Vestur-Íslendingar og fræðsla 26. október 2004 00:01 Afkomendur Íslendinga í hinum vestræna heimi eru ófáir og á hverju ári leggja Íslendingar land undir fót til að heimsækja ættingja sína sem hafa tekið Norður-Ameríku fram yfir Ísland. Í bráðum fimm ár hefur Þjóðræknisfélag Íslendinga staðið fyrir námskeiðum um vesturfarana og síðustu þrjú ár hafa verið farnar skipulagðar ferðir til Norður-Ameríku í tengslum við námskeiðin. "Við hjá Þjóðræknisfélaginu leggjum mikla áherslu á að tengja saman fræðslu og ferðir. Við undirbúum fólk í ferðir með því að halda námskeið og fræðslufundi út um allt land," segir Jónas Þór, sagnfræðingur og formaður ferða- og fræðslunefndar Þjóðræknisfélags Íslendinga sem sér einnig um námskeiðin og ferðirnar. Nú stendur yfir námskeið um vesturfarir í Gerðubergi og er það út október. Alls eru námskeiðin átta vikur og kosta tíu þúsund krónur. Næsta námskeið hefst 1. febrúar á næsta ári og í kjölfarið fylgja þrjár ferðir til Vesturheims. "Fyrsta ferðin er frá 20. júní til 7. júlí og hún er farin til Utah í Bandaríkjunum. Sú ferð er farin vegna þess að 150 ár eru liðin síðan fyrstu íslensku mormónarnir fluttu til Utah. Þar af leiðandi er mikil hátíð í Spanish Fork. Einnig förum við til Utah til að skoða landslagið en það er algjörlega magnað. Önnur ferðin er 3. júlí til 15. júlí og er ferðinni heitið til Vestur-Kanada. Þá er farið um Íslendingabyggðir í Saskatchewan, áfram til Alberta þar sem við skoðum meðal annars hús Stephans G. Stephanssonar og Klettafjöllin. Þriðja og síðasta ferðin er svokölluð sögu- og Íslendingadagsferð frá 25. júlí til 5. ágúst. Þá er farið á elstu landsnámssvæði Íslendinga í Bandaríkjunum og Manitoba. Einnig er farið á Íslendingahátíð í Mountain í Norður-Dakóta og á Gimli í Manitoba." Nóg er gert til að undirbúa ferðalangana og sérstakir fræðslufundir eru haldnir á miðjum vetri. "Við förum bæði til Akureyrar og Vopnafjarðar og höldum dagsnámskeið. Síðan er sérstök ferð á Vesturfarasetrið á Hofsósi því það er skylda allra vesturfara nútímans að skoða það merkilega setur. Fræðslufundirnir eru á laugardögum og er nauðsynlegur undirbúningur fyrir verðandi vesturfara," segir Jónas Þór en einnig er haldinn rækilegur kynningarfundur um viku fyrir brottför. Hvert ferðalag er um tólf dagar og er verðið á bilinu 140 til 150 þúsund. Innifalið í því er flug báðar leiðir og innanlandsflug ef með þarf, gisting, rútuferðir, morgunmatur, fararstjórn og ferð á Vesturfarasetrið á Hofsósi. Ferðirnar eru skipulagðar í samráði við heimamenn á hverjum stað sem skipuleggja skoðunarferðir og fá afkomendur Íslendinga með í ferð. "Þjóðræknisfélagið leggur mikla áherslu á að efla tengsl Vesturheims við Ísland. Á næstunni ætlum við að skipuleggja ferðir á alla staði þar sem Íslendingar búa. Fólk getur líka farið í ferð án þess að sækja námskeiðin og öfugt," segir Jónas Þór en oft hefur komið fyrir að fólk hefur fundið ættingja sína í þessum ferðum. "Nemendur á námskeiðinu finna oft ættingja