Flokkarnir fá minnst 300 milljónir 21. apríl 2005 00:01 Lög um tekju- og eignaskatt heimila fyrirtækjum og einstaklingum að draga frá skattstofni framlög til menningarmála, líknarstarfsemi, stjórnmálaflokka, vísindastarfsemi og kirkjufélaga. Í skýrslu forsætisráðherra um fjárframlög til stjórnmálastarfsemi er greinargerð sem bendir til þess að fyrirtæki og einstaklingar nýti sér frádrátt af þessum toga í auknum mæli. Frádráttarbær framlög og gjafir námu að jafnaði um 230 þúsund krónum á hvert fyrirtæki eða einstakling árið 1998. Árið 2004 voru framlög og gjafir af þessum toga svipuð, um 236 þúsund krónur að jafnaði á hvert fyrirtæki og einstakling. Heildarupphæðin hafði þó hækkað á tímabilinu úr 253 milljónum króna á verðlagi dagsins í dag í liðlega 680 milljónir króna. Ekki kemur fram í skýrslunni hversu mikið af þessari upphæð rann til stjórnmálaflokkanna. 295 milljónir frá ríkinu Í skýrslunni kemur jafnframt fram að opinber framlög til stjórnmálaflokkanna hafa á fimm árum aukist um 40 milljónir króna á núvirði. Framlögin til þeirra námu á verðlagi dagsins í dag um 160 milljónum króna árið 2000 en voru orðin um 200 milljónir króna í fyrra. Þingflokkar fá auk þess framlög til sérfræðilegrar aðstoðar og hefur svo verið frá því árið 1971. Allir flokkar fá ákveðna lágmarksupphæð en auk þess koma til greiðslur fyrir hvern þingmann. Þessi upphæð nam á síðasta ári samtals um 55 milljónum króna. Árið 2001 komu til sögunnar fjárframlög til stjórnmálaflokkana til að mæta auknum kostnaði vegna stækkunar landsbyggðarkjördæmanna. Þessi upphæð nam samtals 40 milljónum króna í fyrra. Á verðlagi dagsins hafa því opinber framlög til stjórnmálaflokkanna hækkað um nærri 40 prósent frá árinu 2000. Þau nema samtals 295 milljónum króna á þessu ári. Ekki er vitað hversu há framlög fyrirtækja og einstaklinga eru til stjórnmálaflokkanna. En þótt einungis 10 prósent af um 680 milljóna króna framlögum og gjöfum fyrirtækja og einstaklinga í fyrra hefðu runnið til stjórnmálaflokkanna mætti bæta nærri 70 milljónum króna við þá upphæð. Greco-nefndin telur reglur skorta Vaxandi umræða hefur verið um fjárreiður stjórnmálaflokkana á síðustu misserum og hugsanlega lagasetningu um fjármál þeirra. Þau sjónarmið hafa komið fram að mikilvægt sé að fjárstuðningur fyrirtækja við stjórnmálaflokka sé gagnsær og rétt sé einnig að hafa eftirlit með því hvernig þeir verji opinberum framlögum. Í skýrslu forsætisráðherra er vísað til tilmæla sem ráðherranefnd Evrópuráðsins samþykkti að beina til aðildarríkja um sameiginlegar reglur gegn spillingu í tengslum við fjármögnun stjórnmálaflokka og kosningabaráttu. Í tilmælunum er lögð áhersla á að ríkið veiti stjórnmálaflokkunum stuðning og sjái til þess að fjárstyrkur af hendi hins opinbera eða einkaaðila trufli ekki sjálfstæði flokkanna. Aðildarríkjunum er ætlað að grípa til aðgerða sem komi í veg fyrir hagsmunaárekstra, tryggi gegnsæi fjárframlaga og komi í veg fyrir leynileg framlög til stjórnmálaflokka. Þessi tilmæli eru ekki bindandi fyrir Ísland samkvæmt þjóðarrétti. Í skýrslu forsætisráðherra