Féll af baki við smölun og lést

Karlmaður á níræðisaldri lést eftir að hann féll af hestbaki ofarlega í Laxárdal í Dalasýslu í fyrradag. Maðurinn var bóndi og var við smalamennsku þegar slysið varð. Að sögn lögreglu virðist sem að hesturinn hafi hnotið um þúfu með þeim afleiðingum að maðurinn féll af baki.

Maðurinn var hjálmlaus og er talið að hann hafi látist samstundis.

Að sögn lögreglunnar á Búðardal er málið enn í rannsókn. Ekki er unnt að greina frá nafni mannsins að svo stöddu.