áður en þeir leggja í ferðina og við hjálpum þeim við það. Síðan eru iðulega samsæti að endingu með afkomendum Íslendinga í ferðalögunum og þá koma oft í ljós áður óþekkt tengsl. Þá verða ávallt miklir fagnaðarfundir." Nánari upplýsingar um ferðirnar og námskeiðin er á vefsíðunni inl.is og hjá Jónasi Þór í síma 554 1680 og í tölvupósti jtor@mmedia.is.Hér stillir hópurinn sér upp hjá styttu af Jóni Sigurðssyni í ferð til Manitoba og Minnesota sem farin var í fyrra. FleiriHér er hópurinn á slóðum Stephans G. Stephanssonar, skálds, í ferð til Wisconsin og Norður-Dakóta sem farin var í fyrra. Nám Mest lesið Myndaveisla frá stjörnufans og gleðinni í Víðidal Lífið Brat Pitt í mynd um Formúlu 1 í framleiðslu Hamilton Bíó og sjónvarp „Þetta er enginn helvítis félagskvíði, það bara þolir mig enginn“ Áskorun Setti sér markmið og hóf veitingarekstur átján ára Lífið Högni og Snæfríður eignuðust stúlku Lífið Ólafía Hrönn reyndist vera á bak við „stóra pokamálið“ Lífið Sauð upp úr í stjörnufansi á golfmóti Coolbet Lífið Kvikmyndastjarna slær í gegn á Landsmóti hestamanna Lífið Biden móment hjá Nick Cave í Eldborg Lífið Júlía Margrét gengin út Lífið Fleiri fréttir Fjöldamet á stærstu listasýningu í sögu Hornafjarðar „Hluti af heild sem við skiljum ekki“ Magnús Geir endurráðinn þjóðleikhússtjóri „Ef ég væri einmana myndi ég ganga í Sjálfstæðisflokkinn“ Myndaveisla: Níu líf of stórkostleg fyrir eftirsjá Þau eru tilnefnd til Ísnálarinnar í ár Hvað eigum við að kalla eiginmann forseta? Sjá meira
Afkomendur Íslendinga í hinum vestræna heimi eru ófáir og á hverju ári leggja Íslendingar land undir fót til að heimsækja ættingja sína sem hafa tekið Norður-Ameríku fram yfir Ísland. Í bráðum fimm ár hefur Þjóðræknisfélag Íslendinga staðið fyrir námskeiðum um vesturfarana og síðustu þrjú ár hafa verið farnar skipulagðar ferðir til Norður-Ameríku í tengslum við námskeiðin. "Við hjá Þjóðræknisfélaginu leggjum mikla áherslu á að tengja saman fræðslu og ferðir. Við undirbúum fólk í ferðir með því að halda námskeið og fræðslufundi út um allt land," segir Jónas Þór, sagnfræðingur og formaður ferða- og fræðslunefndar Þjóðræknisfélags Íslendinga sem sér einnig um námskeiðin og ferðirnar. Nú stendur yfir námskeið um vesturfarir í Gerðubergi og er það út október. Alls eru námskeiðin átta vikur og kosta tíu þúsund krónur. Næsta námskeið hefst 1. febrúar á næsta ári og í kjölfarið fylgja þrjár ferðir til Vesturheims. "Fyrsta ferðin er frá 20. júní til 7. júlí og hún er farin til Utah í Bandaríkjunum. Sú ferð er farin vegna þess að 150 ár eru liðin síðan fyrstu íslensku mormónarnir fluttu til Utah. Þar af leiðandi er mikil hátíð í Spanish Fork. Einnig förum við til Utah til að skoða landslagið en það er algjörlega magnað. Önnur ferðin er 3. júlí til 15. júlí og er ferðinni heitið til Vestur-Kanada. Þá er farið um Íslendingabyggðir í Saskatchewan, áfram til Alberta þar sem við skoðum meðal annars hús Stephans G. Stephanssonar og Klettafjöllin. Þriðja