinar Harðarson skrifar Skoðun Vaxandi stríðsátök, en með íslenskum vopnum? Eldur Smári Kristinsson skrifar Skoðun Ísland þarf ríkisstjórn um almannahagsmuni – ekki sérhagsmuni Þorbjörg S. Gunnlaugsdóttir skrifar Skoðun Þau eru við, við erum þau Arnar Eggert Thoroddsen skrifar Skoðun Óhæfur leiðtogi? Franklín Ernir Kristjánsson skrifar Skoðun Loksins, Gunnar Bragi! Einar G. Harðarson skrifar Skoðun Skynsemi Sigmundar Davíðs rýnd – Er ESB aðild/Evra tóm tjara? Ole Anton Bieltvedt skrifar Skoðun Hvorki útlendingahatur né gestrisni Hildur Þórðardóttir skrifar Skoðun Menntakerfið í öfuga átt við atvinnulífið: Hvers vegna eykst álag á nemendur á meðan vinnuvikan styttist? Karl Liljendal Hólmgeirsson skrifar Skoðun Er ekki einokun Háskóla Íslands óviðunandi? Helga Dögg Sverrisdóttir skrifar Skoðun Kílómetragjald: Gjöf fyrir marga, refsiskattur fyrir aðra Ágústa Ágústsdóttir skrifar Skoðun Róttækar og tafarlausar umbætur Arnar þór Jónsson,Kári Allansson skrifar Skoðun Afleiðingar ríkisafskipta: Af hverju skaðleg einokun er ekki til á frjálsum markaði Eiríkur Magnússon skrifar Skoðun Er verið að blekkja fólk? Reynir Böðvarsson skrifar Skoðun Það er ekkert til sem heitir full vinnustytting með 15 mínútna neysluhléi Jóhanna Helgadóttir skrifar Skoðun Um blöndun menningarheima Ugla Stefanía Kristjönudóttir Jónsdóttir skrifar Skoðun Ökuskírteini á hval Sigursteinn Másson skrifar Skoðun Barningur smáframleiðenda Fjóla Einarsdóttir skrifar Skoðun Erum við í ofbeldissambandi? Ágústa Árnadóttir skrifar Skoðun Ó nei, ekki aftur! Leyfisveitingar fyrir Hvammsvirkjun Margrét Erlendsdóttir skrifar Skoðun Siddhi: Yfirnáttúrulegir hæfileikar Gísli Hvanndal Jakobsson skrifar Skoðun Innviðaskuldin mikla Grímur Atlason skrifar Skoðun Umsókn um stöðu kennara í (vonandi) nálægri framtíð Heiða Ingunn Þorgeirsdóttir skrifar Skoðun Sögur Hannesar Hólmsteins Hjálmtýr Heiðdal skrifar Skoðun Hvað gerist svo? Árný Björg Blandon skrifar Skoðun Hernaðurinn gegn skólunum Ragnar Þór Pétursson skrifar Skoðun Látum gusta um sjónvarpssalina og loftum út á Alþingi Arnar Þór Jónsson skrifar Skoðun Hegðaði sér eins og einræðisherra Hjörtur J. Guðmundsson skrifar Skoðun Hættum við að geta hugsað? Þorsteinn Siglaugsson,GPT-4 skrifar Sjá meira
Lýðræðisflokkurinn er eini íslenski stjórnmálaflokkurinn sem tekur einstaklingsfrelsi alvarlega. Í einstaklingsfrelsi felst að mönnum er frjálst að gera það sem þeir kjósa, nema skaða aðra og hvetja til ofbeldis. Vandi stjórnmálanna í dag er í hnotskurn sá að ríkið sinnir of mörgum verkefnum sem ekki eru á verksviði þess. Íslenskir stjórnmálamenn hafa ekki getað staðist freistinguna að kaupa sér vinsældir á kostnað skattgreiðenda. Stjórnmálamenn ráðstafa ekki eigin peningum, heldur peningunum þínum lesandi góður! Lýðræðisflokkurinn treystir sjálfráða einstaklingnum til að skipuleggja eigið líf án forsjárhyggju ríkisins. Ríkið á ekki að gera það fyrir menn sem þeir geta gert sjálfir. Hið borgaralega samfélag er yfirleitt betur til þess fallið en ríkið að leysa úr samfélagslegum vandamálum. Við alla lagasetningu skal spyrja lykilspurningarinnar: Er