er minnt á að Greco-nefndin svokallaða, sem kannar og metur spillingu á vegum Evrópuráðsins, hafi farið yfir stöðuna á Íslandi. Nefndin lýsti sérstökum áhyggjum af skorti á reglum um fjármögnun íslenskra stjórnmálaflokka síðast þegar hún mat stöðuna hérlendis. Nýjar tillögur fyrir áramót Eins og fram hefur komið hyggst Halldór Ásgrímsson forsætisráðherra skipa þverpólítíska nefnd sem ætlað er að endurskoða ýmis atriði sem snerta fjármál stjórnmálaflokkanna. Hann telur eðlilegt að nefndin fjalli um fjármálaumgjörð stjórnmálanna í heild. Nefndin gæti einnig fjallað um hvort gera skuli kröfu til ráðherra og þingmanna um að þeir upplýsi um fjármálaleg eða stjórnunarleg tengsl sín við fyrirtæki. Halldór hefur skrifað formönnum stjórnmálaflokkanna og óskað eftir tilnefningu þeirra í nefndina og er henni ætlað að skila tillögum fyrir lok þessa árs. Fréttir Innlent Stj.mál Mest lesið „Hann tók algjörlega völdin yfir lífi mínu“ Innlent Kosningavaktin: Íslendingar ganga að kjörborðinu Innlent Þiggja milljónir í húsnæðisstyrk þótt þau búi nálægt Alþingi Innlent Þórdís svarar gagnrýni vegna húsnæðisstyrks Innlent Tveir á slysadeild í kjölfar bruna á Stuðlum Innlent „Þetta er nákvæmlega það sem ég á að vera að gera“ Innlent Nokkrir foreldrar sóttu börn á lögreglustöð Innlent Vistmaður og starfsmaður Stuðla fluttir á bráðamóttöku Innlent Grunaður um alvarlega líkamsárás gegn fyrrverandi sambýliskonu Innlent Átti samtal við Höllu Hrund fyrir stjórnarslitin Innlent Fleiri fréttir Vara ráðherra við hörmungum ef lykilhringrás í hafinu stöðvast „Þetta er nákvæmlega það sem ég á að vera að gera“ Kostnaður við snagana nam 1,7 milljónum Fluttur á spítala vegna alvarlegs efnabruna af völdum ætandi efnis Slátur og stuð í félagsheimilinu á Blönduósi Alma vill leiða Samfylkinguna í Kraganum Nektarmyndir gerðar óskýrar sjálfkrafa á Instagram Grunaður um alvarlega líkamsárás gegn fyrrverandi sambýliskonu Hannes snýr baki við Sjálfstæðisflokknum og fer fram fyrir Samfylkingu Átti samtal við Höllu Hrund fyrir stjórnarslitin Vendingar í pólitíkinni og áhrif frestunar bankasölu á markaðinn Guðmundur Árni hættur við og styður Ölmu Vistmaður og starfsmaður Stuðla fluttir á bráðamóttöku Bilun í brunaboða á Keflavíkurflugvelli Snorri vill leiða Miðflokkinn í Reykjavík Þórdís svarar gagnrýni vegna húsnæðisstyrks Slagurinn harðnar í Suðvestur hjá Sjálfstæðisflokki „Hann tók algjörlega völdin yfir lífi mínu“ Formaður Framsóknar segir ríkisstjórnina hafa talað sjálfa sig niður Tveir á slysadeild í kjölfar bruna á Stuðlum Nokkrir foreldrar sóttu börn á lögreglustöð „Það þarf að nýta auðlindir landsins, það er alveg ljóst“ Þiggja milljónir í húsnæðisstyrk þótt þau búi nálægt Alþingi Fleiri þvottavélar en pólitíkusar á skjánum vikuna fyrir kosningar Hefur sett saman um 100 módelbíla í Hveragerði Dæmi um að menntaðir kennarar nái ekki endum saman Óvænt og taktískt útspil Sigurðar Inga Páll Valur vill forystusæti fyrir Samfylkinguna í Suðurkjördæmi Fyrstu skoðanakannanir eftir stjórnarslit og öll auglýsingapláss uppbókuð Lætur af störfum sem bæjarstjóri Voga Sjá meira
