Subway-deild kvenna

Spenna í Keflavík

Úrslitakeppni Iceland Express deildar kvenna hófst með látum í kvöld. Íslandsmeistarar Hauka voru fjarri sínu besta í fyrsta leiknum gegn ÍS en höfðu engu að síður sigur 76-61. Keflavíkurstúlkur lögðu granna sína frá Grindavík á heimavelli 87-84 í hörkuleik.

Körfubolti 22. mars 2007 21:11

Hamar hélt sæti sínu í deildinni

Kvennalið Hamars í körfubolta heldur sæti sínu í Iceland Express deildinni í körfubolta eftir frækinn útisigur á Breiðablik í Smáranum í kvöld 85-57. Þetta var leikur upp á líf og dauða fyrir bæði lið í lokaumferðinni. Liðin urðu jöfn að stigum í neðsta sæti deildarinnar, en Hamarsliðið heldur sæti sínu á betri árangri í innbyrðisviðureignum liðanna.

Körfubolti 14. mars 2007 21:37

Njarðvíkingar geta tryggt sér efsta sætið í kvöld

Í kvöld fara fram fjórir leikir í úrvalsdeild karla í körfubolta. Njarðvíkingar geta með sigri á Fjölni tryggt sér deildarmeistaratitilinn, en liðin eigast við í Grafarvogi klukkan 19:15. Á sama tíma tekur Snæfell á móti Grindavík, Keflavík á móti Tindastól og Skallagrímur fær Þórsara í heimsókn.

Körfubolti 1. mars 2007 18:04

Haukastúlkur deildarmeistarar

Kvennalið Hauka varð í kvöld deildarmeistari í körfubolta annað árið í röð eftir að liðið skellti Hamri í Hveragerði 89-59. Keflavík vann auðveldan sigur á ÍS 88-55 og þá vann Grindavík nauman sigur á Breiðablik 76-72.

Körfubolti 28. febrúar 2007 21:21

Fyrsta kvenkyns dómaraparið dæmir í kvöld

Sá sögulegi viðburður á sér stað í fyrsta sinn á Íslandi í kvöld að konur verða dómarapar í leik í efstu deild. Þetta eru þær Indíana Sólveig Marquez og Georgía Olga Kristiansen. Báðar hafa þær dæmt leiki með körlum í vetur en þetta mun vera í fyrsta sinn sem tvær konur dæma sama leikinn. Þær dæma leik Hauka og Breiðabliks í kvennadeildinni.

Körfubolti 22. febrúar 2007 18:38

Haukastúlkur í vænlegri stöðu

Aðeins kraftaverk getur nú komið í veg fyrir að deildarmeistarar Hauka verji titil sinn í kvennakörfunni eftir að Grindavík gerði sér lítið fyrir og lagði granna sína í Keflavík í kvöld 93-86. Haukastúlkur hafa fjögurra stiga forskot á toppi deildarinnar og eiga leik til góða á Keflavík sem er í öðru sætinu. Grindavík er svo aðeins tveimur stigum frá Keflavík í þriðja sætinu.

Körfubolti 21. febrúar 2007 21:50

Haukar bikarmeistarar

Kvennalið Hauka er bikarmeistari í körfubolta 2007 eftir sigur á Keflavík í rafmögnuðum úrslitaleik í Laugardalshöllinni í dag 78-77. Úrslitin réðust tæpum tveimur sekúndum fyrir leikslok þegar TaKesha Watson hjá Keflavík fékk tækifæri til að jafna leikinn á vítalínunni en náði ekki að setja það fyrra ofaní og því var sigurinn Hauka.

Körfubolti 17. febrúar 2007 15:42

Jafnt eftir þrjá leikhluta

Staðan í leik Hauka og Keflavíkur um bikarmeistaratitilinn í körfubolta kvenna er jöfn 60-60 eftir þrjá leikhluta. Liðin skiptast á um að hafa nauma forystu og ljóst er að úrslitin í Höllinni ráðast ekki fyrr en í blálokin.

