Viðskipti erlent

Enginn pantaði risaþotu á árinu

Engin flugfélög hafa lagt inn pöntun fyrir A380 risaþotu frá Airbus það sem af er árs.
Engin flugfélög hafa lagt inn pöntun fyrir A380 risaþotu frá Airbus það sem af er árs.

Pantanir á flugvélum hjá evrópsku flugvélasmiðjunum Airbus hafa dregist mikið saman á milli ára. Á fyrstu sex mánuðum ársins voru pantaðar 117 nýjar flugvélar sem er 159 flugvélum færra en á sama tíma í fyrra.

Þessu er öfugt farið hjá Boeing, helsta keppinauti Airbus. Flugfélög víða um heim hafa á fyrstu sex mánuðum ársins tryggt sér 487 Boeing-vélar, sem er 48 vélum fleiri en á sama tíma fyrir ári.

Fjármálasérfræðingar segja ljóst að neikvæð umræða um fyrirtækið í kjölfar tafa á framleiðslu A380 risaþotum félagsins hafi skaðað Airbus.

érfræðingarnir búast hins vegar við að hagur fyrirtækisins batni á árinu en líkur eru sagðar á að fyrirtækið nái góðum samningum á Farnborough flugvélasýningunni í Bretlandi síðar í þessum mánuði.

Að sögn breska ríkisútvarpsins hafa engar pantanir borist í A380 risaþotur frá Airbus á þessu ári.

Þrátt fyrir hremmingar vegna framleiðslu á A380 risaþotunum, sem verða þær stærstu í heimi, hefur Airbus aldrei selt fleiri flugvélar en á þessu ári. Fyrirtækið hefur það sem af er árs selt 219 vélar og er það 30 vélum meira en á sama tíma í fyrra.






Fleiri fréttir

Sjá meira


×