Flugprófið í höfn á undan bílprófi 29. desember 2004 00:01 "Ég er á leið í Flugskóla í Oxford eftir áramót og reikna með að námið taki tæpt ár og svo geta prófin sjálf tekið hátt í ár í viðbót," segir Hildur Kristín, sem lauk einkaflugmannsprófi meðfram stúdentsprófi fyrir ári. Sólóprófinu lauk hún hins vegar þegar hún var nýorðin sextán ára. "Ég var með sólópróf á litla flugvél löngu áður en ég fékk bílprófið," segir hún hlæjandi. Hildur Kristín segir að konur sæki í auknum mæli í flugnám, sem sé auðvitað hið besta mál. "Ég hef nú ekki tölur yfir hvað við erum margar, en okkur fjölgar." Það má heita merkilegt að stelpan sem er með einkaflugmannspróf og stefnir nú í atvinnuflugmanninn finnur stundum fyrir flughræðslu. "Það gerðist eiginlega ekki fyrr en eftir að ég byrjaði í náminu," segir hún. "Það eru allskonar hljóð í vélunum sem geta skotið manni skelk í bringu, en aldrei alvarlega. Kennararnir í Flugskóla Íslands eru líka svo æðislegir og útskýra fyrir manni gang mála þannig að maður verður strax pollrólegur." Eftir stúdentsprófið og einkaflugmanninn hélt Hildur Kristín til London til að vinna þangað til hún byrjar í skólanum í Oxford. "Ég er að vinna í fjármálahverfinu í London við móttöku í meðlimaklúbbi þar sem eru veitingastaðir og barir. Jú, þetta er ægilega fínt lið," svarar hún hlæjandi. "Ég er meira að segja með lífverði á staðnum." Hildur Kristín segist hafa orðið ástfangin af London þegar hún kom þangaði í helgarferð fyrir nokkrum árum og hlakkar ofboðslega til að hefja nám í Oxford. "Ég er heilluð af öllu sem er breskt og finnst Oxford óstjórnlega spennandi. Svo er bara að ljúka námi og kannski að eignast sitt eigið flugfélag," segir hún skellihlæjandi að lokum. Nám Mest lesið Myndaveisla frá stjörnufans og gleðinni í Víðidal Lífið Brat Pitt í mynd um Formúlu 1 í framleiðslu Hamilton Bíó og sjónvarp „Þetta er enginn helvítis félagskvíði, það bara þolir mig enginn“ Áskorun Setti sér markmið og hóf veitingarekstur átján ára Lífið Högni og Snæfríður eignuðust stúlku Lífið Ólafía Hrönn reyndist vera á bak við „stóra pokamálið“ Lífið Sauð upp úr í stjörnufansi á golfmóti Coolbet Lífið Kvikmyndastjarna slær í gegn á Landsmóti hestamanna Lífið Biden móment hjá Nick Cave í Eldborg Lífið Júlía Margrét gengin út Lífið Fleiri fréttir Fjöldamet á stærstu listasýningu í sögu Hornafjarðar „Hluti af heild sem við skiljum ekki“ Magnús Geir endurráðinn þjóðleikhússtjóri „Ef ég væri einmana myndi ég ganga í Sjálfstæðisflokkinn“ Myndaveisla: Níu líf of stórkostleg fyrir eftirsjá Þau eru tilnefnd til Ísnálarinnar í ár Hvað eigum við að kalla eiginmann forseta? Sjá meira
"Ég er á leið í Flugskóla í Oxford eftir áramót og reikna með að námið taki tæpt ár og svo geta prófin sjálf tekið hátt í ár í viðbót," segir Hildur Kristín, sem lauk einkaflugmannsprófi meðfram stúdentsprófi fyrir ári. Sólóprófinu lauk hún hins vegar þegar hún var nýorðin sextán ára. "Ég var með sólópróf á litla flugvél löngu áður en ég fékk bílprófið," segir hún hlæjandi. Hildur Kristín segir að konur sæki í auknum mæli í flugnám, sem sé auðvitað hið besta mál. "Ég hef nú ekki tölur yfir hvað við erum margar, en okkur fjölgar." Það má heita merkilegt að stelpan sem er með einkaflugmannspróf og stefnir nú í atvinnuflugmanninn finnur stundum fyrir flughræðslu. "Það gerðist eiginlega ekki fyrr en eftir að ég byrjaði í náminu," segir hún. "Það eru allskonar hljóð í vélunum sem geta skotið manni skelk í bringu, en aldrei alvarlega. Kennararnir í Flugskóla Íslands eru líka svo æðislegir og útskýra fyrir manni gang mála þannig að maður verður strax pollrólegur." Eftir stúdentsprófið og einkaflugmanninn hélt Hildur Kristín til London til að vinna þangað til hún byrjar í skólanum í Oxford. "Ég er að vinna í fjármálahverfinu í London við móttöku í meðlimaklúbbi þar sem eru veitingastaðir og barir. Jú, þetta er ægilega fínt lið," svarar hún hlæjandi. "Ég er meira að segja með lífverði á staðnum." Hildur Kristín segist hafa orðið ástfangin af London þegar hún kom þangaði í helgarferð fyrir nokkrum árum og hlakkar ofboðslega til að hefja nám í Oxford. "Ég er heilluð af öllu sem er breskt og finnst Oxford óstjórnlega spennandi. Svo er bara að ljúka námi og kannski að eignast sitt eigið flugfélag," segir hún skellihlæjandi að lokum.
Nám Mest lesið Myndaveisla frá stjörnufans og gleðinni í Víðidal Lífið Brat Pitt í mynd um Formúlu 1 í framleiðslu Hamilton Bíó og sjónvarp „Þetta er enginn helvítis félagskvíði, það bara þolir mig enginn“ Áskorun Setti sér markmið og hóf veitingarekstur átján ára Lífið Högni og Snæfríður eignuðust stúlku Lífið Ólafía Hrönn reyndist vera á bak við „stóra pokamálið“ Lífið Sauð upp úr í stjörnufansi á golfmóti Coolbet Lífið Kvikmyndastjarna slær í gegn á Landsmóti hestamanna Lífið Biden móment hjá Nick Cave í Eldborg Lífið Júlía Margrét gengin út Lífið Fleiri fréttir Fjöldamet á stærstu listasýningu í sögu Hornafjarðar „Hluti af heild sem við skiljum ekki“ Magnús Geir endurráðinn þjóðleikhússtjóri „Ef ég væri einmana myndi ég ganga í Sjálfstæðisflokkinn“ Myndaveisla: Níu líf of stórkostleg fyrir eftirsjá Þau eru tilnefnd til Ísnálarinnar í ár Hvað eigum við að kalla eiginmann forseta? Sjá meira