Körfubolti 17. febrúar 2007 15:22

Allt í járnum í Höllinni

Nú er kominn hálfleikur í bikarúrslitaleik Keflavíkur og Hauka í kvennaflokki. Haukaliðið hefur yfir 43-42 eftir skemmtilegan fyrri hálfleik og útlit fyrir rafmagnaðan spennuleik.

Körfubolti 17. febrúar 2007 14:44

Keflavík yfir eftir fyrsta leikhluta

Keflavíkurstúlkur hafa yfir 26-24 gegn Haukum eftir fyrsta leikhlutann í bikarúrslitaleik kvenna í Laugardalshöll. Haukar höfðu frumkvæðið lengst af en Keflavíkurliðið komst yfir með þriggja stiga körfu um leið og leikhlutinn kláraðist.

Körfubolti 17. febrúar 2007 14:20

Góður sigur Haukastúlkna í Grindavík

Tveir leikir fóru fram í efstu deild kvenna í körfubolta í kvöld. Íslandsmeistarar Hauka lögðu Grindavík suður með sjó 84-74 þar sem Tamara Bowie skoraði 27 stig og hirti 16 fráköst fyrir Grindavík en Ifeoma Okonkwo skoraði 32 stig og hirti 10 fráköst og Helena Sverrisdóttir skoraði 19 stig og hirti 10 fráköst fyrir Hauka. Keflavík valtaði yfir Hamar 95-59 og er í öðru sæti deildarinnar, tveimur stigum á eftir Haukum.

Körfubolti 31. janúar 2007 21:45

Watson meidd og á heimleið

Kvennalið Keflavíkur hefur orðið fyrir áfalli því Takesha Watson er með rifinn liðþófa og á heimleið. Watson hefur leikið mjög vel með Keflavíkurliðinu í vetur en hún er búin að skora 23,7 stig og gefa 6,1 stoðsendingu að meðaltali í 13 leikjum sínum í deildinni.

Körfubolti 26. janúar 2007 00:01

Tindastóll lagði ÍR í framlendum leik

Tveir leikir fóru fram í úrvalsdeild karla í körfubolta. Tindastóll lagði ÍR fyrir norðan 103-97 eftir framlendan leik og Snæfell burstaði Hauka í Hólminum 96-71. Þá var einn leikur í kvennaflokki þar sem Keflavík vann öruggan sigur á ÍS 83-65 á útivelli.

Körfubolti 22. janúar 2007 21:59

Haukar völtuðu yfir Hamar

Yfirburðir Íslandsmeistara Hauka voru sem fyrr ótrúlegir þegar liðið kjöldró Hamar á heimavelli sínum á Ásvöllum í dag í efstu deild kvenna í körfubolta. Haukar höfðu sigur 107-54 þrátt fyrir að lykilmenn liðsins spiluðu ekki nema rúmlega hálfan leikinn.

Körfubolti 21. janúar 2007 21:33

Grindavík lagði Breiðablik

Einn leikur fór fram í úrvalsdeild kvenna í körfubolta í dag. Grindavíkurstúlkur unnu þar auðveldan sigur á Breiðablik í Smáranum 71-57 eftir að hafa verið yfir 41-21 í hálfleik. Tamara Bowie átti enn einn stórleikinn fyrir Grindavík og skoraði 28 stig og hirti 19 fráköst hjá Grindavík og Hildur Sigurðardóttir skoraði 17 stig og hirti 8 fráköst. Telma Fjalarsdóttir átti frábæran leik í liði Breiðabliks með 22 stig og 18 fráköst.

Körfubolti 20. janúar 2007 20:05

Sú serbneska send aftur heim

Unndór Sigurðsson, þjálfari kvennaliðs Grindavíkur í Iceland Express-deildinni, hefur tekið þá ákvörðun ásamt stjórn körfuknattleiksdeildarinnar að láta nýjan serbneskan miðherja liðsins fara aftur til sín heima.

Körfubolti 17. janúar 2007 06:00

Mögnuð tilþrif í stjörnuleikjunum í dag

Fullt var út úr dyrum í DHL-Höllinni í Frostaskjóli í dag þar sem fram fóru hinir árlegu stjörnuleikir úrvalsdeildar karla og kvenna í körfubolta. Hjá körlunum höfðu erlendir leikmenn betur gegn þeim íslensku en hjá konunum laut Esso-liðið í lægra haldi fyrir Shell-liðinu.

Körfubolti 13. janúar 2007 19:24

Búið að tilkynna þáttakendur í skotkeppninni

Körfuknattleikssambandið er nú búið að tilkynna þáttakendur í skotkeppninni í stjörnuleikjum KKÍ um helgina. Kvennaleikurinn hefst klukkan 14 á laugardag og karlaleikurinn klukkan 16 og leikið verður í DHL höllinni í Frostaskjóli.

Körfubolti 11. janúar 2007 22:30

ÍS skoraði aðeins 20 stig í fyrstu þremur leikhlutunum

Íslandsmeistarar Hauka völtuðu yfir Stúdínur 96-44 í leik kvöldsins í efstu deild kvenna í körfubolta. Haukastúlkur eru því komnar aftur upp að hlið Keflvíkinga á toppi deildarinnar en bæði lið hafa 20 stig úr 11 leikjum. ÍS situr í fjórða sætinu með 8 stig eftir 11 leiki.

Körfubolti 11. janúar 2007 21:49

Ójafn leikur í kvennakörfunni

Tveir leikir fóru fram í efstu deild kvenna í körfubolta í kvöld þar sem grannarnir Grindavík og Keflavík völtuðu yfir andstæðinga sína. Keflavík rótburstaði Breiðablik 128-44 og Grindavík lagði Hamar 96-50. Keflavík hefur tveggja stiga forskot á Hauka á toppi deildarinnar en Íslandsmeistararnir eiga leik til góða. Grindavík er svo í þriðja sætinu.

Körfubolti 10. janúar 2007 21:53

Búið að velja í stjörnuliðin

Nú er búið að velja í stjörnulið karla og kvenna í körfubolta, en árlegir stjörnuleikir fara fram í DHL-höllinni í vesturbænum á laugardaginn. Kvennaleikurinn er klukkan 14 og karlaleikurinn klukkan 16. Blandað er í liðum í kvennaflokki en hjá körlunum er það úrvalslið Íslendinga gegn úrvalsliði Íslands. Þá verða skotkeppnin og troðkeppnin á sínum stað ef næg þáttaka verður.

Körfubolti 10. janúar 2007 16:28

Sigurganga Hauka stöðvuð í Keflavík

Íslandsmeistarar Hauka í körfubolta töpuðu sínum fyrsta leik í IE deild kvenna í körfubolta í dag þegar liðið lá fyrir Keflavík 92-85. Keflvíkingar eru því komnir á topp deildarinnar en Haukaliðið á leik til góða.

Körfubolti 17. desember 2006 19:38

Stórt tap hjá Haukum

Kvennalið Hauka hefur lokið þátttöku sinni í Evrópukeppninni í körfubolta þennan veturinn en í kvöld steinlá liðið á heimavelli fyrir ítalska liðinu Parma 117-58 eftir að hafa verið undir 69-18 í hálfleik. Ifeoma Okonkwo skoraði 19 stig fyrir Hauka og Helena Sverrisdóttir 15 stig. Haukar töpuðu öllum leikjum sínum í riðlinum og eru úr leik, en þetta unga lið hefur sannarlega fengið dýrmæta reynslu úr þessum erfiðu leikjum.

