Chic choc '60 10. mars 2005 00:01 Tískuhringekjan er að verða búin með sinn rúnt í þetta skiptið en tískuviku í París er að ljúka. Blöðin hér eru almennt sammála um að tískuhönnuðir hafi komið á óvart með sýningum sínum sem voru mjög "chic choc". Það er að segja fatnaðurinn mjög glæsilegur og fágaður (raffiné) en um leið óvæntur (choc). Enn svífur fortíðin yfir vötnum, aðallega í anda sjötta áratugarins, eins og hjá Alexander MacQueen svo dæmis séu tekin en einnig þeim sjöunda. Tískuvikan var einnig undir formerkjum snjókomu og seinkana á flugi svo margir áttu erfitt með að komast til Parísar. Á laugardagskvöld var fatnaður fyrir sýningu Louis Vuitton fastur í flutningabíl í Ölpunum en sýningin var á sunnudag klukkan 15. Þetta sagði mér norsk fyrirsæta sem átti að mæta í mátun klukkan 6.30 á sunnudagsmorgun! Margir hönnuðir virðast líka vera í fínu formi í þetta skiptið. Til dæmis Stella MacCartney (Paulsdóttir bítils) sem var hönnuður Cloé, en á nú sitt tískuhús (Gucci group á reyndar merkið eins og MacQueen). Hún hefur mikið sýnt kvenklæðnað sem minnir á léreftspoka er nú allt í einu farin að koma meira formi á pokana sína og nú minna þeir meira á loftbelgi, bara frekar huggulega, meira segja mátti sjá aðsniðna jakka og þröngar buxur til þess fallnar að sýna líkamann. Stella er sömuleiðis nýbúin að setja á markað ilmvatnið sitt "Stella" sem er alls ekki svo slæmt. Reyndar segja illar tungur að Cloé blómstri nú sem aldrei fyrr eftir að samstarfskona Stellu, Phoebe Philo, tók yfir hönnunina þegar Stella fór til að opna sitt eigið tískuhús. Annað gamalt tískuhús sem er að lifa sitt annað líf er Balenciaga. Þar er hönnuðurinn Nicolas Ghesquière búinn að ná góðum tökum á vinnu sinni og sýndi meðal annars nýja útgáfu á frægum jakka sem í upphafi var hluti af einkennisbúningi flugfreyja hjá franska flugfélaginu Air France 1968. Jean Paul Gaultier er í rokkglamúr-stílnum með þröngar buxur með pallíettum og gærur sem gætu verið íslenskar. Ég hélt nú reyndar að rokkglamúr væri búið að vera því ef ég man rétt var það þemað hjá John Galliano fyrir Dior fyrir nokkrum árum en svona fer tískan í hringi. Sýning Stefano Pilati fyrir Yves Saint Laurent á mánudaginn var hvorki fugl né fiskur, bæði gamaldags og skrítin. Hann er tæplega að bjarga fyrirtækinu með þessu. Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Dóttir Snæfríðar og Högna komin með nafn Lífið Svanhildur selur 500 fermetra höll í Akrahverfinu Lífið Margverðlaunaður garður með sólskini allan daginn Lífið Syntu í hverri einustu laug landsins Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Sunneva og Tanja ræða lýtaaðgerðirnar sínar Lífið Fleiri fréttir Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Tískan á Ólympíuleikunum Finnst yfirleitt erfitt að klæða sig upp Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ Sjá meira
Tískuhringekjan er að verða búin með sinn rúnt í þetta skiptið en tískuviku í París er að ljúka. Blöðin hér eru almennt sammála um að tískuhönnuðir hafi komið á óvart með sýningum sínum sem voru mjög "chic choc". Það er að segja fatnaðurinn mjög glæsilegur og fágaður (raffiné) en um leið óvæntur (choc). Enn svífur fortíðin yfir vötnum, aðallega í anda sjötta áratugarins, eins og hjá Alexander MacQueen svo dæmis séu tekin en einnig þeim sjöunda. Tískuvikan var einnig undir formerkjum snjókomu og seinkana á flugi svo margir áttu erfitt með að komast til Parísar. Á laugardagskvöld var fatnaður fyrir sýningu Louis Vuitton fastur í flutningabíl í Ölpunum en sýningin var á sunnudag klukkan 15. Þetta sagði mér norsk fyrirsæta sem átti að mæta í mátun klukkan 6.30 á sunnudagsmorgun! Margir hönnuðir virðast líka vera í fínu formi í þetta skiptið. Til dæmis Stella MacCartney (Paulsdóttir bítils) sem var hönnuður Cloé, en á nú sitt tískuhús (Gucci group á reyndar merkið eins og MacQueen). Hún hefur mikið sýnt kvenklæðnað sem minnir á léreftspoka er nú allt í einu farin að koma meira formi á pokana sína og nú minna þeir meira á loftbelgi, bara frekar huggulega, meira segja mátti sjá aðsniðna jakka og þröngar buxur til þess fallnar að sýna líkamann. Stella er sömuleiðis nýbúin að setja á markað ilmvatnið sitt "Stella" sem er alls ekki svo slæmt. Reyndar segja illar tungur að Cloé blómstri nú sem aldrei fyrr eftir að samstarfskona Stellu, Phoebe Philo, tók yfir hönnunina þegar Stella fór til að opna sitt eigið tískuhús. Annað gamalt tískuhús sem er að lifa sitt annað líf er Balenciaga. Þar er hönnuðurinn Nicolas Ghesquière búinn að ná góðum tökum á vinnu sinni og sýndi meðal annars nýja útgáfu á frægum jakka sem í upphafi var hluti af einkennisbúningi flugfreyja hjá franska flugfélaginu Air France 1968. Jean Paul Gaultier er í rokkglamúr-stílnum með þröngar buxur með pallíettum og gærur sem gætu verið íslenskar. Ég hélt nú reyndar að rokkglamúr væri búið að vera því ef ég man rétt var það þemað hjá John Galliano fyrir Dior fyrir nokkrum árum en svona fer tískan í hringi. Sýning Stefano Pilati fyrir Yves Saint Laurent á mánudaginn var hvorki fugl né fiskur, bæði gamaldags og skrítin. Hann er tæplega að bjarga fyrirtækinu með þessu.
Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Dóttir Snæfríðar og Högna komin með nafn Lífið Svanhildur selur 500 fermetra höll í Akrahverfinu Lífið Margverðlaunaður garður með sólskini allan daginn Lífið Syntu í hverri einustu laug landsins Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Sunneva og Tanja ræða lýtaaðgerðirnar sínar Lífið Fleiri fréttir Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Tískan á Ólympíuleikunum Finnst yfirleitt erfitt að klæða sig upp Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ Sjá meira