Hreiðar og Ingimundur hvíla

Sömu leikmenn og hvíldu gegn Tékkum munu hvíla í leik íslenska handknattleikslandsliðsins og Slóvena á heimsmeistaramótinu í Túnis í dag. Þetta eru ÍR-ingarnir Hreiðar Guðmundsson og Ingimundur Ingimundarson. Að sögn Viggós Sigurðssonar landsliðsþjálfara eru Slóvenar svipaðir að styrkleika og Tékkar. Leikmennirnir hafa mikla reynslu úr Evrópukeppni félagsliða og því við ramman reip að draga. Slóvenía burstaði Kúveit 34-17 í fyrstu umferð riðlakeppninnar.