Dallas setti met

Dallas Mavericks sló eigið met á leiktíðinni í fyrrinótt er liðið mætti Houston Rockets í NBA-körfuboltanum. Metið var þó í vafasamari kantinum því Mavericks skoraði aðeins 69 stig gegn 90 stigum Rockets og er þetta lægsta stigaskor liðsins í vetur. Mavericks saknaði Dirk Nowitzki og Michael Finley sem báðir eru meiddir. "Það hjálpar þegar 40 stig sitja í jakkafötum á bekknum," sagði Tracy McGrady, leikmaður Rockets, sem var stigahæstur á vellinum með 32 stig, 10 fráköst og 5 stoðsendingar.