Bíll skorðaðist þversum á Blöndubrú

Það var lán í óláni þegar ungur maður missti stjórn á bíl sínum á leið yfir brúna yfir Blöndu í Blöndudal í gærkvöldi að bíllinn skorðaðist þversum á brúnni á milli handriðanna í stað þess að fara út af öðru hvoru megin. Þar sat bíllinn alveg rígskorðaður og lokaði fyrir alla umferð þar til lögreglu tókst, með frekari aðstoð, að ná bílnum stórskemmdum af brúnni. Ökumann og farþega sakaði ekki. Fljúgandi hálka var á vettvangi þegar óhappið varð.