Tottenham kaupir Jermaine Jenas
Tottenham Hotspur gekk í morgun frá kaupum enska landsliðsmanninum Jermaine Jenas frá Newcastle fyrir um 8 milljónir punda og þá hefur Suður-Kóreumaðurinn Lee Young-Pyo einnig bæst í hóp liðsins frá PSV Eindhoven, en hann á enn eftir að fá atvinnuleyfi. Jenas verður Tottenham mikill liðsstyrkur og hittir þar fyrir marga unga og efnilega enska landsliðsmenn sem eru kjarninn í ungu liði Martin Jol, sem eflaust á eftir að láta að sér kveða á næstu árum. Nú bíða menn spenntir eftir því hvort liðið nælir sér í framherja fyrir lokun félagaskiptagluggans í kvöld.
