Börnin biðja aldrei um sykur 26. apríl 2005 00:01 Heilsuleikskólinn Urðarhóll í Kópavogi er tæplega 10 ára gamall. Víðs vegar um landið hafa sprottið upp sambærilegir skólar sem fylgja stefnu Urðarhóls þar sem lögð er áherslu á næringu, hreyfingu og listir. "Markmið okkar er að auka gleði og vellíðan barnanna með áherslu á næringu, hreyfingu og listir í gegnum leik," segir Unnur Stefánsdóttir, sem stýrir heilsuleikskólanum Urðarhóli í Kópavogi. Hugmyndafræðina á bak við leikskólann þróaði hún ásamt samstarfsfólki sínu en Unnur er sjálf mikil íþróttakona. "Til þess að leggja meiri áherslu á þessa þætti erum við með næringarráðagjafa sem gefur ráð um matseðla og við erum með fagstjóra í íþróttum og hreyfingu sem kennir íþróttir alla daga en hvert barn fer í íþróttatíma tvisvar í viku auk gönguferða og útivistar. Auk þess erum við með listakennara sem sjá um listnámið," segir Unnur. Í leikskólanun er íþróttasalur sem er sérstaklega útbúinn fyrir börn á leikskólaaldri og þar eru íþróttir stundaðar daglega. "Börnin elska íþróttatímana og geta varla verið veik heima ef þau eiga að fara í íþróttir þann daginn," segir Unnur og hlær. Auk hreyfingar er lögð áhersla á hollt og gott mataræði og segir Unnur það ganga vel að kenna börnunum að borða hollan og næringarríkan mat. "Þau læra að borða grænmeti og baunarétti og hjá sumum tekur það tíma en þessi eldri eru góð fyrirmynd. Það geta allir lært þetta og börnin biðja aldrei um sykur eða sætabrauð," segir Unnur. "Við finnum fyrir mikilli ánægju frá foreldrum með skólann. Það er okkar trú að ef börnin fá hreyfingu og góða næringu eru þau betur í stakk búin til að skapa. Auk þess glímum við ekki við offitu hérna og við getum gripið inn í ef það vandamál kemur upp," segir Unnur. Hún segir að á þeim tæpu tíu árum frá því skólinn var stofnaður hafi skólastarfið þróast mikið auk þess sem skólinn hafi stækkað. Upphaflega voru börnin 30 en nú eru þau 143 talsins, á aldrinum eins til sex ára. Leikskólinn er rekinn af Kópavogsbæ og hafa önnur sveitarfélög fylgt þessu fordæmi. Nokkrir heilsuleikskólar hafa tekið til starfa víðs vegar um landið og nokkrir taka brátt til starfa. "Það er alveg frábært að sjá þetta gerast. Við sem stýrum heilsuleikskólum höfum hist og erum að undirbúa stofnun samtaka heilsuleikskóla," segir Unnur Stefánsdóttir. Heilsa Mest lesið Jon Landau er látinn Bíó og sjónvarp Myndaveisla frá stjörnufans og gleðinni í Víðidal Lífið Laufey í banastuði í Reykjavík Lífið Rauðhærðir í brennidepli á vel sóttum írskum dögum Lífið Eins söguleg og skáldsaga getur orðið Lífið „Þú gleymir fólki sem þú hefur elskað allt þitt líf“ Lífið Sauð upp úr í stjörnufansi á golfmóti Coolbet Lífið Margot Robbie ólétt Lífið Nilli og Sóley eignuðust dóttur Lífið Setti sér markmið og hóf veitingarekstur átján ára Lífið Fleiri fréttir Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar „Hluti af heild sem við skiljum ekki“ Magnús Geir endurráðinn þjóðleikhússtjóri „Ef ég væri einmana myndi ég ganga í Sjálfstæðisflokkinn“ Myndaveisla: Níu líf of stórkostleg fyrir eftirsjá Þau eru tilnefnd til Ísnálarinnar í ár Hvað eigum við að kalla eiginmann forseta? Sjá meira
