Heiðarlega löggan sem vill breyta rétt 12. ágúst 2006 06:30 Óskar Bjartmarz, yfirlögregluþjónn á Egilsstöðum, komst í hann krappann í vikunni þegar það kom í hans hlut að verja aðgerðir lögreglunnar, sem þótti ganga full vasklega fram í aðgerðum sínum gegn mótmælendum við Kárahnjúka. Mótmælendur vönduðu Óskari og hans mönnum ekki kveðjurnar í fjölmiðlum og sökuðu lögregluna um að hafa beitt friðsamlega mótmælendur ofbeldi og einn úr hópi Íslandsvina fullyrti að Óskar hefði ekið á sig við fjölskyldubúðir nálægt Kárahnjúkavirkjun. Óskar hefur vísað öllum ásökunum á bug og sagði manninn sem var ekið var á hafa sýnt ógnandi hegðun. Í viðtali við Fréttablaðið um síðastu helgi neitaði Óskar því að mótmælendur hefðu verið beittir harðræði og sagði aðgerðir lögreglu hafa verið réttmætar. Óskari rann þó eitthvað í skap öllum atganginum og á myndbroti sem sýnt var í Sjónvarpinu sást hann stugga við myndatökumanni Sjónvarpsins þar sem verið var að mynda mótmælendur og lögreglumenn á lóð lögreglustöðvarinnar á Egilsstöðum. Óskar viðurkenndi síðar að þar hafi hann gengið of langt og baðst afsökunnar á framkomu sinni. Í framhaldinu mætti hann í Kastljós Sjónvarpsins og skýrði sína hlið á málinu. Fyrrum samstarfsfélagi í lögreglunni Óskars segir hann traustan og samviskusaman félaga og vinnufélaga sem vilji gera rétt. Óskar þykir fastur fyrir, öflugur og maður stórra verka. Þá er hann saður varkár og athugull og að hann gæti þess að vera ætíð með allt á hreinu í leik og starfi. Vinir Óskars líkja honum við klett í hafi og að hann hreinn og beinn í samskiptum, heiðarlegur og sansögull. Óskar er fæddur í Reykjavík árið 1956 og byrjaði að starfa við löggæslu árið 1975 og hefur starfað innan hennar allar götur síðan ef frá er talið árið 1986-1987. Óskar tók við starfi yfirlögregluþjóns á Egilsstöðum fyrir ári síðan en hann hafði áður starfað þar um nokkurra mánaða skeið árið 1995. Sem barn var Óskar sex sumur í sveit á Hvanná á Jökuldal þannig að segja má að rætur hans megi að einhverju leyti rekja til Austurlands. Af fyrri störfum Óskars má nefna að hann hefur bæði starfað í almennri deild lögreglunnar og einnig í slysarannsóknardeild, þá var hann í afleysingum hjá Rannsóknarlögreglu ríkisins árið 1982. Óskar hefur verið ötull í félags- og trúnaðarmálum innan lögreglunnar og unnið mikið starf fyrir lögregluna í gegnum tíðina. Hann er í stjórn Íþróttafélags lögreglunnar í Reykjavík og hefur gegnt starfi formanns Landssambands lögreglumanna. Óskar ólst upp í hópi sex systkina í Smáíbúðahverfinu í Reykjavík og lét snemma að sér kveða við það að fanga dúfur og byggja dúfna- og kanínukofa. Jónína Bjartmarz umhverfisráðherra er systir Óskars og hún segir hann alltaf hafa verið hugmyndaríkan og framtakssaman og vanda til verka í öllu því sem hann tekur sér fyrir hendur. Óskar er frændrækinn mjög og er upphafsmaður Bjartmarz-golfmótsins þar sem ættingjar á öllum aldri koma saman og etja kappi á golfvellinum. Jónína segir að í ljósi þess hversu þéttur bróðir hennar sé á velli sé ekki að undra að hann hafi rekið sig utan í myndatökumann Sjónvarpsins fyrr í vikunni. Innlent Mest lesið Rafbílaeigendur með sínar leiðir til að svindla Innlent Starfsemi skert í tíu leik- eða grunnskólum í Reykjavík í vetur Innlent Mesta rúmmálið sem hefur safnast frá því að gosin hófust Innlent „Ekki sést á þessari öld“ Veður Kuldakastinu muni fylgja töluverð úrkoma Veður Vara