Mótmælafundur á Austurvelli

Eftir tæpa klukkustund, eða klukkan fjögur, hefst mótmælafundur Heimilis og skóla á Austurvelli þar sem verkfalli grunnskólakennara verður mótmælt og hvetja samtökin foreldra og börn til að mæta. Stutt ávörp verða flutt, söngvar sungnir og ljóð um börn lesin upp. Að því loknu verður gengið að Tjörninni þar sem kertum verður fleytt í mótmælaskyni við verkfallið. Næsti fundur í kjaradeilu grunnskólakennara og sveitarfélaganna verður hjá ríkissáttasemjara klukkan átta í fyrramálið.