Fjölbreyttara framhaldsnám 16. mars 2005 00:01 Námsframboð í Háskólanum á Akureyri hefur verið að aukast síðustu misseri. Skólinn var stofnaður árið 1987 og voru tvær deildir starfræktar í upphafi, hjúkrunarfræði og iðnrekstrarfræði. Á þeim tíma voru aðeins 30 nemendur í skólanum og fjórir fastráðnir kennarar. Undanfarin ár hefur líf háskólans eflst til muna og eru nú um 1500 nemendur í sex deildum og um 160 fastráðnir kennarar. Um 40% nemenda skólans stunda fjarnám. Markmið Háskólans á Akureyri er að búa nemendur undir nám, störf og rannsóknir í innlendu og alþjóðlegu umhverfi. Upplýsingatækni við skólann er með besta móti og er ætlast til að nemendur tileinki sér hana við námið og noti netið til samskipta og upplýsingaöflunar. Jóna Jónsdóttir, forstöðumaður samskiptamiðstöðvar Háskólans á Akureyri, segir mikla áherslu lagða á hópavinnu. "Nemendur í öllum deildum eru þjálfaðir í því að vinna í hópum, skrifa skýrslur og skila þeim. Síðan er þeim skylt að standa upp og rökstyðja sitt mál fyrir kennurum og nemendum. Þetta er sú umgjörð sem við höfum verið með til þess að nemendur læri að vinna saman," segir Jóna. Fjölgun nemenda hefur gert það að verkum að stækkun skólans varð að veruleika. Fyrir örfáum árum fór kennslan fram á nokkrum stöðum í bænum en með tilkomu nýja rannsóknarhússins á Sólborg hefur kennslan færst svo til á einn stað. Kennaradeildin er þó enn í húsnæði skólans við Þingvallastræti. Nýja rannsóknarhúsið sem tekið var í notkun í vetur hefur staðið undir væntingum en þar fer fram kennsla í auðlindadeild og upplýsingatæknideild. "Húsið á eftir að sanna sig enn meira á komandi árum. Við stefnum að því að efla deildirnar sem fyrir eru og þá helst framboð á framhaldsnámi," sagði Jóna. Háskólinn á Akureyri hefur sótt í sig veðrið sem öflug menntastofnun á landsbyggðinni. "Með öflugu rannsóknarstarfi erum við að laða að okkur mjög vel menntaða kennara úr öllum greinum hvaðanæva úr heiminum. Þá er ekki hvað síst hversu áhugi Akureyringa hefur vaxið á starfi skólans og við höfum fengið góða og vel menntaða einstaklinga héðan úr bænum til að vinna með okkur."Mikil áhersla er lögð á hópavinnu í Háskólanum á Akureyri. Nám Mest lesið Myndaveisla frá stjörnufans og gleðinni í Víðidal Lífið Brat Pitt í mynd um Formúlu 1 í framleiðslu Hamilton Bíó og sjónvarp „Þetta er enginn helvítis félagskvíði, það bara þolir mig enginn“ Áskorun Setti sér markmið og hóf veitingarekstur átján ára Lífið Högni og Snæfríður eignuðust stúlku Lífið Ólafía Hrönn reyndist vera á bak við „stóra pokamálið“ Lífið Sauð upp úr í stjörnufansi á golfmóti Coolbet Lífið Kvikmyndastjarna slær í gegn á Landsmóti hestamanna Lífið Biden móment hjá Nick Cave í Eldborg Lífið Júlía Margrét gengin út Lífið Fleiri fréttir Fjöldamet á stærstu listasýningu í sögu Hornafjarðar „Hluti af heild sem við skiljum ekki“ Magnús Geir endurráðinn þjóðleikhússtjóri „Ef ég væri einmana myndi ég ganga í Sjálfstæðisflokkinn“ Myndaveisla: Níu líf of stórkostleg fyrir eftirsjá Þau eru tilnefnd til Ísnálarinnar í ár Hvað eigum við að kalla eiginmann forseta? Sjá meira
