Real komið aftur í gírinn
Real Madrid sigraði nýliða Alaves 3-0 á útivelli í spænsku knattspyrnunni í dag, en þetta var annar sigur liðsins í deildinni á fjórum dögum. Ronaldo skoraði tvö mörk fyrir Real og Guti eitt í blálokin. Real hefur nú hlotið níu stig og er í öðru sæti deildarinnar á eftir Getafe, en Celta Vigo getur farið á toppinn með sigri á Sevilla í kvöld. Barcelona er í sjöunda sæti deildarinnar eftir 4-1 sigur á Betis í gær.
