Ráðherrarnir hans Davíðs 10. september 2004 00:01 Davíð Oddsson, formaður Sjálfstæðisflokksins, hefur verið lengur í forsæti ríkisstjórnar Íslands en nokkur annar. Hann varð forsætisráðherra 30. apríl 1991 er hann myndaði ríkisstjórn með Alþýðuflokki en síðustu þrjú kjörtímabil vann hann með framsóknarmönnum. Alls sátu 29 ráðherrar í ríkisstjórnum Davíðs. Tólf þessara manna eru horfnir til annarra starfa en sautján sitja enn á þingi. Tíu af þessum tólf gegna eða gegndu störfum sem ráðherrar eða aðrir stjórnmálamenn skipa eða ráða í. Konur í ráðuneytum Davíðs eru í dágóðum minnihluta, sjö á móti tuttugu og tveimur körlum. Tvær þeirra hafa komið úr hans eigin flokki. 1991-1995 Í fyrstu ríkisstjórn Davíðs sátu, auk hans, Friðrik Sophusson, Halldór Blöndal, Ólafur G. Einarsson og Þorsteinn Pálsson fyrir Sjálfstæðisflokk. Fyrir Alþýðuflokk sátu í fyrstu Eiður Guðnason, Jóhanna Sigurðardóttir, Jón Baldvin Hannibalsson, Jón Sigurðsson og Sighvatur Björgvinsson. Á miðju kjörtímabili létu Eiður og Jón Sigurðsson af þingmennsku. Eiður varð sendiherra og Jón Seðlabankastjóri. Í þeirra stað tóku Guðmundur Árni Stefánsson og Össur Skarphéðinsson sæti í stjórninni. Síðar sagði Guðmundur Árni af sér embætti og varð Rannveig Guðmundsdóttir ráðherra í hans stað. Áður hafði Jóhanna hætt í ríkisstjórn. 1995-1999 Í annarri stjórn Davíðs var ráðherraskipan sjálfstæðismanna með svipuðum hætti og verið hafði kjörtímabilið á undan, utan hvað Björn Bjarnason kom inn í stjórnina í stað Ólafs G. Einarssonar sem varð forseti Alþingis. Þegar ár lifði af tímabilinu var Geir Haarde skipaður fjármálaráðherra en Friðrik Sophusson varð almennur þingmaður þar til hann var ráðinn forstjóri Landsvirkjunar skömmu síðar. Fyrir Framsóknarflokkinn settust í stjórnina þau Halldór Ásgrímsson, Finnur Ingólfsson, Guðmundur Bjarnason, Ingibjörg Pálmadóttir og Páll Pétursson. 1999-2003 Nokkrar breytingar urðu á ráðherraliði Sjálfstæðisflokks við upphaf þriðja kjörtímabils Davíðs. Þorsteinn Pálsson varð sendiherra og Halldór Blöndal forseti þingsins en um leið var fjölgað um einn ráðherrastól hjá hvorum flokki, úr fimm í sex. Nýir ráðherrar Sjálfstæðisflokksins urðu Árni Mathiesen, Sólveig Pétursdóttir og Sturla Böðvarsson. Síðar á kjörtímabilinu einbeitti Björn Bjarnason sér að framboði til borgarstjórnar Reykjavíkur og varð Tómas Ingi Olrich ráðherra í hans stað. Sú breyting varð Framsóknarmegin að Guðmundur Bjarnason varð forstjóri Íbúðalánasjóðs en Guðni Ágústsson og Siv Friðleifsdóttir komu ný inn í stjórnina. Þegar stutt var liðið á kjörtímabilið varð Finnur Ingólfsson Seðlabankastjóri og var Valgerður Sverrisdóttir valin í stjórnina í hans stað. Enn síðar hætti Ingibjörg Pálmadóttir í stjórnmálum og Jón Kristjánsson varð ráðherra. 