Lög um tekju- og eignaskatt heimila fyrirtækjum og einstaklingum að draga frá skattstofni framlög til menningarmála, líknarstarfsemi, stjórnmálaflokka, vísindastarfsemi og kirkjufélaga. Í skýrslu forsætisráðherra um fjárframlög til stjórnmálastarfsemi er greinargerð sem bendir til þess að fyrirtæki og einstaklingar nýti sér frádrátt af þessum toga í auknum mæli. Frádráttarbær framlög og gjafir námu að jafnaði um 230 þúsund krónum á hvert fyrirtæki eða einstakling árið 1998. Árið 2004 voru framlög og gjafir af þessum toga svipuð, um 236 þúsund krónur að jafnaði á hvert fyrirtæki og einstakling. Heildarupphæðin hafði þó hækkað á tímabilinu úr 253 milljónum króna á verðlagi dagsins í dag í liðlega 680 milljónir króna. Ekki kemur fram í skýrslunni hversu mikið af þessari upphæð rann til stjórnmálaflokkanna. 295 milljónir frá ríkinu Í skýrslunni kemur jafnframt fram að opinber framlög til stjórnmálaflokkanna hafa á fimm árum aukist um 40 milljónir króna á núvirði. Framlögin til þeirra námu á verðlagi dagsins í dag um 160 milljónum króna árið 2000 en voru orðin um 200 milljónir króna í fyrra. Þingflokkar fá auk þess framlög til sérfræðilegrar aðstoðar og hefur svo verið frá því árið 1971. Allir flokkar fá ákveðna lágmarksupphæð en auk þess koma til greiðslur fyrir hvern þingmann. Þessi upphæð nam á síðasta ári samtals um 55 milljónum króna. Árið 2001 komu til sögunnar fjárframlög til stjórnmálaflokkana til að mæta auknum kostnaði vegna stækkunar landsbyggðarkjördæmanna. Þessi upphæð nam samtals 40 milljónum króna í fyrra. Á verðlagi dagsins hafa því opinber framlög til stjórnmálaflokkanna hækkað um nærri 40 prósent frá árinu 2000. Þau nema samtals 295 milljónum króna á þessu ári. Ekki er vitað hversu há framlög fyrirtækja og einstaklinga eru til stjórnmálaflokkanna. En þótt einungis 10 prósent af um 680 milljóna króna framlögum og gjöfum fyrirtækja og einstaklinga í fyrra hefðu runnið til stjórnmálaflokkanna mætti bæta nærri 70 milljónum króna við þá upphæð. Greco-nefndin telur reglur skorta Vaxandi umræða hefur verið um fjárreiður stjórnmálaflokkana á síðustu misserum og hugsanlega lagasetningu um fjármál þeirra. Þau sjónarmið hafa komið fram að mikilvægt sé að fjárstuðningur fyrirtækja við stjórnmálaflokka sé gagnsær og rétt sé einnig að hafa eftirlit með því hvernig þeir verji opinberum framlögum. Í skýrslu forsætisráðherra er vísað til tilmæla sem ráðherranefnd Evrópuráðsins samþykkti að beina til aðildarríkja um sameiginlegar reglur gegn spillingu í tengslum við fjármögnun stjórnmálaflokka og kosningabaráttu. Í tilmælunum er lögð áhersla á að ríkið veiti stjórnmálaflokkunum stuðning og sjái til þess að fjárstyrkur af hendi hins opinbera eða einkaaðila trufli ekki sjálfstæði flokkanna. Aðildarríkjunum er ætlað að grípa til aðgerða sem komi í veg fyrir hagsmunaárekstra, tryggi gegnsæi fjárframlaga og komi í veg fyrir leynileg framlög til stjórnmálaflokka. Þessi tilmæli eru ekki bindandi fyrir Ísland samkvæmt þjóðarrétti. Í skýrslu forsætisráðherra er minnt á að Greco-nefndin