einstaklingsfrelsi aukið eða minnkað með þessum lögum? Neðangreind forgangsatriði Lýðræðisflokksins einkennast af áherslu á vaxtamál, aukið einstaklingsfrelsi á öllum sviðum og að hagsmunir Íslendinga séu loksins settir í fyrsta sæti. Agi í ríkisfjármálum mun stuðla að stöðugleika og eðlilegu vaxtastigi og draga úr verðbólgu. Þetta, ásamt öðrum tillögum Lýðræðisflokksins mum aflétta núverandi neyðarástandi á húsnæðismarkaði. Komugjöld verði lögð á erlenda ferðamenn til að vega upp á móti neikvæðum áhrifum á innviði, einkum húsnæðismarkaðinn. Nægilegt lóðaframboð verði tryggt og fólki þannig auðveldað að eignast húsnæði. Lýðræðisflokkurinn vill taka peningana og valdið frá stjórnmálamönnum og skila þeim aftur til fólksins, m.a. með beinu lýðræði. Útgjöld ríkisins verði skorin niður um a.m.k. 200 milljarða, fjárlög verði hallalaus og skuldir ríkisins greiddar niður. Þrepaskipting í skattkerfi verði afnumin. Erfðafjárskattur verði afnuminn. Tollar og gjöld heyri sögunni til. Ríkið innheimti aðeins skatta til að sinna kjarnahlutverki sínu, sem er að vernda líf, frelsi og eignir borgaranna. Niðurskurðartillögur verða birtar á vefsíðu Lýðræðisflokksins innan skamms. Ríkisjarðir verði seldar til íslenskra ríkisborgara og lögaðila sem greiða skatta og skyldur á Íslandi. Bankar í eigu ríkisins verði seldir. Hlutir úr ríkisfyrirtækjum verði seldir til innviðasjóða. Horft verði m.a. til tillagna Viðskiptaráðs Íslands. Efla þarf lögreglu og réttarvörslukerfið í heild til að uppræta alþjóðlega glæpastarfsemi á Íslandi. Þyngja ber refsingar við ofbeldisbrotum. Um óákveðinn tíma komi enginn útlendingur til Íslands nema með vegabréfsáritun, til að tryggja almannaöryggi og allsherjarreglu. Hæliskerfið verði lagt niður með öllu og eingöngu tekið á móti kvótaflóttamönnum. Ásættanleg færni í íslensku, auk þekkingar á íslenskri sögu, íslenskri menningu, vestrænum gildum og siðum, verði að meginreglu skilyrði fyrir veitingu ríkisborgararéttar og endurnýjun dvalarleyfa sem þegar hafa verið gefin út og dvalarleyfa sem gefin verða út eftirleiðis. Málefnum þeirra sem ekki geta séð um sig sjálfir verði loksins komið í rétt horf með nægilegum fjárveitingum. Reist verði fleiri viðeigandi úrræði svo ekki þurfi að blanda saman fólki með ólíkar þarfir. Börn hafi forgang að þessu leyti, í ljósi nýlegra atburða. Öll opinber kerfi verða einfölduð og skerðingar vegna tekna lífeyrisþega afnumdar. Tekið verði á bótasvikum. Aldraðir eigi kost á heimahjúkrun. Almannatryggingar verði eingöngu fyrir íslenska ríkisborgara. Einkarekstur verði stóraukinn á öllum sviðum í stað miðstýringar og forsjárhyggju, þ.m.t í heilbrigðiskerfinu og menntakerfinu. Kennarar ráði sjálfir hvernig menntun er útfærð, skólar geti innheimt skólagjöld og góðir kennarar fái góð laun. Háskólar verði einkavæddir. Lýðræðisflokkurinn er hlynntur hvers kyns sjálfbærri og arðbærri auðlindanýtingu að gættum meginreglum umhverfisréttar sem brýnt er að lögfesta. Lög verða sett um að nýtanlegar náttúruauðlindir sem ekki eru í einkaeigu teljist eign íslenska ríkisins. Ríkið fái eðlilegt gjald fyrir nýtingu auðlinda í eigu