„Við sáum ekki fram á að geta eignast barn á næstu árum og við gátum ekki hugsað okkur að lifa barnlausu lífi. Þannig að við fórum að hugsa hvað og hvort við gætum gert sjálf. Við vissum að íslensk pör hafa farið erlendis og eignast börn með hjálp staðgöngumóður. Við erum alls ekki þau fyrstu," segir Helga Sveinsdóttir sem er föst ásamt eiginmanni sínum, Einari Þór Færseth, á Indlandi þar sem þau eignuðust á síðasta ári drenginn Jóel Færseth með aðstoð staðgöngumóður. Rætt var við Helgu í Kastljósi í kvöld.
Staðgöngumæðrun er óheimil hér á landi og því hefur fjölskyldan verið föst í Indlandi í um þrjá mánuði. Alþingi veitti Jóel ríkisborgararétt skömmu fyrir jól en þrátt fyrir það fær hann ekki vegabréf. Íslensk yfirvöld líta nefnilega svo á að konan sem ól Jóel og eignmaður hennar séu foreldrar hans hvað sem líður samningum um annað.
Helga útilokaði ekki að um prófmál væri að ræða að hálfu yfirvalda í ljósi þess að staðgöngumæðrun er ólögleg á Íslandi. Yfirvöld vilji hugsanlega gefa þau skilaboð að þetta eigi ekki að vera auðveld leið fyrir fólk til að eignast börn.
Helga sagði hjónin hafa ákveðið að leita til Indlands vegna þess að það hefði verið mun ódýrara heldur en fara annað. Aðspurð sagði hún kostnaðinn vera um þrjár milljónir króna.
Ennfremur sagði Helga: „Við höfum í fjöldamörg ár reynt að eignast barn og búin að ganga í gegnum ýmislegt hvað það varðar - mikla erfiðleika og mikla sorg. Í mörg ár höfum við verið á lista eftir að ættleiða barn og eins og þau mál standa heima núna er nákvæmlega ekkert að gerast í þeim málum," sagði Helga.
„Við gátum ekki hugsað okkur að lifa barnlausu lífi"
Tengdar fréttir
Ríkisborgararéttur Jóels flækti málin enn frekar - Vigdís vill fund
Vigdís Hauksdóttir, þingmaður Framsóknarflokksins, óskaði í dag eftir því að fulltrúar innanríkisráðuneytisins, sem hafa með ríkisborgaramál að gera, og fulltrúar utanríkisráðuneytisins sem hafa með útgáfu vegabréfa að gera, verði kallaðir fyrir allsherjarnefnd.
Barnið mun komast heim frá Indlandi - komið með ríkisborgararétt
Íslensk hjón sem hafa verið föst á Indlandi með nýfæddan son sinn í á annan mánuð munu væntanlega komast heim fyrr en varir. Alþingi samþykkti á þriðja tímanum í dag að veita barninu íslenskan ríkisborgararétt.
Yndisleg tilfinning að vera á heimleið
„Þetta er alveg yndisleg tilfinning eftir allt sem við erum búin að ganga í gegnum. Þetta er búið að ganga svo brösuglega að við erum alveg í skýjunum,“ segir Helga Sveinsdóttir í samtali við Fréttablaðið, en hún er nú farin að huga að heimferð frá Mumbai í Indlandi ásamt manni sínum, Einari Þór Færseth, og Jóel, fimm vikna gömlum syni þeirra.
Komast ekki heim með barn staðgöngumóður
Hjón sem leituðu til staðgöngumóður á Indlandi fá ekki kennitölu fyrir barn sitt til að komast heim til Íslands. Þingmönnum var sent bréf um málið í gær og er það til skoðunar. „Lagalegt tómarúm hér á landi,“ segir Bjarni Benediktsson.
Missti af jarðarför föður síns vegna lagaflækja
„Sigurinn er ekki í höfn. Jóel er enn þá vegabréfalaus,“ segir Einar Þór Færseth, sem er fastur ásamt konu sinni, Helgu Sveinsdóttur, úti í Indlandi, en fram kom í Fréttablaðinu síðustu helgi að þau hjónin eignuðust drenginn Jóel Færseth með aðstoð staðgöngumóður.
Alþingi samþykkti 43 nýja íslenska ríkisborgara
Fundum Alþingis var frestað í dag til 17. janúar. Síðasta mál á dagskrá Alþingis var að samþykkja frumvarp Alþingis um ríkisborgararétt fyrir 43 einstaklinga. Eftirtaldir aðilar fengu ríkisborgararétt:
