Skaðaði sjón fórnarlambs

Maður á þrítugsaldri hefur verið ákærður fyrir stórfellda líkamsárás í október á síðasta ári.

Það var við veitingastaðinn Hlöllabáta í Reykjavík sem maðurinn veittist að öðrum manni og sló hann hnefahögg í höfuðið með þeim afleiðingum að sá síðarnefndi hlaut mar á sjónhimnu, glerhlaupslos og varanlega skert sjónsvið á hægra auga.

Ákæruvaldið krefst þess að maðurinn verði dæmdur til refsingar. Að auki er krafist bóta að upphæð ríflega 1,5 milljónir úr hendi ákærða.