þess. Landsvirkjun og Landsnet verði í meirihlutaeigu ríkisins. Lýðræðisflokkurinn hafnar áhrifum alþjóðlegra stofnana á Íslandi. Alþjóðlegar skuldbindingar ríkisins verði teknar til endurskoðunar, einkum EES-samningurinn. Árétta verður tvíeðli íslensks réttar og sjálfsákvörðunarrétt íslensku þjóðarinnar. Ekki kemur til greina að gefa erlendu valdi yfirráð á Íslandi. Stunda ber fríverslun við önnur ríki sem er auk þess eina raunhæfa þróunaraðstoðin. Ísland segi sig frá Parísarsamkomulaginu um loftslagsmál og lofslagspakka Evrópusambandsins, enda hefur Ísland þegar skilað sínu framlagi. Ísland tali fyrir friði á alþjóðavettvangi og gegn íhlutun í innanríkismál annarra ríkja. Skattgreiðendur fái skattaafslátt vegna styrkja til óhagnaðardrifinnar starfsemi, s.s. til lista, menningar, íþrótta o.fl. Þannig ráði skattgreiðendur sjálfir með beinum hætti hvernig fé þeirra er varið. Í frjálsu samfélagi geta borgararnir sjálfir stofnað t.d. óhagnaðardrifnar lánastofnanir (samfélagsbanka), búið saman í kommúnu eða hvaðeina annað - á eigin kostnað. Samgöngubætur, þ.m.t. Sundabraut, verði færðar í hendur einkaaðila. Ríkið hætti að niðurgreiða almenningssamgöngur. Hætt verði við Borgarlínu. Áfengiskaupaaldur verði færður til samræmis við sjálfræðisaldur og sala áfengis gefin frjáls. Jafnlaunavottun verði afnumin sem og kynjakvótar í stjórnum. Mismunun er aldrei jákvæð. Í umræðu um svokallað menningarstríð leggur Lýðræðisflokkurinn áherslu á skoðanafrelsi allra. Ákvæði reglugerðar um hollustuhætti sem mælir fyrir um kynhlutlaus salerni verði afnumið. Finnst þér ríkinu annars hafa tekist vel til, lesandi góður? Það finnst Lýðræðisflokknum ekki. Íslendingar þurfa meira frelsi - ekkert miðjumoð! Höfundar skipa fyrsta og annað sæti á lista Lýðræðisflokksins í Reykjavíkurkjördæmi suður.
Ísland þarf ríkisstjórn um almannahagsmuni – ekki sérhagsmuni Þorbjörg S. Gunnlaugsdóttir Skoðun
Menntakerfið í öfuga átt við atvinnulífið: Hvers vegna eykst álag á nemendur á meðan vinnuvikan styttist? Karl Liljendal Hólmgeirsson Skoðun
Sömu rök og styðja rétt kvenna til þungunarrofs eiga við um dánaraðstoð Ingrid Kuhlman,Steinar Harðarson Skoðun
Skoðun Sömu rök og styðja rétt kvenna til þungunarrofs eiga við um dánaraðstoð Ingrid Kuhlman,Steinar Harðarson skrifar
Skoðun Ísland þarf ríkisstjórn um almannahagsmuni – ekki sérhagsmuni Þorbjörg S. Gunnlaugsdóttir skrifar
Skoðun Menntakerfið í öfuga átt við atvinnulífið: Hvers vegna eykst álag á nemendur á meðan vinnuvikan styttist? Karl Liljendal Hólmgeirsson skrifar
Skoðun Afleiðingar ríkisafskipta: Af hverju skaðleg einokun er ekki til á frjálsum markaði Eiríkur Magnússon skrifar
Skoðun Það er ekkert til sem heitir full vinnustytting með 15 mínútna neysluhléi Jóhanna Helgadóttir skrifar
Ísland þarf ríkisstjórn um almannahagsmuni – ekki sérhagsmuni Þorbjörg S. Gunnlaugsdóttir Skoðun
Menntakerfið í öfuga átt við atvinnulífið: Hvers vegna eykst álag á nemendur á meðan vinnuvikan styttist? Karl Liljendal Hólmgeirsson Skoðun
Sömu rök og styðja rétt kvenna til þungunarrofs eiga við um dánaraðstoð Ingrid Kuhlman,Steinar Harðarson Skoðun