Varnarmúrinn skal halda í lokaleiknum Tómas Þór Þórðarson skrifar 20. september 2016 06:00 Elísa Viðarsdóttir, Glódís Perla Viggósdóttir, Guðbjörg Gunnarsdóttir, Anna Kristjánsdóttir og Hallbera Gísladóttir mynda fimm manna teymið sem engu liði í 1. riðli undankeppni EM 2017 hefur enn þá tekist að skora hjá. vísir/Eyþór Stelpurnar okkar í kvennalandsliðinu í fótbolta eru komnar á EM. Það er klárt. Fyrra markmiði þeirra af þeim tveimur stóru er náð en hitt stendur eftir og það er að vinna 1. riðil undankeppninnar. Það tekst með því að ná stigi gegn Skotlandi á Laugardalsvellinum í kvöld en liðin mætast klukkan 17.00 í lokaumferð undankeppni EM. Leynt og ljóst eru stelpurnar samt búnar að setja sér annað markmið og það er að halda markinu hreinu út alla undankeppnina. Það hefur enginn svona vegferð með það að markmiði, en þegar aðeins tveir leikir voru eftir gegn Slóvenum og Skotum, sem Ísland vann samtals 10-0 á útivelli, var ekki annað hægt fyrir stelpurnar en að stefna á að halda núllinu átta sinnum.Skotahrokinn Númer eitt er þó að vinna leikinn og riðilinn og stelpurnar sögðust allar klárar í það þrátt fyrir að vera komnar á EM eftir 4-0 sigur á Slóvenum síðastliðinn föstudag. „Það er engin sem er að missa sig í gleðinni yfir því að vera komin á EM þó það sé þægilegt að geta sagt að við séum komnar en ekki vera alltaf að pæla í þessu,“ segir Hallbera G. Gísladóttir, bakvörðurinn magnaði í íslenska liðinu, sem skoraði eitt mark og lagði upp tvö önnur á föstudagskvöldið. Ísland vann Skotland, 4-0, í fyrri leiknum en fyrir hann voru Skotarnir með leiðindi og töluðu niður íslenska liðið. Hrokinn var mikill en hann kveikti neista í stelpunum okkar sem þær nýttu til að baka Skotana á þeirra heimavelli. Nú eru svipaðir stælar í gangi því besti leikmaður liðsins nennir ekki einu sinni að mæta í leikinn heldur er hún farin til Bandaríkjanna þar sem hún á að spila deildarleik með félagsliði sínu á sunnudaginn. Skotar bera við smávægilegum meiðslum en stelpurnar og Freyr vita betur. „Það er skrítin ákvörðun hjá þeim en bara eitthvað sem þau verða að eiga við sig. Það koma samt sterkir leikmenn inn þannig að við ætlum bara að einbeita okkur að leiknum, sama hver spilar,“ segir Hallbera sem vill sýna Skotunum í dag að íslenska liðið er svo sannarlega betra en það skoska. „Skotar tala um að þetta hafi verið slæmur dagur hjá þeim og heppni hjá okkur að vinna þær 4-0 úti í Skotlandi. Okkur langar að sýna þeim að þetta var engin tilviljun.“Núllið kitlar Hallbera er hluti af frábærri varnarlínu íslenska liðsins en ásamt henni hafa Elísa Viðarsdóttir, Glódís Perla Viggósdóttir og Anna Kristjánsdóttir spilað flesta leikina. Fyrir aftan þær stendur svo Guðbjörg Gunnarsdóttir. Hallbera segist njóta þess að vera hluti af svona sterkri línu með jafn öflugan markvörð og raun ber vitni fyrir aftan sig en það er bara sterk liðsheild sem getur skilað svona árangri að hennar mati. „Mér finnst liðið bara vera svo samstillt, en á móti kemur að við erum stórhættulegar fram á við og því eru hin liðin að einbeita sér að okkur. Liðin eru heldur ekki að skapa mörg færi á móti okkur þannig að ég myndi segja að þetta væri bara mjög sterk liðsheild sem er að skapa þetta, ekki bara varnarlínan þó það sé gaman að vera hluti af henni. Það er liðsheildin sem á þennan flotta árangur,“ segir Hallbera sem viðurkennir fúslega að hana langar til að halda núllinu og klára undankeppnina án þess að fá á sig mark. „Það er auðvitað frábær árangur að vera búnar að spila sjö landsleiki og ekki enn þá búnar að fá á okkur mark. Auðvitað kitlar það rosalega að halda þessu því það er bara einn leikur eftir. Á móti þá getur allt gerst í þessu. Okkar markmið er að vinna leikinn en það væri mjög sætur bónus ef það myndi gerast með hreinu laki,“ segir Hallbera G. Gísladóttir. Íslenski boltinn Mest lesið Ökklinn eins og IKEA húsgagn: „Boruðu gat í gegnum tvö bein“ Íslenski boltinn Veðmál á leik á Íslandi vöktu miklar grunsemdir Íslenski boltinn Unglingur myrtur