„Það var annað hvort þetta eða vændi“ Jón Þór Stefánsson skrifar 28. október 2024 16:41 Dómsalur 101 var þéttsetinn í Héraðsdómi Reykjavíkur í dag. Sakborningarnir eru á annan tug og hver þeirra þarf að vera með lögmann. Vísir/Vilhelm Mæðgur sem eru sakborningar í umfangsmiklu fíkniefnamáli báru vitni fyrir Héraðsdómi Reykjavíkur í dag. Móðirin, sem er á sjötugsaldri, er grunuð um að hafa haft umtalsvert magn fíkniefna á heimili sínu í Reykjavík. Dóttirin, sem er á fertugsaldri, er ákærð fyrir að hafa staðið í umfangsmikilli skipulagðri brotastarfsemi. Dóttirin sagði að hún hafi verið orðin dauðþreytt á því að vinna mikið og hitta barnið sitt lítið. Hún hafi því ákveðið að drýgja tekjurnar og henni hafi staðið tvennt til boða, „þetta“ eða vændi. Málið hefur verið kennt við Sólheimajökul sem var nafn á spjalli fólks á samskiptaforritinu Signal. Málið, sem er afar umfangsmikið, hefur verið til rannsóknar hjá lögreglu um langt skeið. Skemmtiferðaskipið AIDAsol kom til landsins þann 11. apríl síðastliðinn. Tveir menn báru eldhúspotta úr málmi út úr skipinu í bláum Ikea-innkaupapokum en þriðji maður tók við pottunum. Um 2,2 kíló af kókaíni fundust falin í pottunum. Málið varðar þó enn meira magn fíkniefna, umfangsmikla skipulagða brotastarfsemi og peningaþvætti. Sakborningar málsins voru upphaflega átján en þrír ákærðu hafa játað sök. Mál þeirra verða tekin fyrir sérstaklega. Líkt og flestir sakborningar sem báru vitni fyrir dómi í dag sagði áðurnefnd dóttir lítið þegar hún gaf skýrslu. Hún svaraði flestum spurningum á þann veg að hún vildi ekki tjá sig um spurnarefnið. Hún sagðist þó hafa fengið að geyma nokkra hluti á heimili móður sinnar, en hún hafi ekki vitað almennilega hvaða hlutir það væru. Óviss með endurræsingu vegna barnamynda Fyrir dómi sýndi ákæruvaldið skilaboð úr síma konunnar, en í samskiptaforritinu Signal gekk hún undir nafninu Litlaljoska. „Ég opnaði eina pakkningu þegar ég kom heim, spurði samt Pétur niðrí bæ hvort ég gæti keypti einhversstaðar grömm eða tvö og hann tók ekki vel í það. Mín bara í rugli,“ sagði í skilaboðum sem voru á meðal gagna málsins. Dóttirin sagðist ekki geta sagt til um það hvort að hún hafi þarna verið að ræða fíkniefni. Þess má geta að Pétur Þór Elíasson er einn hinna grunuðu í málinu, en hann er talinn hafa átt mikinn þátt í umræddum brotum. Einnig voru sýnd skilaboð þar sem hún var að tala um að „factory reseta“ símanum sínum, en það þýðir í einföldu máli að eyða öllum gögnum sem hefur verið komið fyrir í símanum. Hún virtist á báðum áttum með að endurræsa símann með þessum hætti því í honum væru „myndir af börnunum og allt“. Hún sagðist ekki muna hvers vegna hún hafi verið að velta fyrir sér að endurræsa símann. „Þetta stofnaði ekki lífi mínu í hættu“ „Ég var í stuttu máli orðin þreytt á því að vinna allan liðlangan daginn og hitta aldrei barnið,“ sagði dóttirin undir lok skýrslutökunnar. „Það var annað hvort þetta eða vændi,“ sagði hún en tilgreindi ekki hvað hún ætti við þegar hún sagði „þetta“. Líkt og áður segir hafði hún þó viðurkennt að hafa geymt fíkniefni á heimili móður sinnar, en sagðist þó ekki hafa vitað að um fíkniefni væri að ræða. „Þetta var skárri kosturinn. Þetta stofnaði ekki lífi mínu í hættu.