Körfubolti 13. desember 2006 21:03

ÍS lagði Breiðablik

Einn leik fór fram í Iceland Express deild kvenna í körfubolta í kvöld. Stúdínur unnu sigur á botnliði Breiðabliks 74-62 í Kennaraháskólanum. Þórunn Bjarnadóttir skoraði 16 stig fyrir ÍS, Hafdís Helgadóttir 15 stig og hirti 10 fráköst og Anabel Perdomo skoraði 13 stig og gaf 14 stoðsendingar. Tiara Harris skoraði 23 stig fyrir Blika, sem eru á botni deildarinnar án stiga en Stúdínur eru í 4. sæti með 8 stig.

Körfubolti 11. desember 2006 22:10

Montpellier burstaði Hauka

Kvennalið Hauka í körfubolta tapaði í kvöld fyrir franska liðinu Montpellier 105-57 á Ásvöllum í Evrópukeppninni. Ifeoma Okonkwo skoraði 23 stig fyrir Hauka og Helena Sverrisdóttir skoraði 15 stig og hirti 8 fráköst.

Körfubolti 7. desember 2006 21:01

Suðurnesjaliðin unnu leiki sína

Grannliðin Grindavík og Keflavík lögðu andstæðinga sína nokkuð örugglega í Iceland Express deild kvenna í kvöld. Grindavík lagði Breiðablik 88-67 þar sem Tamara Bowie skoraði 39 stig og hirti 15 fráköst fyrir Grindavík en Tiara Harris skoraði 26 stig og hirti 9 fráköst fyrir Blika. Keflavík lagði ÍS 91-67 þar sem TaKesha Watson hjá Keflavík fékk þungt höfuðhögg og var flutt á sjúkrahús með heilahristing og brotnar tennur.

Körfubolti 6. desember 2006 21:49

Tap hjá Haukastúlkum

Haukastúlkur töpuðu 94-67 fyrir liði Gran Canaria á Kanaríeyjum í Evrópukeppninni í körfubolta í kvöld, eftir að hafa verið undir 55-35 í hálfleik. Ifeoma Okonkwo skoraði 22 stig og hirti 9 fráköst fyrir Hauka og Helena Sverrisdóttir skoraði 21 stig og hirti 7 fráköst. Haukaliðið er því á botni F-riðilsins án sigurs eftir fjóra leiki.

Körfubolti 30. nóvember 2006 22:13

Margrét með þrennu í stórsigri Keflvíkinga

Tveir leikir fóru fram í Iceland Express deild kvenna í körfubolta í kvöld og ekki hægt að segja að þar hafi spennan verið í fyrirrúmi. Keflavíkurstúlkur rótburstuðu Blika 115-59 á útivelli og grannar þeirra úr Grindavík lögðu Hamar 93-44 í Hveragerði. Þá urðu Fjölnismenn fyrsta liðið til að tryggja sér sæti í 16-liða úrslitum bikarkeppninnar með naumum 83-82 sigri á Þór á Akureyri.

Körfubolti 24. nóvember 2006 21:20

Haukastúlkur töpuðu fyrir Parma

Kvennalið Hauka tapaði í kvöld fyrir ítalska liðinu Parma í Evrópukeppninni í körfubolta 102-86, en leikið var ytra. Ifeoma Okonkwo skoraði 25 stig fyrir Hauka, Unnur Tara Jónsdóttir átti fínan leik og skoraði 19 stig og Helena Sverrisdóttir skoraði 17 stig og hirti 8 fráköst.

Körfubolti 22. nóvember 2006 20:56

Njarðvíkingar mæta Tartu Rock í kvöld

Karlalið Njarðvíkinga og kvennalið Hauka verða í eldlínunni í Evrópukeppninni í körfubolta í kvöld. Njarðvíkingar taka á móti eistneska liðinu Rartu Rock klukkan 19:15 í íþróttahúsinu í Keflavík, en Haukaliðið mætir sterku liði Parma frá Ítalíu á útivelli.

Körfubolti 22. nóvember 2006 17:18

Mest lesið