eftir deilu á frjálsíþróttamóti Sport Hvar er Davíð? „Fólk að henda dramatískum sögum í gang um illindi“ Körfubolti Konurnar þurfa að mæta Íslandi á leikvangi sem er ekki nógu góður fyrir karlana Fótbolti Haaland flúði Manchester borg Enski boltinn Húðflúr stuðningsmanns Newcastle gæti orðið algjörlega gagnslaust Enski boltinn „Skandall“ í gær en uppselt í dag Fótbolti „Fínt ef þetta fólk hefði haft samband við mig mánuðum áður“ Körfubolti Fyrsti svarti dómarinn í ensku úrvalsdeildinni lærir að ganga á ný Enski boltinn Fleiri fréttir Á góðar minningar frá Þróttaravellinum De Bruyne yfirgefur City eftir tímabilið „Ef það er eitthvað lið sem getur veitt Breiðabliki og Víkingi keppni er það Valur“ Besta-spáin 2025: Siglt undir radarinn Veðmál á leik á Íslandi vöktu miklar grunsemdir Sölvi Geir ekki í miðvarðaleit „Skandall“ í gær en uppselt í dag Ljóst hver stýrir Sveindísi eftir landsleikina Ökklinn eins og IKEA húsgagn: „Boruðu gat í gegnum tvö bein“ Konurnar þurfa að mæta Íslandi á leikvangi sem er ekki nógu góður fyrir karlana Húðflúr stuðningsmanns Newcastle gæti orðið algjörlega gagnslaust Haaland flúði Manchester borg Forseti UEFA segir 64 þjóða HM vera slæma hugmynd Skoruðu þrjú af fjórum mörkum leiksins en töpuðu samt Barcelona fagnaði sigri innan og utan vallar í vikunni Chelsea upp fyrir Man. City og Newcastle FH-ingar sækja sér miðvörð til sænska liðsins AIK Afmæli barnanna og Liverpool-leikir það eina í dagatalinu Fyrsti svarti dómarinn í ensku úrvalsdeildinni lærir að ganga á ný „Þrífst í hlutverki þar sem ég þarf að taka ábyrgð“ Tímabilinu lokið hjá Gabriel Stelpurnar okkar gætu komist á HM í Ameríku og Bretlandi Hefur áhyggjur af Glódísi fyrir EM: „Búinn að vita lengi hvað væri rétt að gera“ Þorsteinn og Ingibjörg sátu fyrir svörum „Þarf ekki einu sinni að taka takkaskóna sjálf í leiki“ Vilja að líkamlegi þátturinn dansi í takt við þann taktíska og tæknilega Ærandi þögn þegar Elías Ingi lenti í lyftu með Skagamönnum „Allir í Vesturbænum eru spenntir en maður hefur séð meiri gæði í einum hópi“ Átti að fá rautt spjald en á í staðinn metið yfir að forðast það Besta-spáin 2025: Máttur fjöldans Sjá meira
Stelpurnar okkar í kvennalandsliðinu í fótbolta eru komnar á EM. Það er klárt. Fyrra markmiði þeirra af þeim tveimur stóru er náð en hitt stendur eftir og það er að vinna 1. riðil undankeppninnar. Það tekst með því að ná stigi gegn Skotlandi á Laugardalsvellinum í kvöld en liðin mætast klukkan 17.00 í lokaumferð undankeppni EM. Leynt og ljóst eru stelpurnar samt búnar að setja sér annað markmið og það er að halda markinu hreinu út alla undankeppnina. Það hefur enginn svona vegferð með það að markmiði, en þegar aðeins tveir leikir voru eftir gegn Slóvenum og Skotum, sem Ísland vann samtals 10-0 á útivelli, var ekki annað hægt fyrir stelpurnar en að stefna á að halda núllinu átta sinnum.Skotahrokinn Númer eitt er þó að vinna leikinn og riðilinn og stelpurnar sögðust allar klárar í það þrátt fyrir að vera komnar á EM eftir 4-0 sigur á Slóvenum síðastliðinn föstudag. „Það er engin sem er að missa sig í gleðinni yfir því að vera komin á EM þó það sé þægilegt að geta sagt að við séum komnar en ekki vera alltaf að pæla í þessu,“ segir Hallbera G. Gísladóttir, bakvörðurinn magnaði í íslenska liðinu, sem skoraði eitt mark og lagði upp tvö önnur á föstudagskvöldið. Ísland vann Skotland, 4-0, í fyrri leiknum en fyrir hann voru Skotarnir með leiðindi og töluðu niður íslenska liðið. Hrokinn var mikill en hann kveikti neista í stelpunum okkar sem þær nýttu til að baka Skotana á þeirra heimavelli. Nú eru svipaðir stælar í gangi því besti leikmaður liðsins nennir ekki einu sinni að mæta í leikinn heldur er hún farin til Bandaríkjanna þar sem hún á að spila deildarleik með félagsliði sínu á sunnudaginn. Skotar bera við smávægilegum meiðslum en stelpurnar og Freyr vita betur. „Það er skrítin ákvörðun hjá þeim en bara eitthvað sem þau verða að eiga við sig. Það koma samt sterkir leikmenn inn þannig að við ætlum bara að einbeita okkur að leiknum, sama hver spilar,“ segir Hallbera sem vill sýna Skotunum í dag að íslenska liðið er svo sannarlega betra en það skoska. „Skotar tala um að þetta hafi verið slæmur dagur hjá þeim og heppni hjá okkur að vinna þær 4-0 úti í Skotlandi. Okkur langar að sýna þeim að þetta var engin tilviljun.