“ Sagðist ekki hafa vitað af efnunum Móðir konunnar gaf einnig skýrslu í dag, en hún gerði það í gegnum fjarfundarbúnað. Á heimili hennar í Reykjavík fundust í september á síðasta ári 730 grömm af amfetamíni, 716 grömm af kókaíni og 48 grömm af metamfetamínkristöllum. Í ákæru segir að efnin hafi verið ætluð til söludreifingar hér á landi í ágóðaskyni. Fyrir dómi sagðist hún ekki hafa vitað af fíkniefnunum. Hún hafi verið erlendis, og búin að vera það í nokkurn tíma, þegar lögregla lagði hald á efnin. Hún sagði þetta hafa komið sér á óvart að efnin hafi verið heima hjá sér, en þó aðallega hversu mikið magnið var. Hún hafi alveg búist við því að heima hjá henni hefði verið falið lítið magn af grasi eða pillum, en ekki þessi efni í svona miklu magni. Móðirin sagðist aldrei hafa séð fíkniefni á heimili sínu, hvað þá í frystikistu þar sem þau fundust. Sjálf hafi hún notað kistuna til að geyma matvæli. Stóra fíkniefnamálið 2024 Dómsmál Fíkniefnabrot Mest lesið Í blóma lífsins þegar hann lést í Fnjóská Innlent Kosningavaktin: Íslendingar ganga að kjörborðinu Innlent Blaðamannafundur Selenskíj og forsætisráðherra að hefjast Innlent Ný könnun: Viðreisn og Flokkur fólksins í hæstu hæðum Innlent Vannærð og veik af áfengisneyslu eftir vetursetu í Evrópu Innlent Þrír fluttir á sjúkrahús eftir þriggja bíla árekstur við álverið Innlent „Getum við verið sammála um að vera ósammála?“ Innlent Snorri sakar Hallgrím um ofureinfaldanir Innlent „Er það ekki það sem fíkniefnasali gerir? Selur fíkniefni?“ Innlent „Það var annað hvort þetta eða vændi“ Innlent Fleiri fréttir Fer í leyfi sem formaður VR Heimsókn Úkraínuforseta og kennaraverkföll „Það var annað hvort þetta eða vændi“ Þau eru í framboði til Alþingis 2024 Snorri sakar Hallgrím um ofureinfaldanir Verkföll hefjast á morgun: „Þetta er þvílíkur ómöguleiki“ „Er það ekki það sem fíkniefnasali gerir? Selur fíkniefni?“ Blaðamannafundur Selenskíj og forsætisráðherra að hefjast Virðist sem D hafi náð að hægja á blæðingunni til M Vopnaðir lögreglumenn standa vaktina Inga Sæland ætlar með Flokk fólksins upp í fimmtán prósent Bjarni fundar með forseta Úkraínu í dag Ný könnun: Viðreisn og Flokkur fólksins í hæstu hæðum Kaupa tilbúinn mat á meðan E.coli sýkingin er til rannsóknar Glóðvolg Maskínukönnun kynnt í hádegisfréttum Bylgjunnar Falla tímabundið frá ákæru fyrir tilraun til manndráps Rekja stuld á korti af Ísrael úr Seltjarnarneskirkju til átakanna Þrjú börn á gjörgæslu vegna E.coli sýkingar „Getum við verið sammála um að vera ósammála?“ Grímur, Halla Hrund, Jens Garðar og Víðir mæta í Pallborðið Þröng á þingi í umfangsmiklu fíkniefnamáli „Það var ekkert eftir nema dauðinn sem kom á ógnarhraða“ Vannærð og veik af áfengisneyslu eftir vetursetu í Evrópu Áhöfn smábáts sem strandaði hífð upp í þyrlu Þrír fluttir á sjúkrahús eftir þriggja bíla árekstur við álverið Einn fluttur á bráðamóttöku eftir slagsmál Í blóma lífsins þegar hann lést í Fnjóská „Ef ég væri kóngur myndi ég heita Valtýr sautjándi“ Gömul sár opnuð á ný og stofnar stuðningshóp Aukin netöryggisógn, götulokanir og vopnuð lögregla á Íslandi næstu daga Sjá meira
Dóttirin sagði að hún hafi verið orðin dauðþreytt á því að vinna mikið og hitta barnið sitt lítið. Hún hafi því ákveðið að drýgja tekjurnar og henni hafi staðið tvennt til boða, „þetta“ eða vændi. Málið hefur verið kennt við Sólheimajökul sem var nafn á spjalli fólks á samskiptaforritinu Signal. Málið, sem er afar umfangsmikið, hefur verið til rannsóknar hjá lögreglu um langt skeið. Skemmtiferðaskipið AIDAsol kom til landsins þann 11. apríl síðastliðinn. Tveir menn báru eldhúspotta úr málmi út úr skipinu í bláum Ikea-innkaupapokum en þriðji maður tók við pottunum. Um 2,2 kíló af kókaíni fundust falin í pottunum. Málið varðar þó enn meira magn fíkniefna, umfangsmikla skipulagða brotastarfsemi og peningaþvætti. Sakborningar málsins voru upphaflega átján en þrír ákærðu hafa játað sök. Mál þeirra verða tekin fyrir sérstaklega. Líkt og flestir sakborningar sem báru vitni fyrir dómi í dag sagði áðurnefnd dóttir lítið þegar hún gaf skýrslu. Hún svaraði flestum spurningum á þann veg að hún vildi ekki tjá sig um spurnarefnið. Hún sagðist þó hafa fengið að geyma nokkra hluti á heimili móður sinnar, en hún hafi ekki vitað almennilega hvaða hlutir það væru. Óviss með endurræsingu vegna barnamynda Fyrir dómi sýndi ákæruvaldið skilaboð úr síma konunnar, en í samskiptaforritinu Signal gekk hún undir nafninu Litlaljoska. „Ég opnaði eina pakkningu þegar ég kom heim, spurði samt Pétur niðrí bæ hvort ég gæti keypti einhversstaðar grömm eða tvö og hann tók ekki vel í það. Mín bara í rugli,“ sagði í skilaboðum sem voru á meðal gagna málsins. Dóttirin sagðist ekki geta sagt til um það hvort að hún hafi þarna verið að ræða fíkniefni. Þess má geta að Pétur Þór Elíasson er einn hinna grunuðu í málinu, en hann er talinn hafa átt mikinn þátt í umræddum brotum. Einnig voru sýnd skilaboð þar sem hún var að tala um að „factory reseta“ símanum sínum, en það þýðir í einföldu máli að eyða öllum gögnum sem hefur verið komið fyrir í símanum. Hún virtist á báðum áttum með að endurræsa símann með þessum hætti því í honum væru „myndir af börnunum og allt“. Hún sagðist ekki muna hvers vegna hún hafi verið að velta fyrir sér að endurræsa símann. „Þetta stofnaði ekki lífi mínu í hættu“ „Ég var í stuttu máli orðin þreytt á því að vinna allan liðlangan daginn og hitta aldrei barnið,“ sagði dóttirin undir lok skýrslutökunnar. „Það var annað hvort þetta eða vændi,“ sagði hún en tilgreindi ekki hvað hún ætti við þegar hún sagði „þetta“. Líkt og áður segir hafði hún þó viðurkennt að hafa geymt fíkniefni á heimili móður sinnar, en sagðist þó ekki hafa vitað að um fíkniefni væri að ræða. „Þetta var skárri kosturinn. Þetta stofnaði ekki lífi mínu í hættu.