við versnandi öryggisaðstæðum við Zaporizhzhia kjarnorkuverið Erlent Eru að slökkva í síðustu glæðunum í Somerset Erlent Kjörís gaf nokkur tonn af ís í dag Innlent „Ég hef aldrei séð annan eins viðbjóð“ Innlent Beðið eftir eldgosi: Allar vefmyndavélarnar á einum stað Innlent Fleiri fréttir Starfsemi skert í tíu leik- eða grunnskólum í Reykjavík í vetur Mesta rúmmálið sem hefur safnast frá því að gosin hófust Rafbílaeigendur með sínar leiðir til að svindla Kjörís gaf nokkur tonn af ís í dag Ný lágvöruverðsverslun áskorun og tónlistarframleiðsla Magga Mix Haraldur baunar á forstjóra Landsvirkjunar Bílaröð ísþyrstra Bændur opna bú sín á „Beint frá býli deginum“ Rekstraraðilar misvel undirbúnir Fylgjast náið með barnafjölskyldum í Grindavík Rauðu örvarnar koma síðdegis til Keflavíkur Óvíst með formannsframboð en frjálshyggjan megi ekki sigra Óvissa um formennsku VG og óþefur í kirkjugörðum Kúkalykt í kirkjugarði gerir út af við Grafavogsbúa Áframhaldandi norðankaldi en bjart sunnan heiða Sérsveitin aðstoðaði vegna hnífaburðar í Vesturbæ Öflugur skjálfti í Bárðarbungu „Ég hef aldrei séð annan eins viðbjóð“ „Ég veit ekki hvort að ég sé sammála um að rokið sé auðlind“ Neitaði að borga heita vatnið og slapp með skrekkinn Skotvopnaleyfi afturkallað og byssa gerð upptæk Sérsveitin í útkalli í Hafnarfirði Kerlingadráttur í 120 ára afmælisveislu í Borgarnesi Láglaunakonur neiti sér um mat svo að börn þeirra fái að borða Bjarni skilar jafnréttis- og mannréttindamálunum „Þetta var bara okkar líf og nú er það farið“ „Stórt skref í átt að kolefnislausum flota“ Á 110 á gangstétt og ók á lögreglubifhjól Sagði Pétri Jökli að skipta um síma í snarheitum Starfsfólk í áfalli og kynhlutlaus salerni á barnum Sjá meira
Óskar Bjartmarz, yfirlögregluþjónn á Egilsstöðum, komst í hann krappann í vikunni þegar það kom í hans hlut að verja aðgerðir lögreglunnar, sem þótti ganga full vasklega fram í aðgerðum sínum gegn mótmælendum við Kárahnjúka. Mótmælendur vönduðu Óskari og hans mönnum ekki kveðjurnar í fjölmiðlum og sökuðu lögregluna um að hafa beitt friðsamlega mótmælendur ofbeldi og einn úr hópi Íslandsvina fullyrti að Óskar hefði ekið á sig við fjölskyldubúðir nálægt Kárahnjúkavirkjun. Óskar hefur vísað öllum ásökunum á bug og sagði manninn sem var ekið var á hafa sýnt ógnandi hegðun. Í viðtali við Fréttablaðið um síðastu helgi neitaði Óskar því að mótmælendur hefðu verið beittir harðræði og sagði aðgerðir lögreglu hafa verið réttmætar. Óskari rann þó eitthvað í skap öllum atganginum og á myndbroti sem sýnt var í Sjónvarpinu sást hann stugga við myndatökumanni Sjónvarpsins þar sem verið var að mynda mótmælendur og lögreglumenn á lóð lögreglustöðvarinnar á Egilsstöðum. Óskar viðurkenndi síðar að þar hafi hann gengið of langt og baðst afsökunnar á framkomu sinni. Í framhaldinu mætti hann í Kastljós Sjónvarpsins og skýrði sína hlið á málinu. Fyrrum samstarfsfélagi í lögreglunni Óskars segir hann traustan og samviskusaman félaga og vinnufélaga sem vilji gera rétt. Óskar þykir fastur fyrir, öflugur og maður stórra verka. Þá er hann saður varkár og athugull og að hann gæti þess að vera ætíð með allt á hreinu í leik og starfi. Vinir Óskars líkja honum við klett í hafi og að hann hreinn og beinn í samskiptum, heiðarlegur og sansögull. Óskar er fæddur í Reykjavík árið 1956 og byrjaði að starfa við löggæslu árið 1975 og hefur starfað innan hennar allar götur