Heilsuleikskólinn Urðarhóll í Kópavogi er tæplega 10 ára gamall. Víðs vegar um landið hafa sprottið upp sambærilegir skólar sem fylgja stefnu Urðarhóls þar sem lögð er áherslu á næringu, hreyfingu og listir. "Markmið okkar er að auka gleði og vellíðan barnanna með áherslu á næringu, hreyfingu og listir í gegnum leik," segir Unnur Stefánsdóttir, sem stýrir heilsuleikskólanum Urðarhóli í Kópavogi. Hugmyndafræðina á bak við leikskólann þróaði hún ásamt samstarfsfólki sínu en Unnur er sjálf mikil íþróttakona. "Til þess að leggja meiri áherslu á þessa þætti erum við með næringarráðagjafa sem gefur ráð um matseðla og við erum með fagstjóra í íþróttum og hreyfingu sem kennir íþróttir alla daga en hvert barn fer í íþróttatíma tvisvar í viku auk gönguferða og útivistar. Auk þess erum við með listakennara sem sjá um listnámið," segir Unnur. Í leikskólanun er íþróttasalur sem er sérstaklega útbúinn fyrir börn á leikskólaaldri og þar eru íþróttir stundaðar daglega. "Börnin elska íþróttatímana og geta varla verið veik heima ef þau eiga að fara í íþróttir þann daginn," segir Unnur og hlær. Auk hreyfingar er lögð áhersla á hollt og gott mataræði og segir Unnur það ganga vel að kenna börnunum að borða hollan og næringarríkan mat. "Þau læra að borða grænmeti og baunarétti og hjá sumum tekur það tíma en þessi eldri eru góð fyrirmynd. Það geta allir lært þetta og börnin biðja aldrei um sykur eða sætabrauð," segir Unnur. "Við finnum fyrir mikilli ánægju frá foreldrum með skólann. Það er okkar trú að ef börnin fá hreyfingu og góða næringu eru þau betur í stakk búin til að skapa. Auk þess glímum við ekki við offitu hérna og við getum gripið inn í ef það vandamál kemur upp," segir Unnur. Hún segir að á þeim tæpu tíu árum frá því skólinn var stofnaður hafi skólastarfið þróast mikið auk þess sem skólinn hafi stækkað. Upphaflega voru börnin 30 en nú eru þau 143 talsins, á aldrinum eins til sex ára. Leikskólinn er rekinn af Kópavogsbæ og hafa önnur sveitarfélög fylgt þessu fordæmi. Nokkrir heilsuleikskólar hafa tekið til starfa víðs vegar um landið og nokkrir taka brátt til starfa. "Það er alveg frábært að sjá þetta gerast. Við sem stýrum heilsuleikskólum höfum hist og erum að undirbúa stofnun samtaka heilsuleikskóla," segir Unnur Stefánsdóttir.
Heilsa Mest lesið Jon Landau er látinn Bíó og sjónvarp Myndaveisla frá stjörnufans og gleðinni í Víðidal Lífið Laufey í banastuði í Reykjavík Lífið Rauðhærðir í brennidepli á vel sóttum írskum dögum Lífið Eins söguleg og skáldsaga getur orðið Lífið „Þú gleymir fólki sem þú hefur elskað allt þitt líf“ Lífið Sauð upp úr í stjörnufansi á golfmóti Coolbet Lífið Margot Robbie ólétt Lífið Nilli og Sóley eignuðust dóttur Lífið Setti sér markmið og hóf veitingarekstur átján ára Lífið Fleiri fréttir Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar „Hluti af heild sem við skiljum ekki“ Magnús Geir endurráðinn þjóðleikhússtjóri „Ef ég væri einmana myndi ég ganga í Sjálfstæðisflokkinn“ Myndaveisla: Níu líf of stórkostleg fyrir eftirsjá Þau eru tilnefnd til Ísnálarinnar í ár Hvað eigum við að kalla eiginmann forseta? Sjá meira