Björgunarsveitir kallaðar út

Átta hópar björgunarsveitarmanna frá Slysavarnarfélaginu Landsbjörgu voru kallaðir út á höfuðborgarsvæðinu í gær vegna óveðursins sem gekk yfir. Óskað var eftir aðstoð eftir að þakplötur og lausir munir byrjuðu að fjúka og gátu valdið hættu og skemmdum. Mjög hvasst var í Reykjavík og frá því um miðjan dag í gær bárust um tuttugu beiðnir um aðstoð vegna óveðursins. Ekkert teljandi tjón virðist þó hafa orðið en starfi björgunarsveitanna var lokið á níunda tímanum í gærkvöldi.