2003-2004 Á kjörtímabilinu sem nú stendur urðu enn breytingar. Björn kom inn í stjórnina á ný í stað Sólveigar, sem í fyrstu er óbreyttur þingmaður en verður síðar þingforseti. Um áramótin steig svo Tómas Ingi Olrich úr ráðherrastóli til að verða sendiherra og tók Þorgerður Katrín Gunnarsdóttir við af honum. Árni Magnússon varð ráðherra fyrir Framsóknarflokkinn en Páll Pétursson hætti í stjórnmálum. Kunn er svo Sivjar saga Friðleifsdóttur. Hætt - farin Séu afdrif samráðherra Davíðs Oddssonar í forsætisráðherratíð hans dregin saman kemur eftirfarandi í ljós. Fjórir eru sendiherrar, þeir Eiður Guðnason, Jón Baldvin Hannibalsson, Tómas Ingi Olrich og Þorsteinn Pálsson. Jón Sigurðsson og Finnur Ingólfsson voru skipaðir Seðlabankastjórar en hurfu frá embættum sínum síðar. Þrír eru forstjórar hjá opinberum fyrirtækjum eða stofnunum; Friðrik Sophusson í Landsvirkjun, Guðmundur Bjarnason í Íbúðalánasjóði og Sighvatur Björgvinsson í Þróunarsamvinnustofnun Íslands. Ólafur G. Einarsson er formaður bankaráðs Seðlabanka. Ingibjörg Pálmadóttir og Páll Pétursson starfa ekki á vegum hins opinbera. Enn í pólitík Sautján sitja enn á þingi, þar af eru sjö utan ríkisstjórnar og af þeim hópi eru fjórir stjórnarandstöðuþingmenn. Það eru Guðmundur Árni Stefánsson, Jóhanna Sigurðardóttir, Rannveig Guðmundsdóttir og Össur Skarphéðinsson. Þrír stjórnarliðar sem áður sátu í ríkisstjórn eru nú utan hennar; þau Halldór Blöndal, Siv Friðleifsdóttir og Sólveig Pétursdóttir. Tíu sitja enn í stjórn og er það ríkisstjórnin eins og hún leggur sig nú utan Sigríðar Önnu Þórðardóttur sem ekki varð ráðherra í forsætisráðherratíð Davíðs. Hans var þó ákvörðunin um ráðherradóm Sigríðar Önnu. Lengst og skemmst með Davíð Halldór Ásgrímsson er sá ráðherra sem lengst hefur setið í ríkisstjórnum Davíðs Oddssonar. Hann varð utanríkisráðherra í stjórninni sem tók við völdum í apríl 1995 og hefur því setið undir hans forsæti í níu ár og fimm mánuði. Björn Bjarnason er næstur á listanum en samtals hefur hann verið í ríkisstjórn í átta ár og þrjá mánuði. Þorsteinn Pálsson og Páll Pétursson koma næstir og þar á eftir Friðrik Sophusson. Rannveig Guðmundsdóttir er hins vegar sá ráðherra sem sat skemmst í ríkisstjórnum Davíðs, einungis rúma fimm mánuði. Þorgerður Katrín kemur næst með tæplega níu mánaða setu, þá Árni Magnússon, Guðmundur Árni Stefánsson og Tómas Ingi Olrich. Stj.mál Mest lesið Sagður hafa nauðgað konu fyrir níu árum Innlent Mættur í Samfylkinguna Innlent Færri ánægðir með Höllu en Guðna og Ólaf Ragnar Innlent Brynjar ákærður fyrir að brjóta á fleiri stúlkum Innlent Ítalía tekur aftur upp agaviðurlög frá tíma Mussolini Erlent Ekkert gert til að gera nikótínpúða jafn óaðlaðandi og sígarettur Innlent Hefur þrisvar komið að 13 ára syni sínum meðvitundarlausum Innlent Einn stærsti fellibylur síðustu hundrað ára veldur usla í Flórída Erlent Nýjasti kafbátur Kínverja sökk við bryggju Erlent Grunur um að fiskar úr landeldi hafi komist í sjó Innlent Fleiri fréttir Fluttur með þyrlu eftir bílveltu á Snæfellsnesi Ríkisstjórnin