svokallaða, sem kannar og metur spillingu á vegum Evrópuráðsins, hafi farið yfir stöðuna á Íslandi. Nefndin lýsti sérstökum áhyggjum af skorti á reglum um fjármögnun íslenskra stjórnmálaflokka síðast þegar hún mat stöðuna hérlendis. Nýjar tillögur fyrir áramót Eins og fram hefur komið hyggst Halldór Ásgrímsson forsætisráðherra skipa þverpólítíska nefnd sem ætlað er að endurskoða ýmis atriði sem snerta fjármál stjórnmálaflokkanna. Hann telur eðlilegt að nefndin fjalli um fjármálaumgjörð stjórnmálanna í heild. Nefndin gæti einnig fjallað um hvort gera skuli kröfu til ráðherra og þingmanna um að þeir upplýsi um fjármálaleg eða stjórnunarleg tengsl sín við fyrirtæki. Halldór hefur skrifað formönnum stjórnmálaflokkanna og óskað eftir tilnefningu þeirra í nefndina og er henni ætlað að skila tillögum fyrir lok þessa árs.
Fréttir Innlent Stj.mál Mest lesið „Hann tók algjörlega völdin yfir lífi mínu“ Innlent Kosningavaktin: Íslendingar ganga að kjörborðinu Innlent Þiggja milljónir í húsnæðisstyrk þótt þau búi nálægt Alþingi Innlent Þórdís svarar gagnrýni vegna húsnæðisstyrks Innlent Tveir á slysadeild í kjölfar bruna á Stuðlum Innlent „Þetta er nákvæmlega það sem ég á að vera að gera“ Innlent Nokkrir foreldrar sóttu börn á lögreglustöð Innlent Vistmaður og starfsmaður Stuðla fluttir á bráðamóttöku Innlent Grunaður um alvarlega líkamsárás gegn fyrrverandi sambýliskonu Innlent Átti samtal við Höllu Hrund fyrir stjórnarslitin Innlent Fleiri fréttir Vara ráðherra við hörmungum ef lykilhringrás í hafinu stöðvast „Þetta er nákvæmlega það sem ég á að vera að gera“ Kostnaður við snagana nam 1,7 milljónum Fluttur á spítala vegna alvarlegs efnabruna af völdum ætandi efnis Slátur og stuð í félagsheimilinu á Blönduósi Alma vill leiða Samfylkinguna í Kraganum Nektarmyndir gerðar óskýrar sjálfkrafa á Instagram Grunaður um alvarlega líkamsárás gegn fyrrverandi sambýliskonu Hannes snýr baki við Sjálfstæðisflokknum og fer fram fyrir Samfylkingu Átti samtal við Höllu Hrund fyrir stjórnarslitin Vendingar í pólitíkinni og áhrif frestunar bankasölu á markaðinn Guðmundur Árni hættur við og styður Ölmu Vistmaður og starfsmaður Stuðla fluttir á bráðamóttöku Bilun í brunaboða á Keflavíkurflugvelli Snorri vill leiða Miðflokkinn í Reykjavík Þórdís svarar gagnrýni vegna húsnæðisstyrks Slagurinn harðnar í Suðvestur hjá Sjálfstæðisflokki „Hann tók algjörlega völdin yfir lífi mínu“ Formaður Framsóknar segir ríkisstjórnina hafa talað sjálfa sig niður Tveir á slysadeild í kjölfar bruna á Stuðlum Nokkrir foreldrar sóttu börn á lögreglustöð „Það þarf að nýta auðlindir landsins, það er alveg ljóst“ Þiggja milljónir í húsnæðisstyrk þótt þau búi nálægt Alþingi Fleiri þvottavélar en pólitíkusar á skjánum vikuna fyrir kosningar Hefur sett saman um 100 módelbíla í Hveragerði Dæmi um að menntaðir kennarar nái ekki endum saman Óvænt og taktískt útspil Sigurðar Inga Páll Valur vill forystusæti fyrir Samfylkinguna í Suðurkjördæmi Fyrstu skoðanakannanir eftir stjórnarslit og öll auglýsingapláss uppbókuð Lætur af störfum sem bæjarstjóri Voga Sjá meira