Mourinho hrósar Phillips

Jose Mourinho, knattspyrnustjóri Chelsea segir að félagið hafi krækt í einn besta leikmann Englands þegar það keypti Shaun Wright-Phillips frá Manchester City. "Phillips er einn besti knattspyrnumaður Englands og hann hefur hæfileika sem allir eru að leita að í nútíma knattspyrnu. Hann er fljótur, útsjónarsamur og skapar fyrir liðið og sjálfan sig. Nú höfum við Phillips, Arjen Robben, Damien Duff og Joe Cole til að leika á vængjunum og því ættum við ekki að þurfa að lenda í vandræðum vegna meiðsla eins og í fyrra," sagði Mourinho.