Clint-kvöldsins og kúrekastemmning 28. apríl 2005 00:01 Íshestar ehf. í Hafnarfirði byrjuðu að bjóða upp á svokallaðar Clint Eastwood ferðir fyrir ári sína sem hafa slegið rækilega í gegn. Þetta eru kúrekaferðir þar sem hópar fara í klukkutíma útreiðartúr eða göngutúr og skemmta sér síðan langt fram eftir kvöldi. "Þessi hugmynd kviknaði á "brainstorming" fundi hjá starfsfólkinu. Það er skemmst frá því að segja að þessar kúrekaferðir hafa gert allt vitlaust. Þetta er greinilega það sem saumaklúbbar, vinahópar og starfsmannahópar höfðu verið að bíða eftir," segir Einar G. Bollason, framkvæmdastjóri Íshesta. Hóparnir í Clint-ferðunum byrja ferðina á útreiðartúr eða göngutúr í fallegu umhverfi Íshesta. Því næst tekur við línudanskennsla í hlöðunni og eftir að dansinn hefur dunað í þó nokkra stund er hópnum skipt í tvö lið og keppa þau í skeifukasti. Þá er Clint-kvöldsins, eða besti knapinn, verðlaunaður og best klædda parið og fá allir vinningshafar vegleg verðlaun. Eftir hasarinn er sest við matarborðin og hópurinn gæðir sér á ljúffengum réttum, eins og grilluðum svínarifum, maríneruðum kjúklingaleggjum og bökuðum kartöflum -- ekta kúrekamat. "Síðan við byrjuðum hafa á fjórða þúsund manns farið á bak bara í þessum ferðum. Það er ekki mikið um kúrekaferðir yfir hásumarið þar sem fólk er í sumarfríi en í fyrra vorum við með hópa fram í desember í snjó og kulda," segir Einar en ferðirnar hafa vakið þvílíka lukku að þeim hefur lítið mátt breyta. "Við höfum aðallega styrkt innviðið. Núna leggjum við aukna áherslu á dans eftir matinn og ef um hópa er að ræða fáum við kúrekabandið frá Hvammstanga til að spila en sonur sjálfs kúreka norðursins, Hallbjörns Hreiðarssonar, er meðlimur í bandinu." Kúrekabandið mun gleðja kúrekahópana strax þar næstu helgi. "Við ætlum að gera betur en venjulega og opna húsið almenningi seinna um kvöldið," segir Einar en mikilvægt er að mæta í alvöru kúrekafatnaði. "Við erum með kúrekahatta til sölu á vægu verði sem hópar hafa pantað hjá okkur. Það er rosalega gaman að sjá hvað fólk mætir í flottum fötum -- leðurbuxum, köflóttum skyrtum og með flotta kúrekahatta. Síðan er allt skreytt hjá okkur í kúrekastíl sem eykur stemmninguna. Við erum með gamlar kúrekamyndir og myndir af Clint Eastwood á veggjunum þannig að það er voðalega huggulegt hjá okkur." Verð í ferðirnar er 4.900 krónur á mann fyrir allan pakkann og innifalið er einn bjór eða gos. Hjálmar, stígvél, vettlingar og allur hlífðarfatnaður er á staðnum og þarf enginn að vera hræddur við að fara á bak því Íshestar eru bæði með hesta fyrir vana og óvana hestamenn. Ferðalög Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Syntu í hverri einustu laug landsins Lífið Margverðlaunaður garður með sólskini allan daginn Lífið Sunneva og Tanja ræða lýtaaðgerðirnar sínar Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
Íshestar ehf. í Hafnarfirði byrjuðu að bjóða upp á svokallaðar Clint Eastwood ferðir fyrir ári sína sem hafa slegið rækilega í gegn. Þetta eru kúrekaferðir þar sem hópar fara í klukkutíma útreiðartúr eða göngutúr og skemmta sér síðan langt fram eftir kvöldi. "Þessi hugmynd kviknaði á "brainstorming" fundi hjá starfsfólkinu. Það er skemmst frá því að segja að þessar kúrekaferðir hafa gert allt vitlaust. Þetta er greinilega það sem saumaklúbbar, vinahópar og starfsmannahópar höfðu verið að bíða eftir," segir Einar G. Bollason, framkvæmdastjóri Íshesta. Hóparnir í Clint-ferðunum byrja ferðina á útreiðartúr eða göngutúr í fallegu umhverfi Íshesta. Því næst tekur við línudanskennsla í hlöðunni og eftir að dansinn hefur dunað í þó nokkra stund er hópnum skipt í tvö lið og keppa þau í skeifukasti. Þá er Clint-kvöldsins, eða besti knapinn, verðlaunaður og best klædda parið og fá allir vinningshafar vegleg verðlaun. Eftir hasarinn er sest við matarborðin og hópurinn gæðir sér á ljúffengum réttum, eins og grilluðum svínarifum, maríneruðum kjúklingaleggjum og bökuðum kartöflum -- ekta kúrekamat. "Síðan við byrjuðum hafa á fjórða þúsund manns farið á bak bara í þessum ferðum. Það er ekki mikið um kúrekaferðir yfir hásumarið þar sem fólk er í sumarfríi en í fyrra vorum við með hópa fram í desember í snjó og kulda," segir Einar en ferðirnar hafa vakið þvílíka lukku að þeim hefur lítið mátt breyta. "Við höfum aðallega styrkt innviðið. Núna leggjum við aukna áherslu á dans eftir matinn og ef um hópa er að ræða fáum við kúrekabandið frá Hvammstanga til að spila en sonur sjálfs kúreka norðursins, Hallbjörns Hreiðarssonar, er meðlimur í bandinu." Kúrekabandið mun gleðja kúrekahópana strax þar næstu helgi. "Við ætlum að gera betur en venjulega og opna húsið almenningi seinna um kvöldið," segir Einar en mikilvægt er að mæta í alvöru kúrekafatnaði. "Við erum með kúrekahatta til sölu á vægu verði sem hópar hafa pantað hjá okkur. Það er rosalega gaman að sjá hvað fólk mætir í flottum fötum -- leðurbuxum, köflóttum skyrtum og með flotta kúrekahatta. Síðan er allt skreytt hjá okkur í kúrekastíl sem eykur stemmninguna. Við erum með gamlar kúrekamyndir og myndir af Clint Eastwood á veggjunum þannig að það er voðalega huggulegt hjá okkur." Verð í ferðirnar er 4.900 krónur á mann fyrir allan pakkann og innifalið er einn bjór eða gos. Hjálmar, stígvél, vettlingar og allur hlífðarfatnaður er á staðnum og þarf enginn að vera hræddur við að fara á bak því Íshestar eru bæði með hesta fyrir vana og óvana hestamenn.
Ferðalög Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Svanhildur selur 500 fermetra höll í Akrahverfinu Lífið Dóttir Snæfríðar og Högna komin með nafn Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Syntu í hverri einustu laug landsins Lífið Margverðlaunaður garður með sólskini allan daginn Lífið Sunneva og Tanja ræða lýtaaðgerðirnar sínar Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira