Þungum nýburum hættara við krabba

Fólki sem er þungt við fæðingu er hættara við ákveðnum tegundum af krabbameini en þeim sem fæðast léttir. Í niðurstöðum nýrrar rannsóknar lækna í Bretlandi og Svíþjóð kemur fram að líkur á krabbameini í eitlum aukist um 17% við hverja tveggja marka þyngdaraukningu við fæðingu. Þá eru fjórum sinnum meiri líkur á brjóstakrabbameini hjá konum sem vógu yfir átján merkur við fæðingu en hjá þeim sem voru minna en fimmtán merkur.