síðan ef frá er talið árið 1986-1987. Óskar tók við starfi yfirlögregluþjóns á Egilsstöðum fyrir ári síðan en hann hafði áður starfað þar um nokkurra mánaða skeið árið 1995. Sem barn var Óskar sex sumur í sveit á Hvanná á Jökuldal þannig að segja má að rætur hans megi að einhverju leyti rekja til Austurlands. Af fyrri störfum Óskars má nefna að hann hefur bæði starfað í almennri deild lögreglunnar og einnig í slysarannsóknardeild, þá var hann í afleysingum hjá Rannsóknarlögreglu ríkisins árið 1982. Óskar hefur verið ötull í félags- og trúnaðarmálum innan lögreglunnar og unnið mikið starf fyrir lögregluna í gegnum tíðina. Hann er í stjórn Íþróttafélags lögreglunnar í Reykjavík og hefur gegnt starfi formanns Landssambands lögreglumanna. Óskar ólst upp í hópi sex systkina í Smáíbúðahverfinu í Reykjavík og lét snemma að sér kveða við það að fanga dúfur og byggja dúfna- og kanínukofa. Jónína Bjartmarz umhverfisráðherra er systir Óskars og hún segir hann alltaf hafa verið hugmyndaríkan og framtakssaman og vanda til verka í öllu því sem hann tekur sér fyrir hendur. Óskar er frændrækinn mjög og er upphafsmaður Bjartmarz-golfmótsins þar sem ættingjar á öllum aldri koma saman og etja kappi á golfvellinum. Jónína segir að í ljósi þess hversu þéttur bróðir hennar sé á velli sé ekki að undra að hann hafi rekið sig utan í myndatökumann Sjónvarpsins fyrr í vikunni.
Innlent Mest lesið Rafbílaeigendur með sínar leiðir til að svindla Innlent Starfsemi skert í tíu leik- eða grunnskólum í Reykjavík í vetur Innlent Mesta rúmmálið sem hefur safnast frá því að gosin hófust Innlent „Ekki sést á þessari öld“ Veður Kuldakastinu muni fylgja töluverð úrkoma Veður Vara við versnandi öryggisaðstæðum við Zaporizhzhia kjarnorkuverið Erlent Eru að slökkva í síðustu glæðunum í Somerset Erlent Kjörís gaf nokkur tonn af ís í dag Innlent „Ég hef aldrei séð annan eins viðbjóð“ Innlent Beðið eftir eldgosi: Allar vefmyndavélarnar á einum stað Innlent Fleiri fréttir Starfsemi skert í tíu leik- eða grunnskólum í Reykjavík í vetur Mesta rúmmálið sem hefur safnast frá því að gosin hófust Rafbílaeigendur með sínar leiðir til að svindla Kjörís gaf nokkur tonn af ís í dag Ný lágvöruverðsverslun áskorun og tónlistarframleiðsla Magga Mix Haraldur baunar á forstjóra Landsvirkjunar Bílaröð ísþyrstra Bændur opna bú sín á „Beint frá býli deginum“ Rekstraraðilar misvel undirbúnir Fylgjast náið með barnafjölskyldum í Grindavík Rauðu örvarnar koma síðdegis til Keflavíkur Óvíst með formannsframboð en frjálshyggjan megi ekki sigra Óvissa um formennsku VG og óþefur í kirkjugörðum Kúkalykt í kirkjugarði gerir út af við Grafavogsbúa Áframhaldandi norðankaldi en bjart sunnan heiða Sérsveitin aðstoðaði vegna hnífaburðar í Vesturbæ Öflugur skjálfti í Bárðarbungu „Ég hef aldrei séð annan eins viðbjóð“ „Ég veit ekki hvort að ég sé sammála um að rokið sé auðlind“ Neitaði að borga heita vatnið og slapp með skrekkinn Skotvopnaleyfi afturkallað og byssa gerð upptæk Sérsveitin í útkalli í Hafnarfirði Kerlingadráttur í 120 ára afmælisveislu í Borgarnesi Láglaunakonur neiti sér um mat svo að börn þeirra fái að borða Bjarni skilar jafnréttis- og mannréttindamálunum „Þetta var bara okkar líf og nú er það farið“ „Stórt skref í átt að kolefnislausum flota“ Á 110 á gangstétt og ók á lögreglubifhjól Sagði Pétri Jökli að skipta um síma í snarheitum Starfsfólk í áfalli og kynhlutlaus salerni á barnum Sjá meira