Læknar á leið í verk­fall

Þetta staðfestir Steinunn Þórðardóttir, formaður Læknafélags Íslands, við fréttastofu. Góð þátttaka var í atkvæðagreiðslunni en um 83 prósent af 1250 félagsmönnum greiddu atkvæði. Verkfallsaðgerðir hjá læknum, sem starfa á sjúkrahúsum og heilsugæslustöðvum, hefjast 18. nóvember.

Fram kemur á vef Læknafélagsins að ríkissáttasemjara og viðsemjandanum, samninganefnd ríkisins, verði tilkynnt á morgun um að verkföll með þeim hætti sem samþykkt voru hefjist 18. nóvember hafi samningar milli aðila ekki tekist fyrir þann tíma.

Að neðan má sjá fyrirhugaðar verkfallsaðgerðir lækna.

Verkfallsaðgerðirnar verða í nokkrum lotum: Fyrsta lotan er 18. - 21. nóvember, næsta lota er 2. - 5. desember, sú þriðja 16. - 19. desember. Í janúar 2025 verða í hverri viku verkföll lækna á einhverri starfseiningu þeirra, eins og nánar kemur fram í meðfylgjandi lýsingu.

Stjórn og samninganefnd LÍ vona að til verkfallsaðgerða þurfi ekki að koma og að samningar náist áður en boðuð verkföll eiga að hefjast.

Verkfallsaðgerðir lækna verða sem hér segir:

Í nóvember 2024:

1.    Frá miðnætti aðfaranótt mánudagsins 18. nóvember 2024 til miðnættis sama dag (einn sólarhringur) á eftirtöldum heilbrigðisstofnunum, sjúkrahúsum eða sviðum sjúkrahúss:

a.    Skurðlækninga-, skurðstofu- og gjörgæsluþjónusta Landspítala (þó ekki læknar sem starfa við svæfingar og gjörgæslu).

b.    Geðþjónusta Landspítala.

c.    Embætti landlæknis.

d.    Heyrnar- og talmeinastöð Íslands.

e.    Ráðgjafar- og greiningarstöð.

2.    Frá miðnætti aðfaranótt þriðjudagsins 19. nóvember 2024 til miðnættis sama dag (einn sólarhringur) á eftirtöldum heilbrigðisstofnunum, sjúkrahúsum eða sviðum sjúkrahúss:

a.    Sjúkrahúsið á Akureyri.

b.    Skurðlækninga-, skurðstofu- og gjörgæsluþjónusta Landspítala (eingöngu læknar sem starfa við svæfingar og gjörgæslu).

3.    Frá miðnætti aðfaranótt miðvikudagsins 20. nóvember 2024 til miðnættis sama dag (einn sólarhringur) á eftirtöldum heilbrigðisstofnunum, sjúkrahúsum eða sviðum sjúkrahúss:

a.    Bráða-, lyflækninga- og endurhæfingarþjónusta Landspítala.

b.    Hjarta-, augn- og krabbameinsþjónusta Landspítala.

4.    Frá miðnætti aðfaranótt fimmtudagsins 21. nóvember 2024 til miðnættis sama dag (einn sólarhringur) á eftirtöldum heilbrigðisstofnunum, sjúkrahúsum eða sviðum sjúkrahúss:

a.    Heilsugæsla höfuðborgarsvæðisins.

b.    Klínisk rannsóknar- og stoðþjónusta Landspítala.

c.    Kvenna- og barnaþjónusta Landspítala.

d.    Heilbrigðisstofnun Vesturlands.

e.    Heilbrigðisstofnun Vestfjarða.

f.    Heilbrigðisstofnun Norðurlands.

g.    Heilbrigðisstofnun Austurlands.

h.    Heilbrigðisstofnun Suðurlands.

i.    Heilbrigðisstofnun Suðurnesja. 

Í desember 2024:

5.    Frá miðnætti aðfaranótt mánudagsins 2. desember 2024 til miðnættis sama dag (einn sólarhringur) og frá miðnætti aðfaranótt þriðjudagsins 17. desember 2024 til miðnættis sama dag (einn sólarhringur) á eftirtöldum heilbrigðisstofnunum, sjúkrahúsum eða sviðum sjúkrahúss:

a.    Heilsugæsla höfuðborgarsvæðisins.

b.    Klínisk rannsóknar- og stoðþjónusta Landspítala.

c.    Kvenna- og barnaþjónusta Landspítala.

d.    Heilbrigðisstofnun Vesturlands.

e.    Heilbrigðisstofnun Vestfjarða.

f.    Heilbrigðisstofnun Norðurlands.

g.    Heilbrigðisstofnun Austurlands.

h.    Heilbrigðisstofnun Suðurlands.

i.    Heilbrigðisstofnun Suðurnesja.

6.    Frá miðnætti aðfaranótt þriðjudagsins 3. desember 2024 til miðnættis sama dag (einn sólarhringur) og frá miðnætti aðfaranótt miðvikudagsins 18. desember 2024 til miðnættis sama dag (einn sólarhringur) á eftirtöldum heilbrigðisstofnunum, sjúkrahúsum eða sviðum sjúkrahúss:

a.    Skurðlækninga-, skurðstofu- og gjörgæsluþjónusta Landspítala (þó ekki læknar sem starfa við svæfingar og gjörgæslu).

b.    Geðþjónusta Landspítala.

c.    Embætti landlæknis.

d.    Heyrnar- og talmeinastöð Íslands.

e.    Ráðgjafar- og greiningarstöð.

