Eini sjö sæta rafbíllinn frá Peugot

Framtíðin í bílabransanum er rafmögnuð. Peugeot E-5008 vakti áhuga blaðamanns sem leit við í sýningarsal Peugeot við Bíldshöfða 8 í Reykjavík og hitti þar Einar Nåbye söluráðgjafa til að fá upplýsingar um nýjasta rafbílinn þeirra Peugeot E-5008.

Sjö sæta, rúmgóður verðlaunabíll sem er frábær kostur fyrir fjölskyldur

„Peugeot E-5008 rafbíll er fullkomin viðbót við ört vaxandi úrval rafbíla á Íslandi og hefur fengið mikið lof fyrir rúmgott innra rými og þægindi. What Car? bílablaðið verðlaunaði hann nýlega sem „Besta sjö sæta rafmagnsbílinn“ fyrir framúrskarandi hönnun, aksturseiginleika og tækninýjungar. 

Dómnefndin var sérstaklega hrifin af rúmgóðu innra rými bílsins, þar sem farþegar njóta mikilla þæginda, jafnvel í þriðju sætaröð sem er frábært miðað við marga aðra bíla. Þetta er rúmgóður sjö sæta rafbíll í hæsta gæðaflokki sem smellpassar á íslenska markaðinn og móttökurnar hafa verið magnaðar“ segir Einar.

Framúrskarandi drægni og hraðhleðsla

Þegar kemur að drægni bílsins er loksins kominn rafbíll á markaðinn sem getur leyst hlutverk fjölskyldubílsins vel af hendi. „Með 73 kWh rafhlöðu getur bíllinn farið allt að 502 km á einni hleðslu samkvæmt WLTP staðli,“ útskýrir Einar. „Þetta gerir bílinn tilvalinn fyrir langar ferðir um landið, en líka mjög hentugan fyrir daglegan akstur. 

Fyrir þá sem hafa áhyggjur af hleðslu, þá er hægt að hlaða hann frá 20-80% á aðeins 35 mínútum í hraðhleðslu, svo þú getur alltaf verið með næga orku til að komast leiðar þinnar.“

Hleðslumöguleikar bílsins eru einnig til fyrirmyndar; „Peugeot E-5008 er búinn þriggja fasa hleðslustýringu, sem þýðir að þú getur hlaðið hann að fullu á innan við fimm klukkustundum. Hann tekur líka við eins fasa hleðslu ef svo ber undir. Við hjá Brimborg bjóðum líka upp á hagstæðar heimahleðslulausnir í samstarfi við Bílorku, sem gera daglega hleðslu mun auðveldari og þægilegri.“

Heillandi, fáguð og stórbrotin hönnun

Peugeot hefur gjörbylt hönnun á nýjum E-5008 í takt við ný hönnunarmarkmið Peugeot þar sem heillandi, fáguð og stórbrotin hönnun á innra og ytra rými eru höfð að leiðarljósi. Einar er þeirrar skoðunar að: „Peugeot hefur gert stórkostlega hluti í hönnun nýrra bíla, og E-5008 er engin undantekning og bíllinn hefur fengið frábærar móttökur á Íslandi. Hann er búinn nýjustu kynslóð Panoramic i-Cockpit innréttingarinnar, sem gerir alla akstursupplifunina enn betri. Þegar kemur að akstursupplifuninni og öryggi, þá stendur bíllinn sig vel á báðum sviðum. 

„Stýrið er fyrirferðarlítið, leðurklætt og mjög þægilegt. Allar upplýsingar og stjórntæki eru í sjónlínu ökumanns, sem stuðlar að auknu öryggi og minni truflunum við akstur.“ Einnig er Peugeot E-5008 búinn ríkulegum öryggisbúnaði, þar á meðal sjálfvirkri neyðarhemlun með myndavél og radar, akreinastýringu, fjarlægðarstillanlegum hraðastilli og nálægðarskynjurum.

Rúmgott innra rými er einnig lykilatriði í Peugeot E-5008, sérstaklega fyrir fjölskyldur sem þurfa að koma mörgum farþegum eða miklum farangri fyrir. „Innra rýmið er mjög sveigjanlegt,“ útskýrir Einar. „Aftursætin eru færanleg og niðurfellanleg, þannig að þú getur auðveldlega breytt bílnum eftir þörfum. 

Þegar öll sætin eru felld niður, færðu farangursrými sem getur rúmað allt að 1815 lítra. Það er meira en nóg fyrir flesta!“

7 ára víðtæk ábyrgð á bíl og 8 ára ábyrgð á drifrafhlöðu

Einar vekur athygli á því að Peugeot E-5008 er með framúrskarandi ábyrgð sem tryggir eigendum hugarró. „Við hjá Brimborg bjóðum upp á 7 ára ábyrgð á bílnum og 8 ára ábyrgð á drifrafhlöðunni,“ segir hann. „Þetta er mikið öryggisnet fyrir viðskiptavini okkar, sem sýnir traust okkar á gæðum og endingu Peugeot.“

Eini sjö sæta rafbíllinn frá Peugeot á frábæru kynningarverði

Peugeot E-5008 býðst á frábæru kynningarverði eða frá aðeins 7.890.000 kr. með rafbílastyrk sem er eitt af þeim atriðum sem gerir E-5008 rafbíl eftirsóttan. Eins og áður hefur komið fram þá er verðið einmitt eitt af því sem kemur viðskiptavinum á óvart m.v. búnað, drægni hleðsluhraða og ábyrgð svo fátt eitt sé nefnt. 

Einar hvetur þá sem eru í bílahugleiðingum til að kíkja til sín í sýningarsal Peugeot við Bíldshöfða 8 því nú sé einmitt rétti tíminn til að kaupa rafbíl því hann fær 900.000 kr. styrk frá Orkusjóði sem nýtist sem hluti af útborgun í nýjan E-5008.