“Núllið kitlar Hallbera er hluti af frábærri varnarlínu íslenska liðsins en ásamt henni hafa Elísa Viðarsdóttir, Glódís Perla Viggósdóttir og Anna Kristjánsdóttir spilað flesta leikina. Fyrir aftan þær stendur svo Guðbjörg Gunnarsdóttir. Hallbera segist njóta þess að vera hluti af svona sterkri línu með jafn öflugan markvörð og raun ber vitni fyrir aftan sig en það er bara sterk liðsheild sem getur skilað svona árangri að hennar mati. „Mér finnst liðið bara vera svo samstillt, en á móti kemur að við erum stórhættulegar fram á við og því eru hin liðin að einbeita sér að okkur. Liðin eru heldur ekki að skapa mörg færi á móti okkur þannig að ég myndi segja að þetta væri bara mjög sterk liðsheild sem er að skapa þetta, ekki bara varnarlínan þó það sé gaman að vera hluti af henni. Það er liðsheildin sem á þennan flotta árangur,“ segir Hallbera sem viðurkennir fúslega að hana langar til að halda núllinu og klára undankeppnina án þess að fá á sig mark. „Það er auðvitað frábær árangur að vera búnar að spila sjö landsleiki og ekki enn þá búnar að fá á okkur mark. Auðvitað kitlar það rosalega að halda þessu því það er bara einn leikur eftir. Á móti þá getur allt gerst í þessu. Okkar markmið er að vinna leikinn en það væri mjög sætur bónus ef það myndi gerast með hreinu laki,“ segir Hallbera G. Gísladóttir.
Íslenski boltinn Mest lesið Ökklinn eins og IKEA húsgagn: „Boruðu gat í gegnum tvö bein“ Íslenski boltinn Veðmál á leik á Íslandi vöktu miklar grunsemdir Íslenski boltinn Unglingur myrtur eftir deilu á frjálsíþróttamóti Sport Hvar er Davíð? „Fólk að henda dramatískum sögum í gang um illindi“ Körfubolti Konurnar þurfa að mæta Íslandi á leikvangi sem er ekki nógu góður fyrir karlana Fótbolti Haaland flúði Manchester borg Enski boltinn Húðflúr stuðningsmanns Newcastle gæti orðið algjörlega gagnslaust Enski boltinn „Skandall“ í gær en uppselt í dag Fótbolti „Fínt ef þetta fólk hefði haft samband við mig mánuðum áður“ Körfubolti Fyrsti svarti dómarinn í ensku úrvalsdeildinni lærir að ganga á ný Enski boltinn Fleiri fréttir Á góðar minningar frá Þróttaravellinum De Bruyne yfirgefur City eftir tímabilið „Ef það er eitthvað lið sem getur veitt Breiðabliki og Víkingi keppni er það Valur“ Besta-spáin 2025: Siglt undir radarinn Veðmál á leik á Íslandi vöktu miklar grunsemdir Sölvi Geir ekki í miðvarðaleit „Skandall“ í gær en uppselt í dag Ljóst hver stýrir Sveindísi eftir landsleikina Ökklinn eins og IKEA húsgagn: „Boruðu gat í gegnum tvö bein“ Konurnar þurfa að mæta Íslandi á leikvangi sem er ekki nógu góður fyrir karlana Húðflúr stuðningsmanns Newcastle gæti orðið algjörlega gagnslaust Haaland flúði Manchester borg Forseti UEFA segir 64 þjóða HM vera slæma hugmynd Skoruðu þrjú af fjórum mörkum leiksins en töpuðu samt Barcelona fagnaði sigri innan og utan vallar í vikunni Chelsea upp fyrir Man. City og Newcastle FH-ingar sækja sér miðvörð til sænska liðsins AIK Afmæli barnanna og Liverpool-leikir það eina í dagatalinu Fyrsti svarti dómarinn í ensku úrvalsdeildinni lærir að ganga á ný „Þrífst í hlutverki þar sem ég þarf að taka ábyrgð“ Tímabilinu lokið hjá Gabriel Stelpurnar okkar gætu komist á HM í Ameríku og Bretlandi Hefur áhyggjur af Glódísi fyrir EM: „Búinn að vita lengi hvað væri rétt að gera“ Þorsteinn og Ingibjörg sátu fyrir svörum „Þarf ekki einu sinni að taka takkaskóna sjálf í leiki“ Vilja að líkamlegi þátturinn dansi í takt við þann taktíska og tæknilega Ærandi þögn þegar Elías Ingi lenti í lyftu með Skagamönnum „Allir í Vesturbænum eru spenntir en maður hefur séð meiri gæði í einum hópi“ Átti að fá rautt spjald en á í staðinn metið yfir að forðast það Besta-spáin 2025: Máttur fjöldans Sjá meira