Pippen veitir skrifleg verðlaun

Scottie Pippen, fyrrum leikmaður í NBA-körfuboltanum, valdi á dögunum þá leikmenn sem hann taldi eiga rétt á þeim verðlaunum sem veitt eru á ári hverju NBA-deildinni. Verðlaunin, sem kappinn kallar The Annual Pip Awards, voru birt á bloggi Pippens sem er að finna á NBA.com og er vitnað beint í skrif kappans hér fyrir neðan.   Verðlaunin, sem kappinn kallar The Annual Pip Awards, voru birt á bloggi Pippens sem er að finna á NBA.com og er vitnað beint í skrif kappans hér fyrir neðan.   NBA MVP (Most Valuable Player eða verðmætasti leikmaðurinn) Shaquille O´Neal, Miami Heat   Hann er einstaklega erfiður við að eiga og Shaq er enn að valda mönnum heilabroti varðandi leikstíl sinn. Þetta er ekki náungi sem kom inn í deildina fyrir þremur árum heldur er hann búinn að vera yfirburðarmaður í rúman áratug. Það er ekki hægt að stoppa hann, punktur. Hann kom til Miami og gerði Heat að einu af fimm líklegustu liðum deildarinnar til að næla í titil. Þetta eru spennandi tímar fyrir Miamiborg og á Shaq stóran þátt þar að máli.   Dwyane Wade gæti hæglega blandað sér í þessa baráttu en mér finnst mjög aðdáunarvert hvað hann hefur víkkað leik sinn mikið. Mikið hefur verið rætt um Steve Nash hjá Phoenix Suns en fyrir mína parta á hann ekkert erindi sem MVP þar sem að hann er ekkert sérstakur varnarmegin á vellinum. Ef hann væri eitthvað í líkingu við menn á borð við John Stockton í vörninni, þá myndi ég velja hann en það er því miður ekki raunin. Fyrr myndi ég skoða Amaré Stoudemire, samherja Nash hjá Suns. Þá finnst mér Tim Duncan eiga fullt erindi þarna inn líka og hann er liði sínu mjög mikilvægur. En það getur aðeins einn unnið þennan titil og Shaq er vel að honum kominn.   NBA - Þjálfari ársinsScott Skiles, Chicago Bulls.   Ég er reyndar mjög hlutdrægur hér þar sem að ég hef horft mikið á Chicago í vetur og skil hvernig liðið umturnaðist. Þá var ég leikmaður Bulls þegar liðið náði ekki einu sinni 20 sigrum yfir veturinn og mér líður alltaf eins og ég sé hluti af liðinu þó að ég sé hættur að spila. Bulls byrjaði á að tapa fyrstu níu leikjunum en Skiles fékk liðið til að hysja upp um sig buxurnar, spila fantagóða vörn og spila liðsbolta eins og hann gerist bestur. Skiles á þennan titil frekar skilið en George Karl hjá Denver Nuggets því ekki má gleyma því að Nuggets komst í úrslit í fyrra. Chicago er hins vegar að horfa á björtustu tíma liðsins síðan 1998 og Scott Skiles á heiður skilið fyrir sín störf.   NBA - Nýliði ársins   Ben Gordon, Chicago BullsEmeka Okafor, Charlotte Bobcats   Ben Gordon hjá Chicago Bulls og Emeka Okafor, leikmaður Charlotte Bobcats, neyðast til að deila þessum titli á milli sín en ég hélt í fyrstu að Gordon myndi hreppa þessi verðlaun. Ég get bara ekki litið framhjá Emeka enda er hann búinn að eiga mjög gott tímabil.   Bæði Ben og Emeka hafa verið mjög kröfuharðir á sig sjálfa og sönnuðu í vetur að þeir geta leikið körfubolta á svo háum staðli sem raun ber vitni. Þeir sögðu m.a.s. liðum sínum: "Ég ætla að verða svona leikmaður og þið getið byggt liðið í kringum mig því þetta munuð þið fá frá mér í hverjum einasta leik."   NBA - Mestu framfarir   Amaré Stoudemire, Phoenix Suns.   Þó að LeBron James hafi náð miklum framförum frá síðasta ári þá er hann búinn að sanna sig sem toppspilari og vann að auki verðlaunin sem besti nýliðinn á síðasta ári. Nokkrir komu til greina fyrir framfaraverðlaunin eins og t.d. Kirk Hinrich hjá Bulls, Tayshaun Prince hjá Detroit Pistons, en Stoudemire er sá sem fær mitt atkvæði. Hann var lykillinn að velgengni Suns í vetur og hefur t.a.m. náð að byggja upp mjög gott stökkskot, eitthvað sem fólk er ekki vant frá leikmönnum sem koma beint úr gagnfræðaskóla.   NBA - Varnarmaður ársins   Allen Iverson, Philadelphia 76ers   Eins og leikurinn spilast í dag þá verð ég ekki var við mikla vörn í deildinni. Mun minni snerting er leyfð í dag og ef við tökum vörnina mína gegn Magic Johnson (í lokaúrslitum NBA árið 1991 þegar Chicago Bulls vann Los Angeles Lakers, 4-1) þá er það eitthvað sem þið munuð aldrei sjá aftur. Reglugerðarnefndin er búin að minnka snertinguna hjá varnarmanninum til þess að auka stigaskor í deildinni. Af þeim ástæðum er mjög erfitt að finna góðan varnarmann í dag. Bruce Bowen hefur verið nefndur til skjalanna en það má ekki gleyma því að hann er með sjö feta miðherja (Tim Duncan) fyrir aftan sig.   Iverson fær mitt atkvæði vegna þess að hann nær að stela boltanum og setur mikinn kraft í varnarvinnuna sína. Ef tekið er mið að því hvernig íþróttin er orðin í dag þá er Allen Iverson að gera stórkostlega hluti í vörninni.   NBA - Framkvæmdastjóri ársins   John Paxson, Chicago Bulls.   Á sínum stutta tíma hjá Bulls hefur Paxson unnið mjög gott starf og tekið hárréttar ákvarðanir í hvívetna (eins og þegar hann losaði sig við mig, gamla gumpinn). Það er reyndar sorglegt að þegar liðið var við það að hefja sig til almennilegs flugs komu upp alvarleg meiðsli innan hópsins. Þökk sé Paxson þá er nútíðin ekki aðeins björt heldur einnig framtíðin.   NBA - Besti sjötti maðurinn   Ben Gordon, Chicago Bulls.   Ben Gordon er stór ástæða fyrir því að Bulls er á komið í úrslitakeppnina. Hæfni hans til að takast á við óþekkta hluti er mikil og þá hefur verið unun að fylgjast með honum í lokafjórðungum leikja. Ricky Davis hjá Boston Celtics kemur einnig sterklega til greina en Gordon er sínu liði töluvert mikilvægari leikmaður en Davis. Þar sem að ég er aðdáandi Chicago Bulls og hef fengið að fylgjast með hverjum einstaklingum á fætur öðrum heillast af liðinu vegna Gordon þá get ég ekki annað en valið hann besta sjötta manninn. Ben Gordon er svo góður í þessari stöðu að hann gæti hæglega haldið áfram í henni það sem eftir er af ferlinum.