Námsframboð í Háskólanum á Akureyri hefur verið að aukast síðustu misseri. Skólinn var stofnaður árið 1987 og voru tvær deildir starfræktar í upphafi, hjúkrunarfræði og iðnrekstrarfræði. Á þeim tíma voru aðeins 30 nemendur í skólanum og fjórir fastráðnir kennarar. Undanfarin ár hefur líf háskólans eflst til muna og eru nú um 1500 nemendur í sex deildum og um 160 fastráðnir kennarar. Um 40% nemenda skólans stunda fjarnám. Markmið Háskólans á Akureyri er að búa nemendur undir nám, störf og rannsóknir í innlendu og alþjóðlegu umhverfi. Upplýsingatækni við skólann er með besta móti og er ætlast til að nemendur tileinki sér hana við námið og noti netið til samskipta og upplýsingaöflunar. Jóna Jónsdóttir, forstöðumaður samskiptamiðstöðvar Háskólans á Akureyri, segir mikla áherslu lagða á hópavinnu. "Nemendur í öllum deildum eru þjálfaðir í því að vinna í hópum, skrifa skýrslur og skila þeim. Síðan er þeim skylt að standa upp og rökstyðja sitt mál fyrir kennurum og nemendum. Þetta er sú umgjörð sem við höfum verið með til þess að nemendur læri að vinna saman," segir Jóna. Fjölgun nemenda hefur gert það að verkum að stækkun skólans varð að veruleika. Fyrir örfáum árum fór kennslan fram á nokkrum stöðum í bænum en með tilkomu nýja rannsóknarhússins á Sólborg hefur kennslan færst svo til á einn stað. Kennaradeildin er þó enn í húsnæði skólans við Þingvallastræti. Nýja rannsóknarhúsið sem tekið var í notkun í vetur hefur staðið undir væntingum en þar fer fram kennsla í auðlindadeild og upplýsingatæknideild. "Húsið á eftir að sanna sig enn meira á komandi árum. Við stefnum að því að efla deildirnar sem fyrir eru og þá helst framboð á framhaldsnámi," sagði Jóna. Háskólinn á Akureyri hefur sótt í sig veðrið sem öflug menntastofnun á landsbyggðinni. "Með öflugu rannsóknarstarfi erum við að laða að okkur mjög vel menntaða kennara úr öllum greinum hvaðanæva úr heiminum. Þá er ekki hvað síst hversu áhugi Akureyringa hefur vaxið á starfi skólans og við höfum fengið góða og vel menntaða einstaklinga héðan úr bænum til að vinna með okkur."Mikil áhersla er lögð á hópavinnu í Háskólanum á Akureyri.
Nám Mest lesið Myndaveisla frá stjörnufans og gleðinni í Víðidal Lífið Brat Pitt í mynd um Formúlu 1 í framleiðslu Hamilton Bíó og sjónvarp „Þetta er enginn helvítis félagskvíði, það bara þolir mig enginn“ Áskorun Setti sér markmið og hóf veitingarekstur átján ára Lífið Högni og Snæfríður eignuðust stúlku Lífið Ólafía Hrönn reyndist vera á bak við „stóra pokamálið“ Lífið Sauð upp úr í stjörnufansi á golfmóti Coolbet Lífið Kvikmyndastjarna slær í gegn á Landsmóti hestamanna Lífið Biden móment hjá Nick Cave í Eldborg Lífið Júlía Margrét gengin út Lífið Fleiri fréttir Fjöldamet á stærstu listasýningu í sögu Hornafjarðar „Hluti af heild sem við skiljum ekki“ Magnús Geir endurráðinn þjóðleikhússtjóri „Ef ég væri einmana myndi ég ganga í Sjálfstæðisflokkinn“ Myndaveisla: Níu líf of stórkostleg fyrir eftirsjá Þau eru tilnefnd til Ísnálarinnar í ár Hvað eigum við að kalla eiginmann forseta? Sjá meira