Stj.mál

Howard lætur af embætti

Michael Howard, leiðtogi Íhaldsflokksins í Bretlandi, greindi frá því fyrir stundu að hann hygðist láta af embætti eftir að reglum flokksins hefði verið breytt og nýr formaður hefur verið valinn. Hann sagði þó að kosningarnar í gær mörkuðu þáttaskil í sögu flokksins því að nú lægi leiðin upp á við.

Erlent 13.10.2005 19:10

Áfall fyrir Blair

Úrslit þingkosninganna í nótt eru nokkuð áfall fyrir Tony Blair, forsætisráðherra Bretlands. Þetta er í fyrsta skipti í sögunni sem það gerist að breski Verkamannaflokkurinn vinnur þrjár kosningar í röð en flokkurinn tapaði engu að síður miklu fylgi og mörgum þingmönnum.

Erlent 13.10.2005 19:10

Óráðsía og blekkingar fyrir austan

"Þeim er að einhverju leyti vorkunn vegna þeirrar þenslu sem hér hefur verið en það átti ekki að koma þeim á óvart," segir Magni Kristjánsson, sem sæti á í bæjarstjórn Fjarðabyggðar. Allur minnihlutinn í bæjarstjórn sat hjá við afgreiðslu ársreiknings í vikunni vegna þess sem Magni kallar óráðsíu og blekkingarleik.

Innlent 13.10.2005 19:10

Stefnir í söguleg úrslit

Það stefnir allt í söguleg úrslit í kosningunum í Bretlandi þar sem kjörstöðum verður lokað eftir nokkrar stundir. Þau eru söguleg að því leyti að Tony Blair er á góðri leið með að verða fyrsti leiðtogi Verkamannaflokksins til að sitja þrjú kjörtímabil í röð.

Erlent 13.10.2005 19:10

Spáir spennandi kosninganótt

Einn þekktasti stjórnmálaskýrandi og fréttamaður Breta, Adam Boulton hjá Sky-fréttastöðinni, lifir og hrærist í pólitíkinni, andar henni að sér hverjum degi. Hann spáir spennandi kosninganótt.

Erlent 13.10.2005 19:10

Staðan góð en teikn á lofti

"Almennt má segja að niðurstaða í þetta sinn sé góð en þó verðum við að fara að stíga á bremsuna hvað framtíðina varðar," segir Stefán Jón Hafstein, borgarfulltrúi.

Innlent 13.10.2005 19:10

Flugskóli Íslands seldur

Íslenska ríkið hefur nú selt allan hlut sinn í Flugskóla Íslands hf. til þriggja aðila sem í flugrekstri standa og er skólinn því orðinn einkavæddur að öllu leyti.

Innlent 13.10.2005 19:10

Vilja Vaðlaheiðargöng

Sveitarstjórn Þingeyjasveitar telur áríðandi að Vaðlaheiðargögn komist nú þegar á samgönguáætlun og nauðsynlegt sé að breyta veglínu Norðausturvegar þannig að stytting náist á leiðinni milli Reykjavíkur og Akureyrar.

Innlent 13.10.2005 19:10

Stjórnin heldur velli en veikist

Tony Blair forsætisráðherra og Verkamannaflokkurinn tryggðu sér í dag setu á valdastólum þriðja kjörtímabilið í röð. Sigurinn er hins vegar súrsætur þar sem meirihluti flokksins á þingi er mun minni en áður.

Erlent 13.10.2005 19:10

Ræða um náttúruvernd í Skaftafelli

Um hundrað manna hópur norræna áhugamanna og sérfræðinga um náttúruvernd er samankominn í Skaftafelli í Öræfum en þar hefst í dag þriggja daga norræn ráðstefna um náttúruvernd, þjóðgarða, útilíf og heilsu. Að ráðstefnunni standa Norræna ráðherranefndin og umhverfisráðuneytið. Meðal fyrirlesara er Vigdís Finnbogadóttir, fyrrverandi forseti Íslands, en hún mun fjalla um gildi þess að standa vörð um náttúruarfleifð Norðurlanda.

Innlent 13.10.2005 19:10

Hækkun tekjumarka baráttumál lengi

Arnþór Helgason, framkvæmdastjóri Öryrkjabandalags Íslands fagnar ummælum Karl Steinars Guðnasonar, forstjóra Tryggingastofnunar ríkisins þess efnis að öryrkjum verði gert kleift að afla sér hærri tekna án þess að örorkubæturnar skerðist eins og fram kom í Fréttablaðinu í gær.

Innlent 13.10.2005 19:10

Bretar veðja um kosningaúrslit

Bretar hafa gaman af því að veðja og eitt af því sem þeir hafa veðjað á er veðrið í dag, kosningadaginn, en þeir veðja líka grimmt um úrslit kosninganna og ýmislegt fleira.

Erlent 13.10.2005 19:10

Ný Vestfjarðagöng

Kristinn H. Gunnarsson þingmaður Framsóknarflokksins krefst yfirlýsingar frá ríkisstjórninni um að ráðist verði í gerð jarðganga milli Dýrafjarðar og Arnarfjarðar. Staðsetning ganganna liggur fyrir og verða þau 5,1 kílómetri að lengd. Áætlaður kostnaður við gerð þeirra er um þrír milljarðar króna.

Innlent 13.10.2005 19:10

Mótmæla skiptingu vegafjár

Bæjarstjórar á höfuðborgarsvæðinu ásamt borgarstjóra mótmæla skiptingu vegafjár. Þeir afhentu samgöngunefnd Alþingis sameiginlega athugasemdir sínar í byrjun vikunnar.

Innlent 13.10.2005 19:10

Meðafli í kolmunna ekki vandi

Fyrirhuguð lagabreyting, sem skyldar útgerðum að draga meðafla í uppsjávarveiðum frá kvóta, er meingallað að mati Magnúsar Þórs Hafsteinssonar þingmanns Frjálslynda flokksins. Hann hefur skilað séráliti í sjávarútvegsnefnd Alþingis vegna frumvarps sjávarútvegsráðherra til breytinga á lögum um nytjastofna sjávar.

Innlent 13.10.2005 19:10

Óvissa um kosningaþátttöku

Kjörstöðum í Bretlandi verður lokað klukkan níu í kvöld að íslenskum tíma og þá verða fyrstu útgönguspár birtar, þær hafa þó stundum ekki reynst alls kostar réttar en þetta ætti allt að liggja ljóst fyrir snemma í fyrramálið.

Erlent 13.10.2005 19:10

Vilja hækka sektargreiðslur

Kröfur komu fram á Alþingi í gær um að sektir fyrir að leggja ólöglega í bílastæði fatlaðra yrðu stórhækkaðar.

Innlent 13.10.2005 19:10

SUF fylgjandi afnámi fyrningar

Samband ungra framsóknarmanna hefur sent frá sér ályktun þar sem það hvetur til þess að frumvarp sem er nú til umfjöllunar í allsherjarnefnd, þess efnis að kynferðisbrot gegn börnum fyrnist ekki, verði að lögum frá Alþingi. Þá fagnar sambandið þeirri þjóðarvakningu sem hafi átt sér stað í samfélaginu um alvarleika kynferðisglæpa gegn börnum. Sérstaklega beri að fagna þeirri vinnu sem Stígamót og Blátt áfram hafi sinnt til að kynna málstaðinn.

Innlent 13.10.2005 19:10

Vilja sjá um Spegilinn

Hafsteinn Þór Hauksson, formaður Sambands ungra sjálfstæðismanna, hefur sent útvarpsráði erindi og boðið fram starfskrafta ungra sjálfstæðismanna við dagskrárgerð hjá stofnuninni. Fréttaskýringaþátturinn <em>Spegillinn</em> er þáttur sem ungir sjálfstæðismenn vildu gjarnan taka að sér og segir í erindinu að það yrði gert án endurgjalds og gæti því stuðlað að sparnaði í rekstri.

Innlent 13.10.2005 19:09

Sögðu Blair hryðjverkamann

Íraksstríðið tröllríður umræðunni síðustu stundirnar fyrir kosningarnar og gæti því haft áhrif á þessa óákveðnu og óvissu kjósendur. Það skapaðist uppnám í breskum smábæ þegar Brynhildur Ólafsdóttir, fréttamaður Stöðvar 2 ræddi Íraksmálið við reiða og herskáa breska múslíma, sem lýstu Blair sem morðóðum hryðjuverkamanni.