sameini það versta frá bæði vinstri og hægri „Íslenska vegakerfið er líklega hættulegasti ferðamannastaður landsins“ Starfshópur skipaður vegna slysa hjá ferðamönnum Veitingastaður ber ekki ábyrgð á hnefahöggi starfsmanns Má ekki eyða myndböndum sem mátti ekki taka Laxalúsin sækir í sig veðrið fyrir vestan Grunur um að fiskar úr landeldi hafi komist í sjó Færri ánægðir með Höllu en Guðna og Ólaf Ragnar Mættur í Samfylkinguna Sagður hafa nauðgað konu fyrir níu árum Ekkert gert til að gera nikótínpúða jafn óaðlaðandi og sígarettur Matvælastofnun kærði tvo búfjáreigendur til lögreglu Einn af 103 ökumönnum reyndist yfir mörkum Segir Vinstri græn ekki styðja frekari breytingar á útlendingalögum Brynjar ákærður fyrir að brjóta á fleiri stúlkum Samherjaskipstjórinn segir málinu ekki lokið Líklega verði flett ofan af fleirum í rannsókn á brotum Diddy Hvers vegna er skiltið í Kúrlandi svo hátt uppi? Rannsókn lögreglu haft kælingaráhrif á alla blaðamannastéttina Um 100 þúsund fjár slátrað á Selfossi Hefur þrisvar komið að 13 ára syni sínum meðvitundarlausum Hamra járnið meðan það er heitt í mansalsmálum Bein útsending: Upplýsingafundur með íbúum Voga vegna jarðhræringa Nemandinn sem stakk Ingunni áfrýjar dómi Ráðþrota móðir, umtöluð rannsókn og skiltaþjófnaður Fagnar niðurstöðunni en lýsir yfir þungum áhyggjum „Þetta má aldrei gerast aftur“ Hissa ef tillaga um stjórnarslit hefði ekki komið fram Sextán ára dómur fyrir manndráp í Drangahrauni stendur Sjá meira
Davíð Oddsson, formaður Sjálfstæðisflokksins, hefur verið lengur í forsæti ríkisstjórnar Íslands en nokkur annar. Hann varð forsætisráðherra 30. apríl 1991 er hann myndaði ríkisstjórn með Alþýðuflokki en síðustu þrjú kjörtímabil vann hann með framsóknarmönnum. Alls sátu 29 ráðherrar í ríkisstjórnum Davíðs. Tólf þessara manna eru horfnir til annarra starfa en sautján sitja enn á þingi. Tíu af þessum tólf gegna eða gegndu störfum sem ráðherrar eða aðrir stjórnmálamenn skipa eða ráða í. Konur í ráðuneytum Davíðs eru í dágóðum minnihluta, sjö á móti tuttugu og tveimur körlum. Tvær þeirra hafa komið úr hans eigin flokki. 1991-1995 Í fyrstu ríkisstjórn Davíðs sátu, auk hans, Friðrik Sophusson, Halldór Blöndal, Ólafur G. Einarsson og Þorsteinn Pálsson fyrir Sjálfstæðisflokk. Fyrir Alþýðuflokk sátu í fyrstu Eiður Guðnason, Jóhanna Sigurðardóttir, Jón Baldvin Hannibalsson, Jón Sigurðsson og Sighvatur Björgvinsson. Á miðju kjörtímabili létu Eiður og Jón Sigurðsson af þingmennsku. Eiður varð sendiherra og Jón Seðlabankastjóri. Í þeirra stað tóku Guðmundur Árni Stefánsson og Össur Skarphéðinsson sæti í stjórninni. Síðar sagði Guðmundur Árni af sér embætti og varð Rannveig Guðmundsdóttir ráðherra í hans stað. Áður hafði Jóhanna hætt í ríkisstjórn. 