Skólastjórar sáttir

Samningur skólastjóra byggir á sama grunni og sá samningur sem samninganefnd þeirra hafði áður samþykkt, en með lagfæringum, segir Sigfús Grétarsson, formaður samninganefndar Skólastjórafélags Íslands. Sigfús segir launahækkanir skólastjóra þær sömu og grunnskólakennaranna. Hann vildi að öðru leyti ekki tjá sig um breytingarnar: "Ég vil að samningurinn fari fyrst í kynningu til okkar félagsmanna og svo komum við til með að skýra út hvað í honum felst."