Bónus Körfuboltakvöld var á dagskrá á föstudagskvöldið líkt og vanalega en þá gerðu þeir Stefán Árni Pálsson, Jón Halldór Eðvaldsson og Hermann Haukasson upp 13. umferð deildarinnar.
Venju samkvæmt voru bestu tilþrifin í umferðinni skoðuð vel og þar kenndi ýmissa grasa.
Shaquille Rombley og Sadio Doucoure áttu tvö tilþrif hvor en báðir sýndu þeir áhorfendum geggjaðar troðslur í leikjum sinna liða. Þá komst Álftnesingurinn Justin James einnig á blað fyrir frábæran varnarleik í tapi liðsins gegn Njarðvík.
Bestu tilþrif 13. umferðar og innslagið úr Bónus Körfuboltakvöldi má sjá í spilaranum hér fyrir neðan.