1995-1999 Í annarri stjórn Davíðs var ráðherraskipan sjálfstæðismanna með svipuðum hætti og verið hafði kjörtímabilið á undan, utan hvað Björn Bjarnason kom inn í stjórnina í stað Ólafs G. Einarssonar sem varð forseti Alþingis. Þegar ár lifði af tímabilinu var Geir Haarde skipaður fjármálaráðherra en Friðrik Sophusson varð almennur þingmaður þar til hann var ráðinn forstjóri Landsvirkjunar skömmu síðar. Fyrir Framsóknarflokkinn settust í stjórnina þau Halldór Ásgrímsson, Finnur Ingólfsson, Guðmundur Bjarnason, Ingibjörg Pálmadóttir og Páll Pétursson. 1999-2003 Nokkrar breytingar urðu á ráðherraliði Sjálfstæðisflokks við upphaf þriðja kjörtímabils Davíðs. Þorsteinn Pálsson varð sendiherra og Halldór Blöndal forseti þingsins en um leið var fjölgað um einn ráðherrastól hjá hvorum flokki, úr fimm í sex. Nýir ráðherrar Sjálfstæðisflokksins urðu Árni Mathiesen, Sólveig Pétursdóttir og Sturla Böðvarsson. Síðar á kjörtímabilinu einbeitti Björn Bjarnason sér að framboði til borgarstjórnar Reykjavíkur og varð Tómas Ingi Olrich ráðherra í hans stað. Sú breyting varð Framsóknarmegin að Guðmundur Bjarnason varð forstjóri Íbúðalánasjóðs en Guðni Ágústsson og Siv Friðleifsdóttir komu ný inn í stjórnina. Þegar stutt var liðið á kjörtímabilið varð Finnur Ingólfsson Seðlabankastjóri og var Valgerður Sverrisdóttir valin í stjórnina í hans stað. Enn síðar hætti Ingibjörg Pálmadóttir í stjórnmálum og Jón Kristjánsson varð ráðherra. 2003-2004 Á kjörtímabilinu sem nú stendur urðu enn breytingar. Björn kom inn í stjórnina á ný í stað Sólveigar, sem í fyrstu er óbreyttur þingmaður en verður síðar þingforseti. Um áramótin steig svo Tómas Ingi Olrich úr ráðherrastóli til að verða sendiherra og tók Þorgerður Katrín Gunnarsdóttir við af honum. Árni Magnússon varð ráðherra fyrir Framsóknarflokkinn en Páll Pétursson hætti í stjórnmálum. Kunn er svo Sivjar saga Friðleifsdóttur. Hætt - farin Séu afdrif samráðherra Davíðs Oddssonar í forsætisráðherratíð hans dregin saman kemur eftirfarandi í ljós. Fjórir eru sendiherrar, þeir Eiður Guðnason, Jón Baldvin Hannibalsson, Tómas Ingi Olrich og Þorsteinn Pálsson. Jón Sigurðsson og Finnur Ingólfsson voru skipaðir Seðlabankastjórar en hurfu frá embættum sínum síðar. Þrír eru forstjórar hjá opinberum fyrirtækjum eða stofnunum; Friðrik Sophusson í Landsvirkjun, Guðmundur Bjarnason í Íbúðalánasjóði og Sighvatur Björgvinsson í Þróunarsamvinnustofnun Íslands. Ólafur G. Einarsson er formaður bankaráðs Seðlabanka. Ingibjörg Pálmadóttir og Páll Pétursson starfa ekki á vegum hins opinbera. Enn í pólitík Sautján sitja enn á þingi, þar af eru sjö utan ríkisstjórnar og af þeim hópi eru fjórir stjórnarandstöðuþingmenn. Það eru Guðmundur Árni Stefánsson, Jóhanna Sigurðardóttir, Rannveig Guðmundsdóttir og Össur Skarphéðinsson. Þrír stjórnarliðar sem áður sátu í ríkisstjórn eru nú utan hennar; þau Halldór Blöndal, Siv Friðleifsdóttir og Sólveig Pétursdóttir. Tíu sitja enn í stjórn og er það ríkisstjórnin eins og hún leggur sig nú utan Sigríðar Önnu Þórðardóttur sem ekki varð ráðherra í forsætisráðherratíð