Ágúst sækist eftir 4. sætinu

Ágúst Ólafur Ágústsson varaformaður Samfylkingarinnar, sækist eftir 4. sætinu í prófkjöri Samfylkingarinnar í Reykjavík.

Ágúst Ólafur var kjörinn á þing í alþingiskosningunum 2003 og var kosinn varaformaður Samfylkingarinnar árið 2005.

Ágúst Ólafur er með háskólapróf í lögfræði og hagfræði frá Háskóla Íslands. Hann hefur gegnt mörgum trúnaðarstörfum fyrir Samfylkinguna, var í stjórn þingflokksins og er nú í stjórn Samtaka jafnaðarmanna í atvinnurekstri.