“ Sagðist ekki hafa vitað af efnunum Móðir konunnar gaf einnig skýrslu í dag, en hún gerði það í gegnum fjarfundarbúnað. Á heimili hennar í Reykjavík fundust í september á síðasta ári 730 grömm af amfetamíni, 716 grömm af kókaíni og 48 grömm af metamfetamínkristöllum. Í ákæru segir að efnin hafi verið ætluð til söludreifingar hér á landi í ágóðaskyni. Fyrir dómi sagðist hún ekki hafa vitað af fíkniefnunum. Hún hafi verið erlendis, og búin að vera það í nokkurn tíma, þegar lögregla lagði hald á efnin. Hún sagði þetta hafa komið sér á óvart að efnin hafi verið heima hjá sér, en þó aðallega hversu mikið magnið var. Hún hafi alveg búist við því að heima hjá henni hefði verið falið lítið magn af grasi eða pillum, en ekki þessi efni í svona miklu magni. Móðirin sagðist aldrei hafa séð fíkniefni á heimili sínu, hvað þá í frystikistu þar sem þau fundust. Sjálf hafi hún notað kistuna til að geyma matvæli.
Stóra fíkniefnamálið 2024 Dómsmál Fíkniefnabrot Mest lesið Í blóma lífsins þegar hann lést í Fnjóská Innlent Kosningavaktin: Íslendingar ganga að kjörborðinu Innlent Blaðamannafundur Selenskíj og forsætisráðherra að hefjast Innlent Ný könnun: Viðreisn og Flokkur fólksins í hæstu hæðum Innlent Vannærð og veik af áfengisneyslu eftir vetursetu í Evrópu Innlent Þrír fluttir á sjúkrahús eftir þriggja bíla árekstur við álverið Innlent „Getum við verið sammála um að vera ósammála?“ Innlent Snorri sakar Hallgrím um ofureinfaldanir Innlent „Er það ekki það sem fíkniefnasali gerir? Selur fíkniefni?“ Innlent „Það var annað hvort þetta eða vændi“ Innlent Fleiri fréttir Fer í leyfi sem formaður VR Heimsókn Úkraínuforseta og kennaraverkföll „Það var annað hvort þetta eða vændi“ Þau eru í framboði til Alþingis 2024 Snorri sakar Hallgrím um ofureinfaldanir Verkföll hefjast á morgun: „Þetta er þvílíkur ómöguleiki“ „Er það ekki það sem fíkniefnasali gerir? Selur fíkniefni?“ Blaðamannafundur Selenskíj og forsætisráðherra að hefjast Virðist sem D hafi náð að hægja á blæðingunni til M Vopnaðir lögreglumenn standa vaktina Inga Sæland ætlar með Flokk fólksins upp í fimmtán prósent Bjarni fundar með forseta Úkraínu í dag Ný könnun: Viðreisn og Flokkur fólksins í hæstu hæðum Kaupa tilbúinn mat á meðan E.coli sýkingin er til rannsóknar Glóðvolg Maskínukönnun kynnt í hádegisfréttum Bylgjunnar Falla tímabundið frá ákæru fyrir tilraun til manndráps Rekja stuld á korti af Ísrael úr Seltjarnarneskirkju til átakanna Þrjú börn á gjörgæslu vegna E.coli sýkingar „Getum við verið sammála um að vera ósammála?“ Grímur, Halla Hrund, Jens Garðar og Víðir mæta í Pallborðið Þröng á þingi í umfangsmiklu fíkniefnamáli „Það var ekkert eftir nema dauðinn sem kom á ógnarhraða“ Vannærð og veik af áfengisneyslu eftir vetursetu í Evrópu Áhöfn smábáts sem strandaði hífð upp í þyrlu Þrír fluttir á sjúkrahús eftir þriggja bíla árekstur við álverið Einn fluttur á bráðamóttöku eftir slagsmál Í blóma lífsins þegar hann lést í Fnjóská „Ef ég væri kóngur myndi ég heita Valtýr sautjándi“ Gömul sár opnuð á ný og stofnar stuðningshóp Aukin netöryggisógn, götulokanir og vopnuð lögregla á Íslandi næstu daga Sjá meira