Davíðs. Hans var þó ákvörðunin um ráðherradóm Sigríðar Önnu. Lengst og skemmst með Davíð Halldór Ásgrímsson er sá ráðherra sem lengst hefur setið í ríkisstjórnum Davíðs Oddssonar. Hann varð utanríkisráðherra í stjórninni sem tók við völdum í apríl 1995 og hefur því setið undir hans forsæti í níu ár og fimm mánuði. Björn Bjarnason er næstur á listanum en samtals hefur hann verið í ríkisstjórn í átta ár og þrjá mánuði. Þorsteinn Pálsson og Páll Pétursson koma næstir og þar á eftir Friðrik Sophusson. Rannveig Guðmundsdóttir er hins vegar sá ráðherra sem sat skemmst í ríkisstjórnum Davíðs, einungis rúma fimm mánuði. Þorgerður Katrín kemur næst með tæplega níu mánaða setu, þá Árni Magnússon, Guðmundur Árni Stefánsson og Tómas Ingi Olrich.
Stj.mál Mest lesið Sagður hafa nauðgað konu fyrir níu árum Innlent Mættur í Samfylkinguna Innlent Færri ánægðir með Höllu en Guðna og Ólaf Ragnar Innlent Brynjar ákærður fyrir að brjóta á fleiri stúlkum Innlent Ítalía tekur aftur upp agaviðurlög frá tíma Mussolini Erlent Ekkert gert til að gera nikótínpúða jafn óaðlaðandi og sígarettur Innlent Hefur þrisvar komið að 13 ára syni sínum meðvitundarlausum Innlent Einn stærsti fellibylur síðustu hundrað ára veldur usla í Flórída Erlent Nýjasti kafbátur Kínverja sökk við bryggju Erlent Grunur um að fiskar úr landeldi hafi komist í sjó Innlent Fleiri fréttir Fluttur með þyrlu eftir bílveltu á Snæfellsnesi Ríkisstjórnin sameini það versta frá bæði vinstri og hægri „Íslenska vegakerfið er líklega hættulegasti ferðamannastaður landsins“ Starfshópur skipaður vegna slysa hjá ferðamönnum Veitingastaður ber ekki ábyrgð á hnefahöggi starfsmanns Má ekki eyða myndböndum sem mátti ekki taka Laxalúsin sækir í sig veðrið fyrir vestan Grunur um að fiskar úr landeldi hafi komist í sjó Færri ánægðir með Höllu en Guðna og Ólaf Ragnar Mættur í Samfylkinguna Sagður hafa nauðgað konu fyrir níu árum Ekkert gert til að gera nikótínpúða jafn óaðlaðandi og sígarettur Matvælastofnun kærði tvo búfjáreigendur til lögreglu Einn af 103 ökumönnum reyndist yfir mörkum Segir Vinstri græn ekki styðja frekari breytingar á útlendingalögum Brynjar ákærður fyrir að brjóta á fleiri stúlkum Samherjaskipstjórinn segir málinu ekki lokið Líklega verði flett ofan af fleirum í rannsókn á brotum Diddy Hvers vegna er skiltið í Kúrlandi svo hátt uppi? Rannsókn lögreglu haft kælingaráhrif á alla blaðamannastéttina Um 100 þúsund fjár slátrað á Selfossi Hefur þrisvar komið að 13 ára syni sínum meðvitundarlausum Hamra járnið meðan það er heitt í mansalsmálum Bein útsending: Upplýsingafundur með íbúum Voga vegna jarðhræringa Nemandinn sem stakk Ingunni áfrýjar dómi Ráðþrota móðir, umtöluð rannsókn og skiltaþjófnaður Fagnar niðurstöðunni en lýsir yfir þungum áhyggjum „Þetta má aldrei gerast aftur“ Hissa ef tillaga um stjórnarslit hefði ekki komið fram Sextán ára dómur fyrir manndráp í Drangahrauni stendur Sjá meira