7.    Frá miðnætti aðfaranótt miðvikudagsins 4. desember 2024 til miðnættis sama dag (einn sólarhringur) og frá miðnætti aðfaranótt fimmtudagins 19. desember 2024 til miðnættis sama dag (einn sólarhringur), á eftirtöldum heilbrigðisstofnunum, sjúkrahúsum eða sviðum sjúkrahúss:

a.    Sjúkrahúsið á Akureyri.

b.    Skurðlækninga-, skurðstofu- og gjörgæsluþjónusta Landspítala (eingöngu læknar sem starfa við svæfingar og gjörgæslu).

8.    Frá miðnætti aðfaranótt fimmtudagsins 5. desember 2024 til miðnættis sama dag (einn sólarhringur) og frá miðnætti aðfaranótt mánudagsins 16. desember 2024 (einn sólarhringur) á eftirtöldum heilbrigðisstofnunum, sjúkrahúsum eða sviðum sjúkrahúss:

a.    Bráða-, lyflækninga- og endurhæfingarþjónusta Landspítala.

b.    Hjarta-, augn- og krabbameinsþjónusta Landspítala. 

Í janúar 2025:

9.    Frá miðnætti aðfaranótt mánudagins 6. janúar 2025 til miðnættis sama dag (einn sólarhringur), frá miðnætti þriðjudagsins 14. janúar 2025 til miðnættis sama dag (einn sólarhringur), frá miðnætti miðvikudagsins 22. janúar 2025 til miðnættis sama dag (einn sólarhringur), frá miðnætti fimmtudagsins 30. janúar 2025 til miðnættis sama dag (einn sólarhringur) á eftirtöldum heilbrigðisstofnunum, sjúkrahúsum eða sviðum sjúkrahúss:

a.    Sjúkrahúsið á Akureyri.

b.    Skurðlækninga-, skurðstofu- og gjörgæsluþjónusta Landspítala (eingöngu læknar sem starfa við svæfingar og gjörgæslu).

10.   Frá miðnætti aðfaranótt þriðjudagsins 7. janúar 2025 til miðnættis sama dag (einn sólarhringur), frá miðnætti aðfaranótt miðvikudagsins 15. janúar 2025 til miðnættis sama dag (einn sólarhringur), frá miðnætti aðfaranótt fimmtudagsins 23. janúar 2025 til miðnættis sama dag (einn sólarhringur), frá miðnætti aðfaranótt mánudagsins 27. janúar 2025 til miðnættis sama dag (einn sólarhringur) á eftirtöldum heilbrigðisstofnunum, sjúkrahúsum eða sviðum sjúkrahúss:

a.    Bráða-, lyflækninga- og endurhæfingarþjónusta Landspítala.

b.    Hjarta-, augn- og krabbameinsþjónusta Landspítala.

11.   Frá miðnætti aðfaranótt miðvikudagsins 8. janúar 2025 til miðnættis sama dag (einn sólarhringur), frá miðnætti aðfaranótt fimmtudagsins 16. janúar 2025 til miðnættis sama dag (einn sólarhringur), frá miðnætti aðfaranótt mánudagsins 20. janúar 2025 til miðnættis sama dag (einn sólarhringur), frá miðnætti aðfaranótt þriðjudagsins 28. janúar 2025 til miðnættis sama dag (einn sólarhringur) á eftirtöldum heilbrigðisstofnunum, sjúkrahúsum eða sviðum sjúkrahúss:

a.    Heilsugæsla höfuðborgarsvæðisins.

b.    Klínisk rannsóknar- og stoðþjónusta Landspítala.

c.    Kvenna- og barnaþjónusta Landspítala.

d.    Heilbrigðisstofnun Vesturlands.

e.    Heilbrigðisstofnun Vestfjarða.

f.    Heilbrigðisstofnun Norðurlands.

g. Heilbrigðisstofnun Austurlands

h.    Heilbrigðisstofnun Suðurlands.

i.    Heilbrigðisstofnun Suðurnesja.

12.   Frá miðnætti aðfaranótt fimmtudagsins 9. janúar 2025 til miðnættis sama dag (einn sólarhringur), frá miðnætti aðfaranótt mánudagsins 13. janúar 2025 til miðnættis sama dag (einn sólarhringur), frá miðnætti aðfaranótt þriðjudagsins 21. janúar 2025 til miðnættis sama dag (einn sólarhringur), frá miðnætti aðfaranótt miðvikudagsins 29. janúar 2025 til miðnættis sama dag (einn sólarhringur) á eftirtöldum heilbrigðisstofnunum, sjúkrahúsum eða sviðum sjúkrahúss:

a.    Skurðlækninga-, skurðstofu- og gjörgæsluþjónusta Landspítala (þó ekki læknar sem starfa við svæfingar og gjörgæslu).

b.    Geðþjónusta Landspítala.

c.    Embætti landlæknis.

d.    Heyrnar- og talmeinastöð Íslands.

e.    Ráðgjafar- og greiningarstöð.

Til baka í yfirlit