Móðir lét taka bíl af syninum

Móðir nokkur tók afar ábyrga afstöðu gagnvart glannalegum akstri sonar síns að mati lögreglunnar á Húsavík. Sonurinn var tekinn á 160 kílómetra hraða á fimmtudaginn í umdæmi lögreglunnar á Húsavík og verður sviptur ökuréttindum í kjölfarið.

Daginn eftir hringdi móðirin í lögregluna og bað hana að taka bílinn, sem er skráður á hennar nafn, af syni hennar. Þakkaði hún lögreglunni fyrir og sagðist styðja það heilshugar að sonurinn verði sviptur ökuréttindum.