Betra að bíða en að fljúga í vondum aðstæðum
Bandaríkjamaðurinn Robert Huber beið eftir flugi til Parísar þegar fréttastofa ræddi við hann. Hann var slakur yfir röskuninni á ferðalagi hans vegna veðursins hér á landi. „Við áttum að fljúga til Detroit,“ sagði Huber en fluginu var aflýst. Var hann því bókaður með flugi til Parísar klukkan sjö í morgun og þaðan fer hann til Detroit.
