Viðskipti erlent

Þarf að endurgreiða

Jerome Kerviel, fyrrverandi verðbréfamiðlari hjá franska bankanum Societé Generale, þarf að endur­greiða bankanum hvorki meira né minna en 4,9 milljarða evra, eða rétt tæplega 760 milljarða króna fyrir hlutdeild sína í fjársvika­myllu, sem er ein sú stærsta sem sögur fara af.

Viðskipti erlent

Axcel hagnast um 280 milljarða á Pandóru

Fjárfestingarsjóðurinn Axcel III hefur hagnast um 14 milljarða danskra kr. eða um 280 milljarða kr. á skráningu skartgripaframleiðandans Pandóru á markað í Kaupmannahöfn í dag. Meðal eigenda Axcel er FIH bankinn og munu bæði Seðlabanki Íslands og skilanefnd Kaupþings njóta góðs af ótrúlegu gengi Pandóru.

Viðskipti erlent

Gullöld tekur við af olíuævintýrinu í Noregi

Ný gullöld, bókstaflega talað, mun taka við af olíuævintýrinu í Noregi þegar olíuna þrýtur undan ströndum landsins. Norsk stjórnvöld hafa ákveðið að verja 100 milljónum norskra kr. eða um 2 milljörðum kr. til gulleitar í norðurhluta landsins á næstu fjórum árum.

Viðskipti erlent

Hótel d‘Angleterre býður upp á innkaupaþræl

Það er yfirleitt ekki á færi neinna nema þeirra ofurríku að hafa sérstakan innkaupaþræl (personal shopper) í þjónustu sinni.Nú hefur lúxushótelið d‘Angleterre í Kaupmannahöfn ákveðið að bjóða gestum sínum upp á þessa þjónustu. Hótelið er komið í eigu skilanefndar Landsbankans eftir gjaldþrot Nordic Partners í fyrra.

Viðskipti erlent

Gengi dollarans heldur áfram að veikjast

Gengi Bandaríkjadollars lækkaði í gær gagnvart öllum helstu myntum og í kjölfarið fór dollarinn niður fyrir 113 krónur. Dollarinn kostar nú þegar þetta er ritað 112,51 kr. og hefur ekki kostað svo lítið síðan í febrúar á síðasta ári.

Viðskipti erlent

Reyndur sérfræðingur ráðinn í tiltektina á Eik Banki

Bankaumsýsla Danmerkur, Finansiel Stabilitet, hefur ráðið hinn reynda bankasérfræðing Jörn Astrup Hansen til þess að stjórna tiltektinni sem framundan er hjá Eik Banki. Hansen er m.a. sérfræðingur í efnahagsmálum á Íslandi og í Færeyjum en hann skrifaði viðauka í skýrslu Rannsóknarnefndar Alþings um bankahrunið hér á landi.

Viðskipti erlent

EIK Banki fær vikufrest til viðbótar

Skilanefnd Kaupþings var reiðubúin til að leggja færeyska Eik bankanum til sem svarar tólf milljörðum íslenskra króna, og færeyska tryggingafélagið TF Holding vildi leggja fram sem svarar átta milljörðum íslenskra króna til að verja færeyska hluta Eik banka falli.

Viðskipti erlent

Björgun Eik Banki í Færeyjum komin í uppnám

Dönsk stjórnvöld hafa hafnað hugmyndum Færeyinga um hvernig standa eigi að björgun Eik Banki í Færeyjum. Þar með er málið allt komið í uppnám og líkur aukast á því að bæði Eik Banki og Eik Bank, dótturbankinn í Danmörku lendi, í höndum bankaumsýslu Danmerkur (Finansiel Stabilitet).

Viðskipti erlent

Notuðu hundruðir milljarða til að veikja jenið

Fjármálaráðuneyti Japans upplýsti í dag að það hefði notað sem samsvarar nær 300 milljörðum kr. í þessum mánuði til þess að koma í veg fyrir mikla styrkingu á gengi jensins. Ráðuneytið seldi jen fyrir þessa upphæð og keypti dollara í staðinn.

Viðskipti erlent

Örlög Eik Banki ráðast í dag

Joannes Eidesgaard fjármálaráðherra Færeyja segir að hann sé sannfærður um að Eik Bank, dótturbanka Eik Banki í Danmörku, muni brátt verða lokað. Eidesgaard stjórnar nú viðræðum um framtíð Eik Banki en búist er við niðurstöðu í dag.

Viðskipti erlent

ESB: Ábyrgjast allt að fjórðungi láns

Íslenskir bankar hafa ekki enn sýnt áhuga á áætlun Evrópusambandsins (ESB) þar sem boðin er trygging á hluta lántöku smærri og meðalstórra fyrirtækja. Samkeppnis- og nýsköpunaráætlun sambandsins er til umræðu á ráðstefnu á Grand Hótel Reykjavík í dag. Smá og meðalstór fyrirtæki teljast þau sem eru með minna en 250 starfsmenn og velta innan við 50 milljónum evra (rúmum 7,7 milljörðum króna).

Viðskipti erlent

Mesta velta í sögu Porsche bílaframleiðandans

Bílar með merkinu Porsche seljast svo vel að bílaframleiðandinn skilaði mestu veltu í sögu sinni á síðasta reikningsári hans sem lauk í lok júlí. Veltan jókst um tæp 18% milli ára og nam tæpum 7,8 milljörðum evra eða um 1.200 milljörðum kr.

Viðskipti erlent

Mest lesið