Gagn­rýnir Ver­stappen harð­lega og líkir honum við ill­menni

Verstappen, sem ekur fyrir lið Red Bull Racing, fékk tvær refsingar í umræddum kappakstri og samanlagt fékk hann tuttugu sekúndna refsingu fyrir atvik sem áttu sér stað í baráttu hans við Lando Norris, ökuþór McLaren, sem hefur sótt að Verstappen á toppi stigakeppni ökuþóra undanfarnar keppnishelgar. 

Verstappen endaði í sjötta sæti kappakstursins á meðan að Norris kom í mark í öðru sæti og náði þar með að saxa enn frekar á forystu Hollendingsins sem stendur í fjörutíu og sjö stigum þegar að fjórar keppnishelgar eru af tímabilinu.

Pressan hefur verið að magnast á Verstappen og er hann farinn að finna fyrir Norris anda niður hálsmál sitt. Það er farið að sjást innan brautar.

„Í fyrra atvikinu milli þeirra Verstappen og Norris slær sá fyrrnefndi hvergi af til þess að ná beygjunni og skilja eftir pláss fyrir Norris. Þetta var hann að segja: „þú ert ekki að fara hérna í gegn.“

Seinna atvikið hafi minnt á illmenni úr teiknimyndaseríu sem var vinsæl hér á árum áður.

„Þar voru þetta bara tilburðir eins og við sáum hjá Dick Dastardly. Hann gaf bara í rétt fyrir beygjuna og ók með Norris út af brautinni. Norris gat ekkert gert. Þetta var heimskulegur akstur.“

Verstappen sjálfur gefur lítið fyrir þá gagnrýni sem að hann hefur fengið í sinn garð varðandi ökustíl sinn.

„Ég ek bara eins og ég til mig þurfa að aka. Keppnishelgina fyrir Mexíkó var allt í góðu með þetta, í Mexíkó fæ ég svo tuttugu sekúndna refsingu. Ég ætla ekki að væla sökum þess. Ætla heldur ekki að deila minni skoðun á þessu. Stærsta vandamál mitt var að við áttum slæman dag hvað keppnishraðan varðar.“

Keppnishelgin í Sao Paulo í Brasilíu hefst á morgun og um sprettkeppnishelgi er að ræða. Eitt hundrað og tuttugu stig eru enn í pottinum og bilið á toppnum milli Verstappen og Norris aðeins fjörutíu og sjö stig. Fjórar keppnishelgar eftir og Verstappen í leit að sínum fjórða heimsmeistaratitli í röð, Norris er á höttunum eftir sínum fyrsta.