Erlent 13.10.2005 19:09

Vilja ekki hella olíu á eldinn

Fjárhagslegir hagsmunir ríkissjóðs og ótti við að hella olíu á eldinn réð því að þingflokkar ríkisstjórnarinnar höfnuðu því að hleypa í gegn frumvarpi um að afnema stimpilgjald við endurfjármögnun lána.

Innlent 13.10.2005 19:09

Stimpilgjaldið áfram

"Ráðherraræðið kæfir góðan vilja Péturs Blöndal, formanns efnahags- og viðskiptanefndar, til að afgreiða frumvarp um afnám stimpilgjaldsins," segir Jóhanna Sigurðardóttir, Samfylkingunni. Pétur segir hana brjóta trúnað í störfum nefndarinnar og kveðst ekki hafa lofað neinu.

Innlent 13.10.2005 19:10

Munurinn eykst í Bretlandi

Verkamannaflokkurinn bætir enn við sig fylgi samkvæmt síðustu könnunum í aðdraganda kosninganna í Bretlandi, sem fara fram á morgun. Samkvæmt könnun dagblaðsins <em>Times</em>, sem birtist í morgun, mælist Verkamannaflokkurinn með 41 prósent fylgi en Íhaldsflokkurinn aðeins með 27. Þetta er mesti munur sem mælst hefur á flokkunum í aðdraganda kosninganna.

Erlent 13.10.2005 19:09

Birtir milliuppgjör í baráttu

Starfsstöð Össurar Skarphéðinssonar hefur birt milliuppgjör í kosningabaráttunni um formannssætið í Samfylkingunni. Samkvæmt því hefur formannsbaráttan kostað 1.217.851 krónur fram til 1. maí en tekjur á sama tímabili verið 1.294.000 krónur. 

Innlent 13.10.2005 19:09

Enn stefnt að afgreiðslu

Gunnar I. Birgisson, þingmaður Sjálfstæðisflokksins og formaður menntamálanefndar Alþingis, segir enn stefnt að því að afgreiða frumvarp um Ríkisútvarpið á yfirstandandi þingi. "Við höldum áfram vinnu við frumvarpið í nefndinni fyrir og eftir helgi og gerum breytingar á því reynist það nauðsynlegt."

Innlent 13.10.2005 19:10

Mikill jarðgangaáhugi á þingi

Verktökum verður frjálst að nota risaborvélar, eins og nú eru í Kárahnjúkum, við borun vegganga. Þetta sagði samgönguráðherra í svari við einni af fjórum fyrirspurnum um jarðgöng sem hann svaraði á Alþingi í dag.

Innlent 13.10.2005 19:09

Kjörseðlar enn ósendir

Nokkur hundruð félagar í Samfylkingunni eiga enn eftir að fá kjörseðilinn sinn til að kjósa í formannsslagnum, og verður hann sendur út á morgun, að sögn Flosa Eiríkssonar, formanns kjörstjórnar.

Innlent 13.10.2005 19:10

Barist um hvert atkvæði

Eftir sólarhring ættu fyrstu útgönguspár að liggja fyrir í Bretlandi, en enn þá er barist um hvert einasta atkvæði. Meðaltal kannana dagsins bendir til þess að forskot Verkamannaflokksins sé dágott, um níu prósent, og meirihluti Blairs er tryggur gangi þetta eftir. Það er hins vegar enn þá sólarhringur eftir og óákveðnir eru um átta prósent. Ef þeir eru teknir með í reikninginn sem segjast enn geta skipt um skoðun er þriðjungur kjósenda í spilinu.

Erlent 13.10.2005 19:09

Mótmæla breytingum á skipulagi

Um það bil 200 manns mættu á fund í ráðhúsinu í gærkvöldi þar sem verið var að kynna fyrirhugað skipulag á svonefndum Bílanaustsreit við Sigtún og voru flestir fundarmanna óánægðir með þéttleika byggðarinnar og hæð einstakra húsa. Þar er gert ráð fyrir allt að 240 íbúðum og allt að 12 hæða háum húsum.

Innlent 13.10.2005 19:09

Íhaldsflokkurinn í tilvistarkreppu

Fylgiskannanir í Bretlandi í dag benda til þess að breski Íhaldsflokkurinn bíði afhroð í kosningunum á morgun. Flokkurinn er týndur í tilvistarkreppu og leiðtogadagar Michaels Howards virðast taldir.

Erlent 13.10.2005 19:09