21 milljón í hugmyndasamkeppnina

Reykjavíkurborg hefur gert samstarfssamning við Íslandsbanka, KB banka, Landsbankann og fasteignafélagið Þyrpingu vegna alþjóðlegrar hugmyndasamkeppni um heildarskipulag Vatnsmýrarinnar. Hefur verið ákveðið að bankarnir og Þyrping leggi til 21 milljón króna í hugmyndasamkeppni um skipulag svæðisins. Tillagan um hugmyndasamkeppni um heildarskipulag Vatnsmýrar var samþykkt á fundi borgarráðs í gær en áformað er að samkeppnin hefjist í nóvember næstkomandi. Mikil áhersla er lögð á að almenningur og hagsmunahópar leggi fram hugmyndir og tillögur um framtíðarskipulag Vatnsmýrarinnar.