Essien kostar 32 milljónir

Forráðamenn franska knattspyrnuliðsins Lyon hafa gefið út að Chelsea verði að punga út sömu upphæð og það var tilbúið að eyða í Steven Gerrard ef það ætlar sér að kaupa Mickael Essien. "Ef Essien á að fara frá Lyon, verður það fyrir sömu upphæð og boðin var í Steven Gerrard, því við vitum að við eigum miklu betri möguleika á að vinna meistaradeildina með hann innanborðs. Við viljum auðvitað ekki selja hann, en ef áframhaldandi vera hans hérna skemmir fyrir liðsandanum, höfum við líklega ekki annara kosta völ," sagði talsmaður Lyon.