Hundur óhreinkaði NBA-leik

Í hálfleik viðureignar Detroit Pistons og Orlando Magic gerðist það spaugilega atvik að fresta varð seinni hálfleiknum um nokkrar mínútur eftir að hundur nokkur, sem góðgerðarstamtökin Canine Companions höfðu með í för, gerði þarfir sínar á gólfið. Þegar leikmenn Pistons gengu inn á völlinn rak Rasheed Wallace í rogastans er hann kom auga á ósköpin. Eftir að hafa áttað sig á stöðunni gátu leikmenn Pistons ekki annað en brosað að öllu saman. Leikvöllurinn var leikfær að nýju eftir að húsvörður Waterhouse Center, heimavallar Orlando Magic, hafði þrifið upp eftir hundinn knáa.