Hluthafar bréfa í EJS eru 343 talsins.
Í tilkynningu um viðskiptin til Kauphallar Íslands segir að greitt verði fyrir hlutina með bréfum í Dagsbrún fyrir 72,9 milljónir króna á genginu 6,18. Við þessi kaup hefur Dagsbrún og Kögun, dótturfélag Dagsbrúnar, eignast alls 96,47 prósent hlutafjár í EJS.
Í tilkynningunni segir ennfremur að Dagsbrún muni leggja til við stjórn EJS að aðrir hluthafar skuli sæta innlausn á hlutum sínum í samræmi við 24. - 26. gr. laga nr. 2/1995 um hlutafélög.
