Össur Skarphéðinsson ræðir göngur urriða á Þingvöllum
Allt að tuttugu og sjö punda urriðar ganga nú upp í Öxará á Þingvöllum. Fiskarnir sýndu sínar bestu hliðar fyrir þá fjölmörgu gesti sem skunduðu á Þingvöll til að sjá þessa árlegu göngu í góða veðrinu í gær. Meðal þeirra sem fylgdust með var Össur Skarphéðinsson, sem áætlar á að milli fimmtán og sextán hundruð fiskar gangi að jafnaði upp ána á haustin til að hrygna.
