Slagsmál í Dallas

Kirk Snyder, leikmaður Utah Jazz og Jerry Stackhouse, leikmaður Dallas Mavericks gætu átt yfir höfði sér sektir eða leikbönn fyrir að slást eftir leik liðanna í Dallas um helgina. Dallas vann sigur í leiknum, en hálftíma eftir það hittust Stackhouse og Snyder fyrir utan íþróttahöllina og orðaskipti þeirra breyttust fljótlega í hnefahögg og fjölda fólks þurfti til að aðskilja leikmennina. Báðir hafa þeir gert lítið úr atburðinum, en ljóst þykir að eitthvað mikið gekk á eftir leikinn. Málið er nú í rannsókn, en ef leikmennirnir verða fundnir sekir um slagsmál, gætu þeir átt yfri höfði sér harða refsingu. Það kæmi sér afar illa fyrir Dallas liðið sem er á leið í úrslitakeppnina eftir um tvær vikur og þarf þá á öllum sínum leikmönnum að halda.