ÍBR á móti sameiningunni

Stjórn Íþróttabandalags Reykjavíkur og forysta íþróttafélaganna í Reykjavík leggjast gegn því að málaflokkurinn íþrótta- og tómstundamál verði sameinaður menningarmálum í tengslum við stjórnkerfisbreytingar hjá Reykjavíkurborg. Í erindi til borgarráðs lýsir íþróttahreyfingin í borginni þungum áhyggjum af þessum fyrirætlunum og hvetur til þess að ekki komi til skerðing á sjálfstæði Íþrótta- og tómstundaráðs og að staðinn verði vörður um starfsemi þess.