Sacramento endurheimtir leikmenn

Lið Sacramento Kings í NBA-deildinni í körfuknattleik fagnaði endurkomu þriggja lykilleikmanna sinna í fyrrinótt, en það nægði liðinu þó ekki í 114-108 tapi fyrir Portland Trailblazers. Þeir Peja Stojakovic, Chris Webber og Cuttinu Mobley höfðu allir átt við meiðsli að stríða í undanförnum leikjum, en liðið þó náð að hafa sigur í flestum þeirra, æði fámennt. Portland er heldur betur að rétta úr kútnum eftir að hafa tapað sex leikjum í röð fyrir stuttu og hefur nú unnið fimm af síðustu sjö.