Miller yfir 25 þúsund stig

Reggie Miler varð í nótt 13. leikmaðurinn í NBA-körfuboltanum til að skora 25 þúsund stig í deildinni þegar hann hann skoraði 21 stig fyrir Indiana í sigri liðsins á San Antonio, 100-93. Þá sigraði Phoenix Charlotte 120-105 og Chicago vann Toronto 94-85. New York bar sigurorð af Boston 107-82, Minnesota sigraði New Orleans 107-102, Philadelphia burstaði Detroit 107- 84, Dallas hafði betur gegn Golden State 109-97 og LA Clippers vann Milwaukee 116-108.