og síðasta ferðin er svokölluð sögu- og Íslendingadagsferð frá 25. júlí til 5. ágúst. Þá er farið á elstu landsnámssvæði Íslendinga í Bandaríkjunum og Manitoba. Einnig er farið á Íslendingahátíð í Mountain í Norður-Dakóta og á Gimli í Manitoba." Nóg er gert til að undirbúa ferðalangana og sérstakir fræðslufundir eru haldnir á miðjum vetri. "Við förum bæði til Akureyrar og Vopnafjarðar og höldum dagsnámskeið. Síðan er sérstök ferð á Vesturfarasetrið á Hofsósi því það er skylda allra vesturfara nútímans að skoða það merkilega setur. Fræðslufundirnir eru á laugardögum og er nauðsynlegur undirbúningur fyrir verðandi vesturfara," segir Jónas Þór en einnig er haldinn rækilegur kynningarfundur um viku fyrir brottför. Hvert ferðalag er um tólf dagar og er verðið á bilinu 140 til 150 þúsund. Innifalið í því er flug báðar leiðir og innanlandsflug ef með þarf, gisting, rútuferðir, morgunmatur, fararstjórn og ferð á Vesturfarasetrið á Hofsósi. Ferðirnar eru skipulagðar í samráði við heimamenn á hverjum stað sem skipuleggja skoðunarferðir og fá afkomendur Íslendinga með í ferð. "Þjóðræknisfélagið leggur mikla áherslu á að efla tengsl Vesturheims við Ísland. Á næstunni ætlum við að skipuleggja ferðir á alla staði þar sem Íslendingar búa. Fólk getur líka farið í ferð án þess að sækja námskeiðin og öfugt," segir Jónas Þór en oft hefur komið fyrir að fólk hefur fundið ættingja sína í þessum ferðum. "Nemendur á námskeiðinu finna oft ættingja áður en þeir leggja í ferðina og við hjálpum þeim við það. Síðan eru iðulega samsæti að endingu með afkomendum Íslendinga í ferðalögunum og þá koma oft í ljós áður óþekkt tengsl. Þá verða ávallt miklir fagnaðarfundir." Nánari upplýsingar um ferðirnar og námskeiðin er á vefsíðunni inl.is og hjá Jónasi Þór í síma 554 1680 og í tölvupósti jtor@mmedia.is.Hér stillir hópurinn sér upp hjá styttu af Jóni Sigurðssyni í ferð til Manitoba og Minnesota sem farin var í fyrra. FleiriHér er hópurinn á slóðum Stephans G. Stephanssonar, skálds, í ferð til Wisconsin og Norður-Dakóta sem farin var í fyrra.
Nám Mest lesið Myndaveisla frá stjörnufans og gleðinni í Víðidal Lífið Brat Pitt í mynd um Formúlu 1 í framleiðslu Hamilton Bíó og sjónvarp „Þetta er enginn helvítis félagskvíði, það bara þolir mig enginn“ Áskorun Setti sér markmið og hóf veitingarekstur átján ára Lífið Högni og Snæfríður eignuðust stúlku Lífið Ólafía Hrönn reyndist vera á bak við „stóra pokamálið“ Lífið Sauð upp úr í stjörnufansi á golfmóti Coolbet Lífið Kvikmyndastjarna slær í gegn á Landsmóti hestamanna Lífið Biden móment hjá Nick Cave í Eldborg Lífið Júlía Margrét gengin út Lífið Fleiri fréttir Fjöldamet á stærstu listasýningu í sögu Hornafjarðar „Hluti af heild sem við skiljum ekki“ Magnús Geir endurráðinn þjóðleikhússtjóri „Ef ég væri einmana myndi ég ganga í Sjálfstæðisflokkinn“ Myndaveisla: Níu líf of stórkostleg fyrir eftirsjá Þau eru tilnefnd til Ísnálarinnar í ár Hvað eigum við að kalla eiginmann forseta? Sjá meira